O Concello convida a participar os/as veciños/as no enterro da sardiña

Afiade as vosas plumas!!
Que nestas datas de exceso
o falar non ten cancelas
e o froito das vosas verbas
terá panexírico eco
Será custodio do riso,
impertinente invitado
á transmutación de estado
camiño do paraíso,
ao navegar derradeiro
cara o escamoso valhalla
da sardiña, xa sen fala,
agasallo ao cancerbeiro
Bulide, escribide axiña,
veña negro sobre branco,
transformade en risa o pranto.
no Enterro da Sardiña.

Mandádenos as vosas coplas, enchédevos de sátira e vide despedir á sardiña con nós!.
Todas aquelas coplas que cheguen ao correo enrique.vazquez@cedeira.gal antes do 26 de febreiro serán lidas durante o enterro (as mesmas poden ser lidas pola persoa autora se así o quixer).

Serán excluídas aquelas coplas que utilicen unha linguaxe soez, insultos, ameazas ou empreguen linguaxe sexista, xenófoba, homófoba ou transfóbica.