O XX Festival de Habaneras da Asociación Virxe do Mar será este sábado no auditorio de Cedeira

O XX FESTIVAL DE HABANERAS DA ASOCIACIÓN VIRXE DO MAR SERÁ ESTE SÁBADO NO AUDITORIO DE CEDEIRA

A vila de Cedeira terá este sábado unha cita coa música coral. Será da man do Festival de Habaneras que, organizado pola Asociación Cultural Virxe do Mar, terá lugar no auditorio municipal a partir das 20.00 horas. A entrada é libre e gratuíta.

O Concello de Cedeira colabora, xunto á Deputación da Coruña e a floristería Katy, na celebración dun encontro que este ano chega a súa vixésima edición e no que as actuacións correrán a cargo das corais polifónicas “Lembranzas” de Sada e de Santa Cruz de Oleiros e da local “Virxe do Mar”.