AXÚDASNOS A FINANCIAR A NOSA VIAXE A BURGOS PARA PARTICIPAR E GAÑAR CO NOSO VEHÍCULO DE INERCIA?

O desafío educativo Hiperbaric Challenge, dirixido a mozos de 3º e 4º de ESO, Bacharelato e Ciclos Formativos de Grao Básico, Medio e Superior de toda España, pretende espertar a súa curiosidade científica animándolles a deseñar e construír un prototipo de coche de inercia.

Na XI edición de Hiperbaric Challenge, que se desenvolverá durante o curso 2023-2024, volverá á súa cita habitual o sábado 22 de xuño coa celebración da carreira de inercia en Burgos. Todos os equipos participantes poñerán a proba o deseño dos seus coches durante varias mangas a través do circuíto urbano que percorre a baixada do Castillo ata o centro da cidade.

Ademais dos equipos participantes do Hiperbaric Challenge deste ano, pilotos e equipos da Copa de Castela e León de Deportes de Inercia competirán na carreira oficial deste campionato.

Dende Cedeira participamos con 15 alumnos/as e 2 profesores/as, contando ademais coa participación de case todos os negocios de Cedeira, familias, profesorado, pero NON nos chega, precisamos máis, o compromiso de todos/as para posicionar ao noso instituto e ao noso pobo nun proxecto a nivel nacional e, o máis importante, GAÑAR.

Pero para iso temos que desprazarnos o venres e pola tarde facer unha presentación ante 19 centros educativos e un xurado, e o sábado… A CARREIRA, para a que contamos cun piloto e unha piloto.

Axúdasnos?

No centro educativo temos unha caixa para donativos, estaremos o domingo 12 no feirón de Cedeira e podédesvos achegar por Vicedirección, debido a que aínda que o traballo é todo do alumnado, nós colaboramos con eles, como non podía ser doutro xeito.

#LOVAMOSAPETAR