Cedeira rememora o desastre de Chernóbil para abrir a posibilidade dun programa de acollida de nenos da zona por familias locais
CEDEIRA REMEMORA O DESASTRE DE CHERNÓBIL PARA ABRIR A POSIBILIDADE
DUN PROGRAMA DE ACOLLIDA DE NENOS DA ZONA POR FAMILIAS LOCAIS
O Concello de Cedeira vén de iniciar un proceso de colaboración coa organización Ledicia Cativa para contribuír á divulgación das consecuencias que aínda hoxe, máis de trinta anos despois, segue a ter o accidente nuclear de Chernóbil e tamén para abrir a posibilidade á acollida de nenos da zona por parte de familias da localidade.
Esta contribución dará lugar á celebración charla informativa ampla e exhaustiva impartida por membros da mencionada asociación para que toda á veciñanza coñeza de primeira man os requisitos a cumprir por parte das familias que poidan estar interesadas en participar no programa de acollida. Esta iniciativa vai dirixida a nenos/as e adolescentes, de entre 6 e 17 anos. Son estancias de dous meses de verán para que os participantes “poidan fortaleza o seu corpo e o seu espíritu”, tal e como ponse de manifesto desde o executivo local.
O Concello está a estudar unha posible data para a celebración desde encontro, co que se pretende recordar o ata de agora considerado “maior desastre medioambiental da historia” e “as miles de persoas que recibiron grandes doses de radiación, aos mortos imposibles de cuantificar e aos miles de desprazados” . As consecuencias a corto e longo prazo seguen a ser cánceres, leucemias, malformacións xenéticas, ademais dunha angustia psicolóxica permanente, e os nenos as vítimas máis inocentes. Ledicia Cativa é unha organización galega que desde hai máis de 20 anos fai posible que nenos e adolescentes poidan fuxir, alomenos durante dous meses de verán, unha realidade dura e perigosa.