ENTREGA DUNHA NOVA PARTIDA DE COMPOSTEIROS DOMÉSTICOS

O concello de Cedeira segue apostando pola compostaxe doméstica e, en colaboración con Sogama, entidade que cede os composteiros co obxectivo de promocionar unha xestión do lixo máis sostible. No día de onte, entregáronse 25 composteiros á veciñanza que así o solicitou durante a convocatoria do 2023.

Ademáis do propio dispositivo para realizar a compostaxe, as persoas beneficiarias do programa participaron dunha xornada formativa sobre o emprego e mantemento dos mesmos.

Desde o concello móstrase satisfacción da boa acollida que sempre ten entre a veciñanza este tipo de iniciativa, que leva desenvolvéndose dende o ano 2016, e suma xa máis de 250 familias implicadas na xestión in situ dos residuos orgánicos.

Así mesmo, comunícaselles a todas aquelas persoas que teñen realizada solicitude e non foron avisadas para esta entrega, que continúan na lista de agarda para a próxima convocatoria.