O Concello amplía a oferta turística con roteiros pola vila, San Andrés e paseo marítimo/faro da Robaleira

O CONCELLO AMPLÍA A OFERTA TURÍSTICA CON ROTEIROS POLA VILA, SAN ANDRÉS E PASEO MARÍTIMO/FARO DA ROBALEIRA

O Concello de Cedeira vén de ampliar a oferta turística con tres saídas a pé que terán como destino o santuario de San Andrés, a vila e o paseo marítimo/faro da Robaleira. Son paseos dunhas tres horas de duración, excepto o que levará aos participantes a visitar o lugar de San Andrés de Teixido. A asistencia é gratuíta e o programa estará vixente ata a segunda quincena do próximo mes de setembro.

Trátase de roteiros cos que se quere afondar no coñecemento do municipio visitando aquelas zonas ou lugares de poden ser de especial interese para turistas e viaxeiros. O programa difúndese baixo o lema “Descubre Cedeira”. O denominado dos Tesouros discurre entre o paseo marítimo e o faro da Robaleira, mentres que o ten como referencia o casco vello da vila cedeirense chegará ata a capela de San Antonio, o xacemento do Sarridal e o castelo da Concepción. O roteiro de San Andrés achegará aos visitantes á Galicia máis tradicional e salvaxe.

As saídas realizaranse os martes e xoves e as persoas que desexen sumarse a esta iniciativa xa poden inscribirse na oficina de Turismo (avenida Castalao, nº 18), no correo electrónico mar.lopez@ cedeira.es ou mesmo no teléfono 981 482 187. Todas as saídas terán como punto de partida a oficina de información turística e se levarán a cabo en horario de mañá, a partir das 10.00 horas. Desde a organización recoméndase aos participantes levar calzado de monte, bastón, auga, froita e chuvasqueiro.