CEDEIRA CLOSING UNTIL SEPTEMBER WORKSHOP REPORT

Cunha pequena celebración finalizaba esta semana o obradoiro de memoria promovido polo Concello de Cedeira “para contribuír á socialización dos maiores e para que saian das súas casas durante o inverno, que é longo”, tal e como apunta a concelleira de Servizos Sociais e Igualdade, Manuela López Rodríguez.

López Rodríguez valora o índice de asistencia e participación, “superior ao do ano pasado” e recorda que se trata de actividades que se convocan dúas veces ao ano -de xaneiro a xuño e de setembro a decembro- e que se celebran en Cedeira, Sisalde, Montoxo, Santalla e Esteiro para que poida chegar ao maior número de persoas interesadas.

A concelleira tamén anuncia a continuidade do programa cara ao próximo curso e destaca os resultados que se desprenden dunha actividade que estimula a memoria e coa que tamén se traballa a atención, a capacidade de concentración e as funcións cognitivas en xeral.