A ARCADIA DA XEOLOGÍA ATÓPASE EN CEDEIRA

Á sombra da Capelada dorme a Arcadia. Cun subsolo que galopa sobre centos de millóns de anos de historia, a xeoloxía de Ferrolterra e Ortegal ofrece xoias inigualables no mundo. Entre elas, as únicas praias de area negra no planeta que non teñen orixe volcánico ou os cantís máis altos da Europa continental. Para potenciar estes recursos a través do turismo sustentable, sete municipios loitan pola súa declaración como Xeoparque do Ortegal. Cedeira, Ortigueira, San Sadurniño, Moeche, Cerdido, Valdoviño e Cariño xa traballan desde o ano pasado neste proxecto, coa intención de presentar a súa candidatura oficial ante a Unesco no ano 2019.

E o acelerador písase desde Cedeira, onde o concello creou catro XeoRutas para que os visitantes coñezan as peculiaridades da súa paisaxe. Estas rutas lanzáronse o ano pasado, e tras o gran éxito deste verán recuperaranse en Semana Santa como indica a concelleira de Turismo e arqueóloga, María Xosé Rodríguez Pérez: “Son os primeiros pasos para a declaración de Xeoparque, e agora agardamos a axuda da Deputación”. Impulsadas polo doutor en Xeoloxía, Francisco Canosa, ofrecen catro paseos por Cedeira. “A Ruta do Cromo achégase á garita de Herbeira para ver os cantís e as antigas explotacións, a Ruta dos Cantís pasa polo sur de San Andrés de Teixido, a do Granate baixa á enseada das Cortes, e a máis solicitada é a Ruta dás Praias Negras”.

Fonte: El correo Gallego
Pode consultar a nova na seguinte ligazón:
IR Á LIGAZÓN La Arcadia de la geología se encuentra en Cedeira