Cedeira que administra SERGAS plan no funcional próximo año incluye la extensión del centro médico

CEDEIRA gestiona el plan que SERGE FUNCIONAL el próximo año FIGURA LA EXPANSIÓN DE CENTRO MÉDICO

A ampliación do centro de saúde estase a converter nunha das prioridades do equipo de goberno de Cedeira. De feito, non hai moitos días o alcalde, Pablo Moreda Gil, era quen de informar ao presidente da Xunta, Alberto Núñez Feijóo, sobre os pasos que se están a dar nesa dirección, como o principio de acordo que existe coa Consellería de Medio Rural para a adquisición da propiedade que comparten co fin de incrementar ata un 40% a actual capacidade do centro ambulatorio.

É o mesmo obxectivo que esta semana levou ao alcalde e máis á concelleira de Turismo e Cultura, María Xosé Rodríguez Pérez, a reunirse co xerente da área Sanitaria de Ferrol, Ángel Facio Villanueva. Os argumentos, á hora de reivindicar a actuación, foron os mesmos que no mes de outubro xa deron lugar á unha concentración dunhas 300 persoas: a falta de espazo e a necesidade de equiparar as prestacións médicas ás necesidades reais da poboación. Entre outras cousas que urxe mellorar, os responsables municipais enumeraron desde obras de accesibilidade e melloras no arquivo e no almacén ata equipamentos e novos servizos. Con respecto a estes últimos, a petición do Concello de Cedeira pasa pola reubicación da consulta de pediatría, pola creación dunha sala para cirurxía menor e pola posta en funcionamento do servizo de rehabilitación.

Facio Villanueva explicou que existen “posibilidades reais” de que a ampliación do centro de saúde de Cedeira entre a formar parte do plan funcional que a área sanitaria de Ferrol presentará en xaneiro á Xunta de Galicia co fin de programar as actuacións a levar a cabo ao longo do próximo exercicio. Facio recoñeceu as limitacións que a día de hoxe presentan as instalacións actuais.

O alcalde de Cedeira asegurou que desde a administración local se colaborará en todo aquelo que sexa necesario para levar a cabo a ampliación do centro de saúde, por tratarse dunha prioridade tanto para o goberno como para á veciñanza. Ademais do chan que o Concello comparte coa Consellería de Medio Rural, o incremento da capacidade actual do centro médico tamén pasa pola ocupación do antigo edificio das sindicais.