PERSOAL E FACENDA

Cedeira abriu o prazo para crear unha bolsa de traballo de informadores turísticos

CEDEIRA ABRIU O PRAZO PARA CREAR UNHA BOLSA DE TRABALLO DE INFORMADORES TURÍSTICOS

O Concello de Cedeira promove a creación dunha bolsa de traballo de informadores turísticos. Con este obxectivo vén de abrir un plazo de 10 días naturais a fin de que as persoas interesadas poidan apuntarse cara á celebración do concurso-oposición previsto nas bases publicadas onte no Boletín Oficial da Provincia.

Tratarase de contratacións laborais temporais ou nomeamentos interinos, cunha xornada laboral de 37 horas e a retribución correspondente, segundo a táboa salarial vixente para o persoal laboral do Concello, ao grupo B (RDL 5/2015).

Entre outros requisitos, os aspirantes teñen que estar en posesión de calquera destes títulos: Técnico Superior en Guía, Información e Asistencia Turística; Técnico en Empresas e Actividades Turísticas; Grado de diplomado en Turismo; Licenciado ou grado en Historia do Arte ou Humanidades. Ademais, teñen que poseer as capacidades e aptitudes físicas e psíquicas para o desenvolvemento das funcións correspondentes e non estar incursos en causa de incapacidade ou incompatibilidade que determine a lexislación vixente. A condición de minusválido e a súa compatibilidade acreditaranse mediante a certificación de Sanidade e Servizos Sociais.

A presentación da solicitudes poderá facerse no rexisto xeral do Concello, na sede electrónica (https://sede.cedeira.es) e mesmo tamén a través da forma prevista no artigo 16.4 da Lei 39/2015 do 1 de outubro do procedimento administrativo común das Administracións Públicas. Na convocatoria contémplase así mesmo a posibilidade de mandar a instancia a través do correo postal. Neste caso, desde a administración local se informa de que só serán admitidas aquelas instancias nas que apareza o selo de Correos e sempre e cando se comunique o envío por correo electrónico (correo@cedeira.es) ou vía fax ao número 981 482 506.

As solicitudes presentaranse no modelo oficial e terán que ir acompañadas de fotocopias do DNI e máis da titulación esixida, do certificado Celga, así como da documentación acreditativa dos méritos alegados e do xustificante do pago da taxa, que ascende a 10 euros.

Unha vez finalizado o prazo de presentación, resultará aprobada a listaxe provisional de admitidos, que se fará publica a través do taboleiro de anuncios do Concello, e na páxina web institucional (www.cedeira.gal). Posteriormente, celebrarase o concurso-oposición baixo criterios de selección en función da experiencia laboral, formación, coñecemento da lingua galega e dun exame tipo test de carácter obrigatorio e eliminatorio no que estarán en xogo a maioría dos puntos.

Aberto o prazo para solicitar as bonificacións e beneficios fiscais do IBI e da taxa do lixo

ABERTO O PRAZO PARA SOLICITAR AS BONIFICACIÓNS E BENEFICIOS FISCAIS DO IBI E DA TAXA DO LIXO

O Concello de Cedeira informa da apertura de prazos para solicitar as bonificacións no IBI e na taxa do lixo para familias numerosas.

Pode consultar toda a información ao respecto destas solicitudes nos servizos sociais municipais. Os prazos e as ordenanzas reguladoras son:

- - Bonificación na taxa do IBI para familias numerosas

Prazo de solicitude: antes do 31 de marzo.
Pode consultar a ordenanza vixente que regula esta bonificación na seguinte ligazón:
IR Á LIGAZÓN Ordenanza fiscal do imposto de bens inmobles (Artigo 8)

- - Bonificación na taxa do lixo para familias numerosas e outros colectivos

Prazo de solicitude: antes do 31 de marzo.
Pode consultar a ordenanza vixente que regula esta bonificación na seguinte ligazón:
IR Á LIGAZÓN Ordenanza fiscal reguladora da taxa por recollida de residuos (Artigo 4)

O Concello persónase contra o concelleiro Vilela Santalla, ao que o xulgado acusa de malversación

O CONCELLO PERSÓNASE CONTRA O CONCELLEIRO VILELA SANTALLA, AO QUE O XULGADO ACUSA DE MALVERSACIÓN

O Concello de Cedeira tomou o acordo de personarse na causa aberta polo Xulgado contra o concelleiro Alfredo Vilela Santalla por un delito de malversación. Vilela está acusado de simultanear, durante o mandato 2011-2015, a dedicación exclusiva como concelleiro-delegado de Atención Cidadá, Servizos, Mantemento e Obras coa dirección e administración “de facto” da súa empresa de construción con sede na vila de Cedeira.

A decisión, que resultou aprobada no pleno de onte cos votos do equipo de goberno (PSOE, BNG e Anova) e co abandono do PP da sesión para non ter que pronunciarse sobre o asunto pola súa amizade con Alfredo Vilela, obedece ás consultas e informes emitidos polo secretaría do Concello, o despacho Lamas y Abogados e o servizo de asistencia xurídica da Deputación. Todos coinciden na necesidade de personarse no procedemento a efectos de exercer a acción civil tendente á restitución, reparación do dano e indemnización polos prexuízos causados, cuantificados en 112.000 euros.

O equipo de goberno, que subliña “a responsabilidade dos cargos públicos de denunciar e perseguir os delitos dos que poden ser coñecedores para no incorrer en prevaricación”, pon de manifesto que o Concello actúa en calidade de “prexudicado” patrimonialmente polos supostos cobros indebidos. Tamén fai constar que se está a actuar en defensa dos intereses dos cedeirenses e como consecuencia do requirimento formulado no seu día desde o Xulgado de Primeira Instancia e Instrucción de Ortigueira solicitando ao Concello que manifestase se se persoa como parte no procedemento ou, polo contrario, renuncia ás accións na súa condición de prexudicado na causa contra o exconcelleiro, que formou parte da corporación no último mandato do PP no Concello de Cedeira.

O día 9 de xullo do ano 2011 Alfredo Vilela Santalla presentou, a efectos da súa toma de posesión como concelleiro, declaración sobre causas de posible incompatibilidade, indicando que non concorría ningunha das descritas no artigo178 da LOREG. Posteriormente, e mediante unha resolución da Alcaldía, o día 20 de xullo do 2011, actúase a favor de Vilela Santalla outorgándolle as delegacións municipais de Atención Cidadá, Servizos, Mantementos e Obras. Finalmente, o día 29 dese mesmo mes o pleno recoñeceulle a dedicación exclusiva, pola que percibiría un importe anual bruto de 28.000 euros.

De resultar probada a causa que o xulgado ten aberta contra o concelleiro este terá que devolver o que cobrou ao erario público cedeirense, reiterase desde o goberno municipal.