Skip to content Skip to left sidebar Skip to footer

O CONCELLO RECOLLE INFORMACIÓN PARA FACER O ESTUDO DIAGNÓSTICO DO COMERCIO E A HOSTALERÍA CEDEIRESA

O Concello de Cedeira pon en marcha a primeira fase do Plan de Dinamización do Comercio e a Hostalería coa recollida de información a través dunhas enquisas dirixidas tanto aos empresarios como á veciñanza da vila e visitantes. Desde o goberno local faise un chamamento á participación cubrindo un cuestionario que non leva máis que algúns minutos e que contribuirá a mellorar a competitividade dos negocios da localidade.

Desde xa pódense cubrir as enquisas nos enlaces colgados colgados na web do Concello:

O goberno local de Cedeira é consciente das dificultades que trouxo a crise sanitaria para os pequenos negocios, ao igual que das oportunidades que puxo de manifesto: o maior consumo local e o auxe da venda online ou o reparto a domicilio, en moitas ocasións a través de fórmulas colaborativas. Neste contexto, o Concello aposta por se converter en palanca de cambio coa posta en marcha deste Plan de Dinamización cuxo obxectivo é mellorar a competitividade do comercio e a hostalería local.

A fase de diagnóstico que agora se pon en marcha baséase na realización dunha análise do sector comercial e hostaleiro, por unha banda, e dos hábitos de compra e a percepción dos servizos que ofrecen os primeiros entre a clientela. Xunto coa realización das enquisas, recollerase información directa tamén doutras entidades, como asociacións culturais, musicais e deportivas, e celebraranse xuntanzas e entrevistas en profundidade a distintos tipos de axentes relacionados directa ou indirectamente coa actividade comercial da vila. Ademais, levaranse a cabo varias reunións ou mesas de traballo participativas co sector para completar o diagnóstico e validar as propostas de actuación.