Skip to content Skip to left sidebar Skip to footer

Coa obra “D.E.P.” rematarán tres meses de teatro na Vila de Cedeira

COA OBRA “D.E.P.” REMATARÁN TRES MESES DE TEATRO NA VILA DE CEDEIRA

A programación do ciclo Teatro Adultos pechará este sábado coa representación da obra “D.E.P.” a cargo da compañía Malasombra Producións no auditorio municipal. As entradas, que se poderán adquirir o mesmo día da función na billeteira do centro cultural, terán un custo de 2,5 euros. O acto dará comezo ás 20.00 horas.

A obra, da que son autores Jordi Sánchez e Pep Antón Gómez, conta a historia dunha familia composta por unha nai con demasiados anos, un fillo cunha muller posesiva, outro que a cuida e unha noite interminable chea de segredos na que acaba saído á luz a confesión máis crúa da función: “Fran, eu creo que non quero a mamá”, ao que contesta o seu irmá: “pois mira que se se cura”….

Na representación, cuxa dirección corre a cargo de Marcos Orsi, intervirán os actores Jouse García, Patricia Rodríguez e Xoque Carbajal.

Desde o pasado mes de xaneiro, o auditorio municipal de Cedeira acolleu un total de seis representacións teatrais da man dos ciclos Teatro Familiar, que finalizou o pasado día 16 coa obra “Güela, Güela”, e do que rematará este sábado coa actuación da compañía Malasombra Producións sobre o escenario do auditorio municipal.