Skip to content Skip to left sidebar Skip to footer

SERVICIOS SOCIAIS

Aberto o prazo de inscrición para ximnasia de mantemento da terceira idade

ABERTO O PRAZO DE INSCRICIÓN PARA XIMNASIA DE MANTEMENTO DA TERCEIRA IDADE

O Concello de Cedeira abre o prazo de inscrición para asistir ás clases de ximnasia de mantemento que terán lugar os martes e xoves na sala Áncora. Trátase dunha actividade dirixida ao colectivo da terceira idade. O prazo rematará o día 31 do presente mes. A iniciativa impartirase en horario de mañá, de 10.00 a 11.00 horas. As reservas de prazas terán que formalizarse nas oficinas de Servizos Sociais.

O Concello de Cedeira firma un acordo para completar os servizos que xa existen para atender ás mulleres maltratadas

O CONCELLO DE CEDEIRA FIRMA UN ACORDO PARA COMPLETAR OS SERVIZOS
QUE XA EXISTEN PARA ATENDER ÁS MULLERES MALTRATADAS

O Concello de Cedeira, xunto aos de Cariño, Ortigueira e Mañón, firmou onte un convenio para acceder ás subvencións que concede a Xunta, a través da Secretaría Xeral de Iguadade, aos Centro de Información á Muller. A tramitación das axudas corresponderalle ao Concello de Ortigueira por ser, dende xaneiro de 2005, a administración da contorna que ten recoñecido o único centro que funciona na zona. Ademais de prestar atención específica ás mulleres vítimas da violencia de xénero, o centro contribúe á difusión e sensibilización cidadá acerca do principio de igualdade entre homes e mulleres, fomenta o asociacionismo e a participación das usuarias na sociedade civil e axuda a canalizar denuncias e queixas en mate-ria de discriminación, entre outros cometidos.

No que se refire aos casos de maltrato, segundo sinalou a primeira tenente de alcalde, María Xosé Rodríguez, Cedeira “ten a posibilidade de completar as prestacións que os Servizos Sociais xa ofrecen ás mulleres maltratadas”. En concreto, o goberno cedeirés valora moi especialmente a asesoría xurídica e os temas de formación aos que así tamén poderán acceder as cedeiresas que os requiran. O Concello conta coa axuda dunha psicóloga para atender ás mulleres que son vítimas da violencia machista.

María Xosé Rodríguez recoñeceu que en Cedeira, “por desgraza”, tamén existen casos de maltrato, unha problemática que no que vai de ano xa acobou coa vida de 36 mulleres.

Pode consultarse o texto íntegro do acordo asinado na seguinte ligazón:


VER PDF Acordo para a solicitude de subvención do programa de apoio ao Centro de Información á Muller

Aberto prazo de inscrición no Módulo formativo de Atención e apoio psicosocial domiciliario

ABERTO PRAZO DE INSCRICIÓN NO MÓDULO FORMATIVO DE ATENCIÓN E APOIO PSICOSOCIAL DOMICILIARIO

Ao abeiro do acordo entre os concellos de Cariño, Cedeira, Cerdido, Mañón e Ortigueira para a solicitude da subvención do Programa de Apoio ao Centro de Información á Muller, o Centro de Información á Muller do Concello de Ortigueira (dependente da Área de Benestar Social e Igualdade), abre o prazo para inscribirse no Módulo formativo de Atención e apoio psicosocial domiciliario, cofinanciado pola Deputación da Coruña.

O curso, que comenzará o día 13 de outubro, consta de 15 prazas, ten unha duración de 220 horas e desenvolverase en horario de mañá de luns a venres, no Centro de Participación de San Roque.

As persoas interesadas deberán inscribirse persoalmente no Centro de Información á Muller, e as prazas cubriranse por rigoroso orden de inscrición tendo preferencia as persoas que teñan cursado algún módulo para a obtención do Certificado de Atención sociosanitaria a persoas no domicilio.

O prazo de inscrición remata o dia 10 de outubro ou cando se cubran as prazas ofertadas.

O anuncio de este curso vai acompañado dunha campaña de sensibilización a favor da incorporación dos homes ao cuidado das persoas dependentes.

Para inscricións ou máis información:

Centro Social, 1ª. Alameda s/n (Ortigueira)
Tfno: 981 40 25 42