Outubro 2018

5º Trail e andaina Santo André de Teixido

  • 21 Outubro, 2018
  • 10:30 a.m.
  • Santo André de Teixido

Con saída e meta nun enclave único e excepcional, San Andrés de Teixido. Desde as 10.30 horas realizarase un percorrido pola costa máis agreste de Cedeira, apoiados polo cantil máis alto de Europa, Vixía de Herbeira. Unha viaxe de 25 quilómetros onde se poderán explorar zonas realmente espectaculares e correr polas montañas respirando o aire puro da Costa Ártabra, sendo capaces de gozar ao máximo unha proba que xa é un clásico no mundo do Trail.

Para realizar as inscricións , pode facerse a través da seguinte ligazón:
IR Á LIGAZÓN Inscricións 5º trail e andaina Santo André de Teixido

Ciclo de teatro “Terapia de Bar”

  • 27 Outubro, 2018
  • 8:00 p.m.
  • Narón

O grupo Teatro da Vila, da asociación de veciños de Piñeiro, en colaboración co Concello, Deputación, Asoc. Amas de Casa de Cedeira e Asoc. Maiores de Cedeira organiza un ciclo de teatro afeccionado durante o mes de outubro.

Asociación O Aturuxo de Melpómene de Narón.
Entrada 2€ .

I Concurso de Tapas de Outono

  • 27 Outubro, 2018
  • 11:00 p.m.
  • Cedeira

Hoxe comeza o I Concurso de Tapas de Outono coa participación de dezaseis locais de Cedeira.

O sistema de participación e puntuación estará exposto nos locais participantes (repetiremos a metodoloxía do concurso de tapas de merluza). O xurado voltará a ser o conxunto de persoas que cubran as tarxetas de votación que estarán situadas nos locais participantes tendo que ter probado, polo menos, cinco tapas.

Achegádevos a desfrutar co bo facer nos fogóns da hostelería cedeirense!

“Xantar-Bingo” solidario

  • 28 Outubro, 2018
  • 2:30 p.m.
  • Cafetería do Auditorio municipal

A beneficio da AECC co motivo do “Día Mundial do Cancro de Mama”, a Asociación Española contra o Cancro de Cedeira en colaboración co Concello, organiza un “Xantar – Bingo” solidario o domingo 28 de outubro, ás 14.30 horas na cafetería do Auditorio Municipal.
O prezo do xantar será de 20€, e require inscrición previa, que debe realizarse na Cafetería do Auditorio antes do 26 de outubro.