O CONCELLO PRESENTA MAÑÁ NO AUDITORIO O DOCUMENTAL SOBRE O TRABALLO ARQUEOLÓXICO EN PUNTA SARRIDAL

O Concello de Cedeira convoca para mañá, e invita á toda a veciñanza a asistir, a presentación do documental sobre a actuación arqueolóxica levada a cabo na Punta Sarridal. Alejandro Ramil é o autor deste traballo audiovisual. O acto dará comenzo ás 20.00 horas e terá lugar nas instalacións da biblioteca da cafetería do auditorio municipal.

O goberno local, segundo a concelleira de Cultura, María Xosé Rodríguez Pérez, xa adianta a súa intención de darlle continuidade a esa primeira intervención realizada na zona, na que foron extraídos vestixios que levan aos expertos a situar no lugar un posible asentamento castrexo. Restos de cerámica e utensilios domésticos, así como o posterior descubremento de dous murallas defensivas, feitas en pedra, foron as evidencias máis significativas duns traballos levados a cabo por un equipo formado por cinco profesionais -o arqueólogo Emilio Ramil, tres auxiliares arqueólogos e un debuxante/topografo-. A actuación tivo lugar durante a pasada primaveira e agora se poderán coñecer polo miúdo os seus resultados.