Skip to content Skip to left sidebar Skip to footer

NOVAS

Mantenemento web de turismo

MANTENEMENTO WEB DE TURISMO

Durante o día de hoxe levaranse a cabo labores de mantenemento na web municipal de turismo.
O servizo restablecerase á maior brevidade posible.

 

  • 18 Xaneiro, 2018 en NOVAS

Cedeira acolle este venres unha xornada informativa sobre a mediación

CEDEIRA ACOLLE ESTE VENRES UNHA XORNADA INFORMATIVA SOBRE A
MEDIACIÓN

“¿Mediación?…tú decides” é o lema dunha xornada informativa que, con motivo do Día Europeo da Mediación (21 de xaneiro), se celebrará este venres na vila de Cedeira. O acto terá lugar no auditorio municipal, a partir das doce do mediodía. A entrada é libre e gratuíta.
A organización da convocatoria corre a cargo da Asociación de Ferrolterra de Mediación, que conta coa colaboración do Concello de Cedeira e das entidades veciñais “O Cruceiro” de Ferrol e Piñeiros de Narón.
A mediación, segundo a Unión Europea, facilita a solución de conflitos e contribúe a evitar as preocupacións e a perda de tempo e diñeiro asociados aos pleitos xudiciais o que, ademais, permite ao cidadán defender os seus dereitos con eficiencia.

  • 17 Xaneiro, 2018 en NOVAS

Acreditación de competencias profesionais adquiridas a través da experiencia laboral- Publicación de convocatoria de novas prazas

ACREDITACIÓN DE COMPETENCIAS PROFESIONAIS ADQUIRIDAS A TRAVÉS DA EXPERIENCIA LABORAL- PUBLICACIÓN DE CONVOCATORIA DE NOVAS PRAZAS

Publicada no Diario Oficial de Galicia da Xunta de Galicia a convocatoria para o ano 2018 do proceso de acreditación de determinadas competencias profesionais adquiridas a través da experiencia laboral.

A Orde, que se publicou no D.O.G. núm. 7, do 10 de xaneiro de 2018, inclúe instruccións sobre o procedemento para as persoas que quedaron en reserva en convocatorias anteriores, e sobre a convocatoria de novas prazas para participar no procedemento de acreditación de determinadas unidades de competencia profesional nas seguintes familias profesionais:

  • Administración e xestión.
  • Agraria.
  • Comercio e mercadotecnia.
  • Edificación e obra civil.
  • Electricidade e electrónica.
  • Enerxía e auga.
  • Fabricación mecánica.
  • Hostalaría e turismo.
  • Imaxe e son.
  • Imaxe persoal.
  • Industrias alimentarias.
  • Informática e comunicacións.
  • Instalación e mantemento.
  • Madeira, moble e cortiza.
  • Química.
  • Sanidade.
  • Servizos socioculturais e á comunidade.
  • Transporte e mantemento de vehículos.

O prazo para inscribirse remata o 2 de febreiro de 2018.

Desde as seguintes ligazóns, pode acceder á información completa sobre a convocatoria, o procedemento e a inscrición:

IR Á LIGAZÓN Acreditación da experiencia profesional

IR Á LIGAZÓN Orde de convocatoria do proceso de acreditación