Marzo 2019

Entroido 2019

  • 2 Marzo, 2019
  • 11:45 p.m.
  • Praza Roxa - Pavillón

O programa de actividades previstas para a celebración do entroido ao longo deste sábado son:

O desfile dará comezo ás 17.00 horas. O seu punto de partida será a praza Roxa e, despois de percorrer as principais rúas da vila, chegará ao pavillón polideportivo, que acollerá as actuacións. A animación correrá a cargo da Batukada dos Discalz@s. O xurado estará formado por representantes de asociacións ou colectivos nomeados pola administración local, que valorará o vestiario e estética dos participantes, a creatividade dos disfraces, a posta en escena e a animación.

A xornada rematará coa actuación da orquestra “Israel” na praza Roxa, a partir das 23.45 horas.

Entroido 2019

  • 4 Marzo, 2019
  • 8:00 p.m.
  • Polideportivo municipal

O programa de actividades previstas para a celebración do entroido ao longo deste luns son:

Hoxe os nenos e nenas teñen a súa propia festa de entroido nas instalacións do pavillón polideportivo. A cita desenvolverase entre as cinco e oito da tarde, e haberá desde música ata animación e inchables para garantir o éxito da convocatoria.. Anímate e participa!!

Enterro da sardiña

  • 9 Marzo, 2019
  • 7:00 p.m.
  • Praza da Marieta

Hoxe ás 19:00 h. ten lugar o velorio de Dona Sardiña na praza da Marieta, para a continuación acompañar a tan ilustre raspa polas rúas da Vila ata a praia da Magdalena onde terá lugar o seu enterro.

Prégase riguroso loito e sentidas choromicadas neste funerario acto.

Afiade as vosas línguas!

Enterro da sardiña 2019

  • 9 Marzo, 2019
  • 7:00 p.m.
  • Praza da Marieta - Praia da Madalena

Alá foi Dona Sardiña.

Hoxe ás 19.00 h. terá lugar o velorio na praza da Marieta, para a continuación acompañar a tan ilustre raspa polas rúas da Vila ata a Praia da Madalena onde terá lugar o seu enterro. Invitamos a toda a veciñanza a acompañarnos nesta despedida do Entroido para deixar atrás os excesos a través deste deceso. o Concello convida á veciñanza a participar na festa dunha forma máis activa, a facer coplas satíricas que posteriormente se lerán durante a celebración do enterro.

Prégase riguroso loito e sentidas choromicadas neste funerario acto.

As Asociacións das Amas de Casa, Aturuxeiras, Veciñanza de Piñeiro e a Banda Vila de Cedeira colaboran co Concello de Cedeira na organización do Enterro da Sardiña 2019.