O xeoparque cabo Ortegal toma como exemplo ao seu homólogo da costa Vasca

O XEOPARQUE CABO ORTEGAL TOMA COMO EXEMPLO AO SEU HOMÓLOGO DA COSTA VASCA

Representantes dos sete Concellos implicados no proxecto do xeoparque Cabo Ortegal – Cariño, Cedeira, Cerdido, Moeche, Ortigueira, San Sadurniño e Valdoviño – poñen rumbo mañá a Euskadi para coñecer de primeira man o funcionamento do xeoparque Costa Vasca, un dos últimos en ser aprobado pola Unesco. A visita desenvolverase o luns e martes por este parque xeolóxico que abarca 13 quilómetros de costa, dentro dos municipios de Mutriku, Deba e Zumaia. Destaca polos afloramientos de “flysch” ao redor dos cales se desenvolve un intenso labor divulgativo, de turismo científico e de lecer.

A viaxe busca tomar como exemplo o funcionamento desta iniciativa para articular a candidatura que se lle debe de presentar á Unesco para que lle outorgue a distinción á área da comarca de Ortegal. O complexo Cabo Ortegal abarca 630 quilómetros cadrados de superficie dos municipios antes mencionados, aos que habería que sumar As Somozas que se desmarcou desde o principio da iniciativa. Nesta área o xeólogo Francisco Canosa, apoiado pola Asociación de Amigos do Parque Xeolóxico do Cabo Ortegal localizou ata 52 lugares de interese xeolóxico e cinco sitios de relevancia internacional nos que se localizan formacións únicas como praias de area vermella ou negra, como a de Teixedelo de orixe non volcánico, afloramientos de lava, granitos negros ou restos glaciares, entre outros.

Fonte: Diario de Ferrol

Pode consultar a nova na seguinte ligazón:

IR Á LIGAZÓN O Xeoparque Cabo Ortegal toma como exemplo ao seu homólogo da costa vasca