Programa da festa do Samain 2020

OBRADOIRO DE COLARES DE ZONCHOS
Cocede unhas castañas con pel, podedes aromatizar a auga con fiúncho, herbas… (preguntádelle á avoa!) e cando arrefríen un pouquiño, xa están listas para facer o colar. Apañade la e agulla e a coser nelas.
Antes gustabamos de ir con elas postas ao pescozo no camiño á praza vella. Así que se podemos saír a dar unha voltiña e ver as cabazas pola rúa, xa teredes algo que botar ao bandullo durante o paseo.

OBRADOIRO DE CABAZAS
Labrade a vosa cabaza ou melón, este ano temos tempo para adicarlle en familia, sacádelle unha foto e mandádenola ás nosas redes sociais (facebook e instagraman de Samaín Cedeira) acompañada do hashtag
#cabazassamain2020

EXPOSICIÓN DE CABAZAS
Colocade as vosas cabazas a rente da casa, onde toda a vila as poida ver. Lembrade iluminalas pola noite!

PASARRÚAS
Saiamos pasear por Cedeira (cumprindo o límite de cinco persoas que temos na actualidade) para ir vendo e admirando todas as cabazas. Sempre con sentidiño e seguindo todas as medidas de seguridade establecidas.