Marzo 2019

Enterro da sardiña

  • 9 Marzo, 2019
  • 7:00 p.m.
  • Praza da Marieta

Hoxe ás 19:00 h. ten lugar o velorio de Dona Sardiña na praza da Marieta, para a continuación acompañar a tan ilustre raspa polas rúas da Vila ata a praia da Magdalena onde terá lugar o seu enterro.

Prégase riguroso loito e sentidas choromicadas neste funerario acto.

Afiade as vosas línguas!

Enterro da sardiña 2019

  • 9 Marzo, 2019
  • 7:00 p.m.
  • Praza da Marieta - Praia da Madalena

Alá foi Dona Sardiña.

Hoxe ás 19.00 h. terá lugar o velorio na praza da Marieta, para a continuación acompañar a tan ilustre raspa polas rúas da Vila ata a Praia da Madalena onde terá lugar o seu enterro. Invitamos a toda a veciñanza a acompañarnos nesta despedida do Entroido para deixar atrás os excesos a través deste deceso. o Concello convida á veciñanza a participar na festa dunha forma máis activa, a facer coplas satíricas que posteriormente se lerán durante a celebración do enterro.

Prégase riguroso loito e sentidas choromicadas neste funerario acto.

As Asociacións das Amas de Casa, Aturuxeiras, Veciñanza de Piñeiro e a Banda Vila de Cedeira colaboran co Concello de Cedeira na organización do Enterro da Sardiña 2019.

Teatro familiar – “Güela, Güela”

  • 16 Marzo, 2019
  • 6:00 p.m.
  • Auditorio municipal

“Güela, Güela” de Galitoon preséntase ás 18.00 horas no Auditorio municipal (obra recomendada entre os 2 e os 8 anos).

Único espectáculo dunha compañía galega no Museo Nacional del Prado. Baseada na obra “Concierto de aves” de Frans Snyders, representouse durante o 2015 e 2016 no marco das actividades dirixidas ao público familiar e infantil que visita o Museo.

Entrada: 2,50 euros.

Teatro adultos – “DEP”

  • 30 Marzo, 2019
  • 8:00 p.m.
  • Auditorio municipal

D.E.P. de Malasombra Producións é unha trepidante comedia na que se mostra con moito humor, o egoísmo, a mentira e o engano entre irmáns ante a repartición dunha herdanza. Uns seres humanos que nos amosan o seu lado máis cruel, ante a disputa de bens materiais: “que mamá morra axiña por favor! “.

No Auditorio municipal ás 20.00 horas preséntase este espectáculo dirixido a un grande abano de públicos.

Entrada: 2,50 euros.