CEDEIRA PASA AO NIVEL DE MÁXIMAS RESTRICIÓNS
Onte saíu publicada no DOGA a orde da consellería de sanidade e o decreto que varía a situación do Concello de Cedeira pasando ao nivel de máximas restricións, con eficacia desde o xoves 21 de xaneiro.
A grandes rasgos esta nova modificación modifica a situación na que xa estabamos en varios aspectos:
- Mobilidade: só poderemos desprazarnos polo noso concello salvo nas excepcións marcadas na norma (traballo, retorno de estudantes ao fogar familiar, servizos esenciais, coidado de persoas, alimentación e coidado de animais…).
- Hostelería e restauración: o horario de peche mantense nas 18.00 h. pero só poderán atender en terraza cunha ocupación máxima do 50%. O servizo a domicilio mantense ata as 00.00 h. e de recollida no local ata o límite do toque de queda, 22.00 h.
- Centros de ocio infantil:permanecerán pechados.
No resto de situacións mantéñense as que xa tiñamos:
- Reunión: Limítanse os grupos para o desenvolvemento de calquera actividade ou evento de carácter familiar ou social na vía pública, espazos de uso público ou espazos privados, a un máximo de catro persoas, excepto no caso de persoas conviventes en que non se aplicará esta limitación.
- Actividades deportivas (federadas de carácter autonómico e non federadas), e actividades socio-culturais: grupos de máximo 4 persoas + monitor.
- Comercio: peche as 21.30 h. con ocupación máxima do 50 %
Estaremos atentos ao desenvolvemento da reunión do consello interterritorial de saúde no que se debatirá o horario do toque de queda poidendo ser adiantado. Nese caso terá que facerse aínda o comunicado e a seguinte publicación do decreto coa data de inicio do mesmo.
