PARTICIPACION

As persoas interesadas en apuntarse nalgunha destas actividades poden facer a súa preinscrición (até o martes 11 de outubro) na Oficina de Turismo (Palacete municipal), ou ben a través do correo electrónico cursosculturacedeira@gmail.com

Descricións dos cursos:

Obradoiro de Manualidades
Imparte Fernando Villoslada
Contido: Traballo en arcilla, xeso, elaboración de moldes, restauración e decoración
Temporalización: 4 h semanais
Máximo 10 persoas
Cuota mensual: 10 €

Obradoiro de Teatro
Imparte Simone Jenkinson
Contido – Formación clásica de actores e enfoque contemporáneo do teatro – Traballo de voz e corpo xunto con técnicas de construcción de personaxe
Lugar: Auditorio Municipal
Grupo 1 – Luns de 17.00 a 18.30 h
Grupo 2 – venres de 17.00 a 18.30 h
Máximo 10 persoas por grupo
Cuota mensual: 10 €

Obradoiro de Debuxo e pintura
Imparte Andrés Urrutia
Contido – Desenvolvemento de facultades e destrezas no debuxo co estudo do espazo, luz, cor…
Temporalización:
San Román – Luns de 10.30 a 12.30 (local social da AVV de San Román)
Cedeira – 4 grupos (Sala Áncora)
Grupo 1 – Martes de 10.30 a 12.30,
Grupo 2 – Mércores de 19.00 a 21.00 h.
Grupo 3 – Xoves de 10.30 a 12.30 h.
Grupo 4 – Xoves de 19.00 h a 21.00 h.
Cervo – Mércores de 16.00 a 18.00 h. (local social da AVV Tarroiba)
Esteiro – Venres de 10.30 a 12.30 (local social da AVV de Esteiro)
Montoxo – Venres de 18.30 a 20.30 h (local social da AVV de Montoxo)
Cuota mensual: 10 €

Tapices artísticos e outras técnicas textiles
Imparte – Javier Rodríguez
Obxectivos – coñecemento do tecido en tear de alto lizo manual, materiais, uso de cores para traducilo ao tapiz
Lugar: Sala Áncora
Grupo 1 – Luns de 10 a 13 h.
Grupo 2 – Luns de 16 a 19 h.
Máximo 15 persoas por grupo
Cuota mensual: 10 €

Obradoiro sensorial – O Cesto dos Tesouros
Imparte: Eva Blanco Damota
Obxectivo: Actividade inaugural do proceso da consecución da autonomía do bebé, explorando o seu contorno dun xeito novo. Pensado para familias con crianzas de 6 a 18 meses
Domingo 16 de outubro– Auditorio Municipal
Grupo 1 – 12.00 h.
Grupo 2 – 13.00 h.
Máximo 10 bebés por grupo
Cuota sesión: 2 €

Obradoiro 5 puntos clave para comer saudable
Imparte: Claudia Pérez Armada
Obxectivos: mellorar coñecementos sobre nutrición, saúde e benestar. Adquirir competencias para poder elexir de xeito adecuado os alimentos. Pensamento crítico e consciente do que comemos. Cociña saúdable
5 sesións semanais – CEIP Nicolás del Río
As sesións desenvolveranse os sábados pola mañá.
Sesión 1: 1,5 h
Sesión 2: 2 h
Sesión 3: 2,5 h
Sesión 4: 3,5 h
Sesión 5: 1,5 h
Máximo 10 persoas por grupo
Custo: 22 € obradoiro completo

Bonificacións:
a. Unha bonificación do 100 por 100 para os membros de unidades familiares nas que os ingresos per cápita non acaden o IPREM. A estes efectos entenderase como unidade familiar a composta por todas as persoas que figuren inscritas na mesma folla padroal.
b. Unha bonificación do 50 por 100 para os membros de familias con título de familia numerosa.
c. Unha bonificación do 50 por 100 para os membros de familias monoparentais, entendendo como tal a definida nos termos do artigo 13 da Lei 3/2011 de 30 de xuño, de apoio á familia e á convivencia de Galicia.
d. Unha bonificación familiar do 25 por 100 aplicable aos casos nos que se inscriban ou participen un mínimo de dous irmáns menores de 18 anos en calquera das actividades ou talleres gravados no presente Texto.
e. Unha bonificación do 100 por 100 para os maiores de 65 anos, que conten cuns rendementos económicos brutos per cápita que non superen o 125% do IPREM vixente no momento de efectuar a solicitude computados anualmente por todos os conceptos e por unidade familiar.

O público encheu onte as cadeiras e seguiu de pé o concerto do festival Jazz de Ría en Cedeira, nunha noite musical a cargo de David Regueiro Trío+Alexandre Cavaliere na que se creou un ambiente espectacular. Foi un comezo por todo o alto para o programa das festas de verán, que hoxe venres terán o seu pregón a cargo da Banda de Música. Un ano máis, o Concello confiou a unha entidade local o pistoletazo de saída do programa, desta volta a unha formación que é todo un emblema da profunda tradición musical que existe na localidade.

Ás 20.00 horas, na praza do Concello tomarán a palabra Sofía García, que ademais de intérprete é a presidenta da Banda de Música Vila de Cedeira, e outros tres compoñentes do grupo. O “cuarteto” ofrecerá un pregón no que falarán da súa formación como un espello do que é tamén Cedeira: un espazo no que crecer, no que se encontrar, ao que regresar…

Tras a lectura do pregón, ás 20.30 horas, lanzarase o “chupinazo” que marca o oficial inicio das festas e a Banda de Gaitas de Buxainas fará un pasarrúas saíndo da praza do Concello e percorrendo a avenida da Mariña e a rúa Ponte Nova para chegar á Praza Roxa.

Porén, o programa de hoxe comezará antes, coa Carreira Popular. É unha proba non competitiva e aberta a todas as idades, cun percorrido polas rúas do centro da localidade. A saída tomarase ás 18.30 horas desde a Praza Roxa e desde as 17.30 estará aberta a inscrición, de balde, na sala Áncora. A teor do que tradicionalmente sucedeu outros anos nesta proba, un clásico no programa de festas de Cedeira, parte das persoas participantes irán disfrazadas para darlle un toque de humor á carreira.

A xornada rematará co Entroido de Verán, a partir das 22.00 horas na Praza Roxa. O evento, que adoita ter moito éxito, estará amenizado por Disco Móbil e incluirá unha festa da escuma.

De mañá sábado ao luns

Mañá sábado será de novo unha xornada con deporte e troula na vila de Cedeira. Ás 12.30 h haberá un pasarrúas con AC Espadana e Gaiteiros e danzas con cabezudos. Ás 17.00 h terá lugar a Travesía a Nado de Cedeira, unha proba que chega este ano á súa vixésimo cuarta edición. A praza do Floreal acollerá a partir das 20.00 horas o espectáculo de circo “Só”, con Xampatito Pato, que está dirixido ao público familiar. Para rematar a xornada, a Praza Roxa acollerá a partir das 22.30 h o primeiro concerto do Certame de Grupos Locais. Catro Cores, P-Rayada e Ardecasas actuarán na primeira das dúas noites consecutivas adicadas a amosar a calidade e variedade das formacións musicais de Cedeira.

O programa do domingo, día 14, comezará cun pasarrúas ás 13.30 h e posterior concerto na Praza Roxa a cargo da Banda de Gaitas de Narón. O Paseo da Mariña e a praia da Madalena acollerán, a partir das 17.30 horas, os Xogos Populares, con carreiras de sacos, cucaña, carreiras de ovos, tirada de corda e regata de chalanas. Para participar nesta cita xa clásica nas festas de verán hai que ter 15 anos cumpridos e as persoas menores de idade deberán presentar unha autorización por escrito da nai, pai ou tutor legal –segundo o modelo colgado na web do Concello-. A inscrición, de balde, realizarase no mesmo lugar desde unha hora antes do comezo das probas.

Tamén o domingo pola tarde noite haberá ambientación musical. Un pasarrúas da Fanfarria Furruxa, a partir das 20.30 h, será o limiar da segunda cita do Certame de Grupos Locais. La Banda del Muelle, los Eternos e Os Benignos sucederanse no escenario.

O festivo do luns será outro día intenso nas festas de Cedeira. Ás doce do mediodía celebrarase a misa e posterior procesión polas rúas do casco urbano, acompañada pola Banda de Música Vila de Cedeira. Ás 20.00 horas na Praza Roxa chegará a quenda dunha nota cita para o público pequeno. A compañía Kanbahiota Troup ofrecerá o espectáculo “Volando…vengo”, con acrobacias e moito humor. O artista de San André de Teixido O Chylava ofrecerá un concerto a partir das 22.15 h na Praza Roxa, ao que seguirá unha sesión de fogos artificiais. Para rematar a noite, o grupo Claxxon tocará grandes grandes temas do pop e o rock a partir das 00.30 h.

O Concello de Cedeira está a informar puntualmente a través das súas redes sociais e do seu canle de mensaxería “Cedeira Informa” sobre o horario de lanzamento de foguetes, para advertir as persoas con alta sensibilidade acústica. Tal como se informou recementemente, durante as festas, que se prolongarán ata o 17, se está a respectar o horario inclusivo de seis a oito da tarde, tempo no que se apaga o son de atraccións e postos de venda.