O “PINOCHIO” DE GHAZAFELHOS CHEGA ESTE SÁBADO A CEDEIRA

O Auditorio de Cedeira acollerá este sábado, ás 19.00 horas, a función de teatro infantil “Pinochio”, a cargo da compañía Ghazafelhos, que fai unha versión libre do clásico con títeres, teatro actoral e música en directo. A obra está dirixida a nenos e nenas a partir de cinco anos.

As persoas interesadas teñen que reservar localidades previamente a través do correo electrónico enrique.vazquez@cedeira.gal ou ben por whatsapp no número 649 876 614, en horario de 09.00 a 14.00 horas, indicando o nome das asistentes e un número de teléfono de contacto. O prezo da entrada é de 2,50€.