Skip to content Skip to left sidebar Skip to footer

O Castelo da Concepción estará aberto ao público ata o mes de febreiro

O Concello de Cedeira informa de que o castelo da Concepción estará aberto ao público, cando menos, ata o próximo mes de febreiro.

O executivo local recorda que se trata dunha construción defensiva, que a visita ten carácter gratuíto e que o horario de apertura é de martes a venres en horario de 12.00 a 17.00 horas e os sábados e domingos de 10.00 a 18.00 horas de forma ininterrompida en calquera de ambos os dous casos.

O equipo de goberno tamén informa de que a oficina de Turismo está a funcionar en horario de inverno, que é de luns a venres de 9.00 a 14.30 e os sábados de 10.00 a 14.00 horas. Trátase dun servizo gratuíto de información ao viaxeiro situado no palacete municipal e que foi un dos primeiros no ámbito comarcal.