Skip to content Skip to left sidebar Skip to right sidebar Skip to footer

RESIDUOS

RESIDUOS

Dende o departamento de medioambiente trabállase para mellorar os índices de separación de residuos e, reducir así a cantidade destes que se deben envían a tratar, co obxectivo de avanzar na conservación do medio e tamén de diminuír os custes económicos asociados, a través dunha xestión máis eficiente dos mesmos.

O concello ofrece unha ampla gama de colectores para depositar os diferentes residuos; e facilita tamén a recollida a través do punto limpo fixo e a domicilio, no caso de enseres ou residuos de gran porte.

Cada residuo no seu colector

Residuos orgánicos ou biorrresiduos

Compostaxe doméstica

O concello de Cedeira impulsa o Programa de Compostaxe Doméstica , ofrecendo á veciñanza composteiros de forma gratuíta. Este programa vense desenvolvendo dende o ano 2016, en colaboración con SOGAMA, con fondos propios do concello e a través de axudas da Consellería de Medio Ambiente, Territorio e Vivenda dotadas con fondos do plan europeo Next Generation.

A elaboración de compost na casa ten moitas vantaxes, tanto medioambientais como económicas: reduce considerablemente o residuos que van aos colectores, produce abono orgánico rico en nutrientes, é fácil de manter e supón un aforro nos custes municipais polo tratamento de residuos.

Solicitude composteiro doméstico

Manual de compostaxe

Proxecto Ti tes a chave

É un proxecto de recollida separada de biorresiduos, no que os habitantes da zona urbana se acollen ao voluntariado marrón e, se comprometen a depositar os residuos orgánicos compostables en colectores específicos.

A cada familia participante entrégaselle un kit de participación que consiste nun caldeiro, bolsas compostables para recoller os residuos e unha chave coa que poder acceder ao colector marrón para depositar os residuos.

Folleto informativo Ti tes a chave

Todas aquelas persoas que desexen participar poden facelo solicitando a súa alta no programa, ben pasando pola casa do Concello ou ben a través do formulario seguinte

https://docs.google.com/forms/d/e/1FAIpQLSeXm-3d6HyxS29M-4A0A3Ngk-4aGIGe1DbJfmYD7ohuzuc1_g/viewform

Aceites de cociña

Débense depositar nos colectores habilitados para tal fin, repartidos polo termo municipal. Terán que ir envasados en botellas de plástico pechadas. Para facilitar a separación do aceite, dende o concello ofrécense funís adaptables ás botellas, e poden solicitarse de balde ata fin de existencias, na casa do concello.

Porqué e como separar o aceite doméstico

Na seguinte ligazón pódense consultar as localizacións onde están situados os colectores.

Ubicación dos colectores de aceite doméstico

Medicamentos. Deben ser depositados no punto SIGRE de calquera farmacia.

Envases de produtos fitosanitarios (herbicidas, insecticidas, funxicidas, etc.). Deben ser levados aos establecementos en que se compran.

Pilas e baterías de todo tipo, teléfonos móbiles, lámpadas de baixo consumo, etc. Deben ser depositados nos contedores situados na Praza da Marieta, na Praza de Galicia e no Punto Limpo.

Roupa e calzado. Colectores específicos de roupa e calzado

Outros residuos: mobles, voluminosos, electrodomésticos, etc. Deben ser depositados no Punto Limpo.

O horario de apertura do Punto Limpo é o seguinte:

  • Mércores: de 15.30 a 19.30 h.
  • Sábado: de 10.00 a 14.00 h.

Punto limpo

Na seguinte ligazón pódese consultar toda a información sobre a recollida de residuos voluminosos e perigosos no Concello:

IR Á LIGAZÓN Recollida de residuos voluminosos o perigosos

Por razóns económicas e ambientais, existe unha clara necesidade de reducir, reutilizar e reciclar os nosos residuos. Sendo de gran importancia a colaboración e implicación veciñal nesta materia.

VER PDF Consellos para reducir e reciclar