Unhas gafas como as do avó

Hoxe 29 de maio ás 19.00 h. no Auditorio Municipal.

Entrada 2,5€.
(Lingua de signos – Lingua oral). Público Infantil (4 – 10).

Laura é unha nena moi inquieta que todo o tempo anda á procura de aventuras que vivir. No xardín da súa casa xoga ó seu xogo favorito: Soñar cos ollos abertos. Desta maneira pode explorar mundos lonxanos inimaxinables construídos dende a súa atolada imaxinación. Un día sente curiosidade polas gafas do seu avó; como se verá a través delas? O que comeza sendo unha pequena trasnada acaba por convertirse na maior de tódalas aventuras.

“UNHAS GAFAS COMO AS DO AVÓ” é un espectáculo inclusivo en lingua oral e lingua de signos. Nel as dúas linguas se misturan creando un espazo inclusivo para persoas xordas e oíntes a palabra falada e a palabra signada se miran de igual a igual. Unha oportunidade para as persoas oíntes para coñecer a “cultura xorda”. Unha oportunidade para as persoas xordas de participar dun espectáculo feito á súa medida.

Pódense reservar entradas desde dez días antes e ata o mesmo día pola mañá ou peche de taquilla por cheo:

• Correo electrónico enrique.vazquez@cedeira.gal
• Whatsapp no número 649876614 indicando o nome das persoas que asistirán e un número de teléfono. En horario de 9.00 a 14.00 h.