Consejo Cedeira completa su oferta turística con visitas guiadas al Santuario de San Andrés

EL CONSEJO DE CEDEIRA completa sus VISITAS oferta turística al santuario de San Andrés

O Concello de Cedeira completa a súa oferta turística coa contratación da empresa Mariña Activa para visitas guiadas polos exteriores e máis o interior do santuario de San Andrés de Teixido. A iniciativa arrinca este primeiro domingo do mes de agosto con dúas convocatorias, que serán ás 11.30 e 12.30 horas.

As persoas que estean interesadas só teñen que presentarse nas inmediacións da igrexa a algunha das horas antes indicadas. A participación é gratuíta. Lendas, romerías, ritos e recursos, ademais das características e singularidades do lugar, serán os contidos dunhas visitas de entre vinte e trinta minutos de duración, segundo apuntou a persoa que estará a cargo da iniciativa. O programa terá continuidade durante os tres próximos meses (agosto, setembro e outubro).

Con esta nova actividade o Concello abre a súa oferta turística ata poñer ao alcance dos viaxeiros un total de catro posibles recorridos, incluíndo o Museo Mares de Cedeira. A visita guiada ao castelo da Concepción foi durante moitos anos a única posibilidade que había para descubrir a historia da vila. O fortín está aberto ao público de martes a sábado, en horario de 10.30 a 13.30 e de 17.00 a 20.00 horas, e os domingos de 17.oo a 20.00 horas. Foi no 2016 cando o goberno municipal apostou polo proxecto das xeorutas para mostrar a faciana máis descoñecida de Cedeira, ademais de poñer en valor riqueza xeológica do territorio. As rutas das Praias Negras, Os Cantís, Cromo e Granate son uns traxectos a pé de distinta duración que, da man do xeólogo Francisco Canosa, están ao alcance de todos os interesados e de maneira gratuíta. As saídas teñen lugar as fins de semana e a reserva de prazas pódese facer a través da oficina de turismo (teléfono 981 482 187), no blog rutasxeoloxicasdegalicia.blogspot.com.es ou na axenda de eventos da páxina web do Concello (www.cedeira.gal).