FELICITACIÓNS AO CLUB BÁDMINTON CEDEIRA POLA SÚA ACTUACIÓN NO CAMPIONATO DE ESPAÑA SÉNIOR

O goberno local de Cedeira felicita ao Club Bádminton Cedeira pola súa actuación no Campionato de España Sénior que se disputou recentemente na Estrada. Nun encontro que marcou un récord de participación, con 329 inscritos, ofreceuse un sentido recoñecemento póstumo ao deportista local Juan Antonio Rodríguez, asiduo destas competicións e falecido recientemente. A súa viuda Hilda Martínez recolleu o galardón.

Cómpre destacar a actuación de Santiago Freire, que gañou o ouro en individual, dobles e mixtos e que recolleu tamén o premio MVP (de xogador máis valorado) do torneo. Tamén Dolores López Lorenzo foi ouro en mixtos e bronce en dobles; Manuel Suárez Feijo gañou o ouro en dobles e a prata en individual, e Hilda Martínez fíxose co bronce en individual, dobles e mixtos. O Concello estende as súas felicitacións a todos e todas as súas deportistas, que pese a non lograr medallas estiveron animando aos seus compañeiros.