Skip to content Skip to left sidebar Skip to footer

Festival de coplas de entroido

FESTIVAL DE COPLAS DE ENTROIDO

Este ano, polo entroido,
Logo do baile e da farsa,
Do desfile das comparsas,
Co quero, mais xa non poido…

Faremos lumes no ar,
Deses que queiman o senso,
Que transforman rostros tensos
Nas risas que fan sandar!

Desfarémonos da lousa
Que nos cubre todo o ano
Para gustarlle a Mariano
Porque aquí facemos cousas.

E así iremos para o Auditorio
O día once de febreiro
Cantar o son retranqueiro
Que deixa ao rico en coiros

Coa túa participación podemos facer un entroido máis grande na nosa Vila.
Anímate! Fai a túa copla e ven cantala, contala, teatralizala, ou o “-ala” que ti queiras! Ven so, en parella, en grupo ou grupaso. Apúntate antes do 8 de febreiro no concello (649 876 614 ou no correo enrique.vazquez@cedeira.es) e participa neste primeiro festival de coplas de Entroido de Cedeira.
O festival queda supeditado a un número de participantes suficiente para garantir un tempo de actuacións dunha hora (aprox)