O bádminton local xa está a preparar o campionato europeo sénior de final de mes

O BÁDMINTON LOCAL XA ESTÁ A PREPARAR O CAMPIONATO EUROPEO SÉNIOR DE FINAL DE MES

Un total de seis xogadores do club Bádminton Cedeira tomaron parte a pasada fin de semana na concentración que, organizada pola Federación Galega de Bádminton, tivo lugar na Estrada cara á preparación do Europeo Sénior que se celebrará dos días 24 ao 30 de setembro en Guadalajara.

Asistiron Juan Antonio Rodríguez, Santiago Freire, Dolores López, Josefa Pérez, Hilda Martínez e Manuel Suárez. Todos eles foron selecionados pola Federación Española de Bádminton por ranking nacional. Os integrantes do club cedeirense tomaron parte nas seguintes modalidades e probas:

Juan Antonio Rodríguez e Santiago Freire en DM+60
Juan Antonio Rodríguez e Dolores López en DX+60
Santiago Freire e Josefa Pérez en DX+55
Josefa Pérez e Hilda Martínez en DF+55
Manuel Suárez con Hilda Martínez en DX+55
Dolores López en IF+60
Hilda Martínez en IF+55
Manuel Suárez en IM+60
Manuel Suárez en DM+60,
Dolores López en DF+50

Á concentración asistiron un total de 35 xogadores de toda España. Así, ademais do equipo local, tamén se deron cita no pavillón Coro Ferreiro da Estrada os clubs do Mar, Gijón, Universidad Laboral de Ourense, CER Vigo, Athlos Ourense, Ravachol de Pontevedra, Geria de Castilla León, Troula e o da Coruña.