A escavación do Campo do Castro brinda sorpresas na pedra formosa

A ESCAVACIÓN DO CAMPO DO CASTRO BRINDA SORPRESAS NA PEDRA FORMOSA

A segunda fase da escavación do Campo do Castro, en Cedeira, brindou novas sorpresas ao equipo dirixido polo arqueólogo Emilio Ramil. O achado do pé dunha columna do monumento con forno descuberto en decembro apunta á existencia dunha estancia cuberta, polo menos parcialmente, «a modo de soportal». De confirmarse, «sería unha singularidade máis dun lugar xa relevante por acoller a quinta pedra formosa de Galicia», destacan desde o Concello cedeirense, promotor desta actuación, orzada en 18.000 euros e financiada pola Dirección Xeral de Patrimonio da Xunta de Galicia.