O CONCELLO AGRADECE A PARTICIPACIÓN E O BO HUMOR AMOSADO POLA VECIÑANZA NO VÍDEO DO ENTROIDO 2021

O Concello acaba de publicar na súa canle de Youtube o vídeo do Entroido 2021, realizado coas fotografías aportadas nos últimos días pola veciñanza. O alcalde, Pablo Diego Moreda Gil, agradeceu a alta participación e o bo humor amosado por todos e todas na celebración deste Entroido de portas para dentro, ao tempo que recoñeceu o esforzo que está a realizar a cidadanía de Cedeira para cumprir as medidas de prevención e evitar novos contaxios.

Unha colorida “peixeira” con anteface abre o vídeo, no que participan pequenos e maiores da vila, vestidos con diferentes disfraces ou coas mans metidas na masa, facendo freixós, rosquillas, orellas… A montaxe recolle tamén fotografías do Entroido no colexio e instantáneas en cor “sepia” da celebración de hai anos, así como vídeos nos que con moita sorna se practica o esquí, se vai de romería ou se toma un baño de sol… dentro da casa.

Enlace ao vídeo: