A III Bandeira Concello de Cedeira de Traiñeiras será o domingo e repartirá 5.000 euros en premios

A III BANDEIRA CONCELLO DE CEDEIRA DE TRAIÑEIRAS SERÁ O DOMINGO E REPARTIRÁ 5.000 EUROS EN PREMIOS

O Concello de Cedeira organiza para o próximo domingo a III Bandeira Concello de Cedeira de Traiñeiras, para a que conta coa colaboración do club de Remo da localidade.

Na competición, que dará comezo ás once da mañá, tomarán parte un total de nove clubs da Liga Galega-B de traíñas. Son: CR Esteirada (Muros), CR Muros, CR Cabo da Cruz, CR Virxe da Guía, CR Vila de Cangas, CR Salgado-Perillo, CR Mugardos, CR A Cabana-Ferrol e o anfitrión, Club de Remo de Cedeira.

A regata consta de tres series con tres equipos participantes en cada unha delas. As embarcacións, que sairán do espigón, terán que cubrir unha distancia de 5.556 metros.

O vencedor da proba farase coa III Bandeira Concello de Cedeira. A organización repartirá un total de 5.000 euros entre os clubs participantes.