Lanzadeiras de emprego 2017
LANZADEIRAS DE EMPREGO 2017
A Consellería de Economía, Emprego e Industria, xunto coa Fundación Santa María la Real e a Fundación Telefónica, e co cofinanciamento do Fondo Social Europeo, pon en marcha unha nova edición das lanzadeiras de emprego, que se levarán a cabo nas localidades de:
A Coruña
Carballo
Ferrol
Lalín
Lugo
Pontevedra ou
Santiago de Compostela,
En que consiste este programa?
Cada lanzadeira servirá para ADESTRAR a un equipo de 20 persoas desempregadas (15 mozos menores de 35 anos e cinco persoas de maior idade, ata os 59 anos) para realizar unha NOVA PROCURA DE TRABALLO, acorde ao mercado laboral actual.
Xa non estarás só/a na procura de traballo. Contarás coa axuda dun/ha técnico/a durante os cinco meses que dura o programa. Contigo estarán tamén outras persoas desempregadas, que vos axudaredes mutuamente a buscar traballo.
Que actividades farás na lanzadeira?
Ø Aprenderás a actualizar o teu currículo e adestrarás procesos de selección reais, con simulacións de entrevistas de traballo.
Ø Coñecerás novas técnicas de comunicación e marca persoal, para saber presentarte mellor a un posto de traballo.
Ø Reforzarás a procura de emprego na internet, en portais de emprego e redes sociais, con obradoiros para manexalas correctamente.
Ø Todos xuntos faredes un rastrexo de empresas da contorna e visitarédelas para darvos a coñecer como profesionais.
Características das lanzadeiras
A participación é VOLUNTARIA e as actuacións son TOTALMENTE GRATUÍTAS, polo queTAMPOUCO darán lugar a COMPENSACIÓNS ECONÓMICAS
Que resultados teñen as lanzadeiras de emprego?
Con este esquema funcionaron xa máis de 300 lanzadeiras por todo o país nos últimos tres anos. Nelas, o 50% das persoas participantes conseguiron un emprego por conta propia ou allea, ou retomaron os seus estudos.
Anímaste a participar?
Tés ata o 20 de abril para inscribirte na web de lanzadeiras, onde atoparás toda a información:
Visitar á ligazón para a inscrición na web lanzadeiras
Tamén podes informarte, solicitar e entregar impresos de inscrición a través:
– das oficinas de emprego
– dos axentes de emprego e desenvolvemento local
Máis información?
Facebook: LanzaderasDeEmpleo
Twitter: @Lanzaderas_EES
Tel.: 91 522 12 62
Email: info@lanzaderasdeempleo.es