O Concello abre un servizo de atención á veciñanza sobre o consumo eléctrico e o aproveitamento enerxético

O CONCELLO ABRE UN SERVIZO DE ATENCIÓN Á VECIÑANZA SOBRE O CONSUMO ELÉCTRICO E O APROVEITAMENTO ENERXÉTICO

O Concello de Cedeira pon en marcha un novo servizo de asesoramento a particulares sobre todos aqueles asuntos que teñan que ver co consumo eléctrico e o aproveitamento enerxético. As persoas interesadas en facer uso do mesmo teñen que poñerse en contacto co concelleiro Camilo Casal, a través do teléfono 698 160 330. Trátase dun servizo presencial, que terá como referencia as dependencias municipais e que estará operativo de luns a venres, entre as 9.00 e as 14.00 horas (excluídos os festivos).

Queixas, dúbidas ou suxestións que o aproveitamento enerxético ocasiona na veciñanza e moi especialmente o mellor ou o máis rendible uso da enerxía eléctrica son só algúns dos asuntos que poderán ter resposta inmedianta coa posta en funcionamiento desta nova iniciativa do equipo de goberno de Cedeira.