Acreditación de competencias profesionais adquiridas a través da experiencia laboral- Publicación de convocatoria de novas prazas

ACREDITACIÓN DE COMPETENCIAS PROFESIONAIS ADQUIRIDAS A TRAVÉS DA EXPERIENCIA LABORAL- PUBLICACIÓN DE CONVOCATORIA DE NOVAS PRAZAS 

Publicada no Diario Oficial de Galicia da Xunta de Galicia a convocatoria para o ano 2018 do proceso de acreditación de determinadas competencias profesionais adquiridas a través da experiencia laboral.

A Orde, que se publicou no D.O.G. núm. 7, do 10 de xaneiro de 2018, inclúe instruccións sobre o procedemento para as persoas que quedaron en reserva en convocatorias anteriores, e sobre a convocatoria de novas prazas para participar no procedemento de acreditación de determinadas unidades de competencia profesional nas seguintes familias profesionais:

  • Administración e xestión.
  • Agraria.
  • Comercio e mercadotecnia.
  • Edificación e obra civil.
  • Electricidade e electrónica.
  • Enerxía e auga.
  • Fabricación mecánica.
  • Hostalaría e turismo.
  • Imaxe e son.
  • Imaxe persoal.
  • Industrias alimentarias.
  • Informática e comunicacións.
  • Instalación e mantemento.
  • Madeira, moble e cortiza.
  • Química.
  • Sanidade.
  • Servizos socioculturais e á comunidade.
  • Transporte e mantemento de vehículos.

O prazo para inscribirse remata o 2 de febreiro de 2018.

Desde as seguintes ligazóns, pode acceder á información completa sobre a convocatoria, o procedemento e a inscrición:

IR Á LIGAZÓN Acreditación da experiencia profesional

IR Á LIGAZÓN Orde de convocatoria do proceso de acreditación

Recoñecemento da experiencia profesional – publicación de convocatoria de novas prazas

RECOÑECEMENTO DA EXPERIENCIA PROFESIONAL – PUBLICACIÓN DE CONVOCATORIA DE NOVAS PRAZAS 

Publicada no Diario Oficial de Galicia da Xunta de Galicia a convocatoria para o ano 2018 do recoñecemento das competencias profesionais adquiridas a través da experiencia laboral e/ou vías non formais de formación.

A Orde, que se publicou no D.O.G. núm. 244, do 27 de decembro de 2017, inclúe instruccións sobre o procedemento para as persoas en lista definitiva de de espera (segundo a Orde do 30 de decembro de 2016), e convoca tamén novas prazas para participar no procedemento de avaliación e acreditación de competencias profesionais nas seguintes cualificacións:

  • Atención sociosanitaria a persoas no domicilio
  • Atención sociosanitaria a persoas dependentes en institucións sociais
  • Servizos para o control de pragas
  • Xestión de servizos para o control de organismos nocivos
  • Socorrismo en espazos acuáticos naturais
  • Socorrismo en instalacións acuáticas
  • Tanatopraxia
  • Confección e mantemento de artes e aparellos

O prazo para novas inscricións remata o 26 de xaneiro de 2018.

Desde a seguinte ligazón, pode acceder á información completa sobre a convocatoria, o procedemento e a inscrición:

IR Á LIGAZÓN Recoñecemento da experiencia profesional

Curta gañadora do I Concurso de curtas Samaín 2017

CURTA GAÑADORA DO I CONCURSO DE CURTAS SAMAÍN 2017

Fuxida – Curtametraxe gañadora do I Concurso de Curtas Samaín 2017

Dirección: Jorge Salgado

Idea Orixinal: Jorge Salgado e Marta Villar

Personaxes: Muller Celta (Marta Villar); Deus Celta (Jorge Salgado)

Efectos Visuais: Antonio Castro

Audio: Wardruna – Algir Tognatale

Sinopse: Nos tempos dos celtas, unha muller diríxese a facer unha ofrenda polo Samaín ao rematar a estación cálida e dar comezo a fría, cando se ve atacada por unha multitude.

Inicio das clases de manualidades

INICIO DAS CLASES DE MANUALIDADES

Este venres comezan as clases de manualidades impartidas por Fernando Villoslada. As clases, gratuitas e abertas a todo o mundo, terán lugar desde esta semana ata o mes de decembro no baixo da Praza da Rectoral, e nelas desenvolveranse actividades de modelado en barro, escaiola, xeso, elaboración de moldes e restauración.

Para máis información e incripcións, pode achegarse á Oficina de Turismo ou contactar telefónicamente (981 482187).

 

Aberto o prazo de matrícula na Escola de Música Vila de Cedeira

ABERTO O PRAZO DE MATRÍCULA NA ESCOLA DE MÚSICA VILA DE CEDEIRA

Desde o mércores 17 de outubro e ata o venres 20, estará aberto o prazo de matrícula na Escola de Música Vila de Cedeira.

A matrícula poderá formalizarse no 4º andar do Auditorio Municipal, no seguinte horario:

  • MÉRCORES 18 OUTUBRO: de 18.30 h a 20.00 h.
  • XOVES 19 OUTUBRO: de 18.30 h a 20.00 h.
  • VENRES 20 OUTUBRO: de 12.00 h a 13.00 h; e de 17.00 h a 18.30 h.

As especialidades con matrícula aberta son: Frauta traveseira, clarinete, saxofón, trompeta, trompa, trombón, bombardino, tuba, gaita, frauta de pico, piano, acordeón, percusión, guitarra, baixo eléctrico e canto.

As materias de grupo con matrícula tamén aberta son: Música e movemento, linguaxe musical, conxunto instrumental, harmonía, improvisación e pequecoro.

Máis información no correo electrónico escolaviladecedeira@gmail.com

A primeira planta do pavillón acolle unha aula multidisciplinar para impartir cursos, obradoiros e charlas

A PRIMEIRA PLANTA DO PAVILLÓN ACOLLE UNHA AULA MULTIDISCIPLINAR PARA IMPARTIR CURSOS, OBRADOIROS E CHARLAS

O Concello de Cedeira vén de lle poñer fin a carencia que existía de instalacións municipais para impartir cursos coa creación dunha aula multidisciplinar na primeira planta do polideportivo municipal, “o sitio ideal”, segundo o alcalde, Pablo Moreda Gil.

A instalación agora inaugurada está pensada para acoller cursos, charlas e obradoiros, como o que o Concello xa está a organizar para persoas maiores que desexen poñerse ao día con respecto ás novas tecnoloxías, unha iniciativa que moi posiblemente tamén se trasladará ás parroquias. Trátase dun curso de informática básica.

O alcalde recoñece que a obra realizada no pavillón responde á demanda existente no municipio e reitera a “carencia moi grande en canto a instalacións municipais que se encontren libres debido á grande cantidade de asociacións culturais e entidades deportivas que utilizan todo tipo de dependencias municipais para poder desenvolver con éxito as súas actividades”.

O Concello tratará agora de obter a máxima rendibilidade dunhas instalacións adecuadas para acoller todo tipo de programas formativos. A aula foi pensada para unhas quince persoas e está equipada cos recursos necesarios.

 

Cedeira esixe reforzos á área sanitaria para paliar carencias de persoal do centro de saúde

CEDEIRA ESIXE REFORZOS Á ÁREA SANITARIA PARA PALIAR CARENCIAS DE PERSOAL DO CENTRO DE SAÚDE

O Concello de Cedeira esixe á Área Sanitaria de Ferrolterra que adopte «canto antes» as medidas necesarias para corrixir as carencias de persoal sanitario detectadas no centro de saúde da localidade. O acordo adoptado no pleno por unanimidade tamén será trasladado ao Servizo Galego de Saúde. Os tres grupos que integran o goberno local, PSOE, BNG e Anova, presentaron unha moción conxunta, «ante a indignación da cidadanía pola carencia de persoal sanitario durante todo o ano e, nomeadamente, nos períodos vacacións», o que xera continuas queixas entre os veciños afectados. E os concelleiros do PP apoiaron a iniciativa.

Os promotores desta iniciativa explicaron que cando a pediatra se atopa de baixa ou de vacacións, o PAC de Cedeira comparte o profesional substituto co centro de Valdoviño, polo que só acode dous días á semana (recentemente foron tres), tres horas cada día. Si quen se ausenta é un facultativo, por descanso ou por baixa laboral, «non se cobre, incluso no verán, o Nadal ou a Semana Santa» e si son dous os médicos que se atopan nesta situación, só se repón unha das prazas.

Outro dos motivos de protesta radica na ausencia de persoal médico de reforzo durante o verán, «nin tan sequera en vésperas dos días grandes, como poden ser o 14 de agosto ou o día de Ano Vello, nos que a poboación se incrementa notablemente». Esta situación tradúcese, segundo recóllese na moción, «nunha mingua notable da calidade do servizo e nas conseguintes deficiencias na atención aos pacientes, que soportan esperas impropias dun país do mundo rico en pleno século XXI».

Este problema súmase ás complicacións xeradas polo mal estado da estrada AC-566, de Cedeira a Ferrol, no transporte de pacientes en ambulancia ata os centros hospitalarios. O alcalde, Pablo Moreda, expresou a súa satisfacción «polo apoio do PP en algo tan importante para o pobo» como a dotación de persoal do centro de saúde, e confía en que tamén apoie ao executivo á hora de reivindicar melloras no viario.

O PP tamén votou a favor da moción dos tres grupos que integran o executivo para que Cedeira se incorpore á Xunta prol Devolución do Pazo de Meirás, ademais de rexeitar que a Fundación Francisco Franco xestione as visitas (propoñen que o faga o Concello de Sada).

No pleno aprobouse, ademais, aplicar unha bonificación do 50 % na cota íntegra do Imposto de Bens Inmobles (IBI) o primeiro ano, e un 25 % o segundo, para propietarios de vivendas que instalen paneis solares para o consumo de luz e auga quente. Tamén se estableceron os festivos locais de 2018, o 13 de xuño, día de San Antón, e o 26 de xullo, festividade de Santa Ana.

Fonte: La Voz de Galicia
Pode consultar a nova na seguinte ligazón:
IR Á LIGAZÓN Cedeira esixe reforzos á área sanitaria para paliar carencias de persoal do centro de saúde

Os concellos de Ortegal estudan as medidas concretas que sirvan para impulsar o xeoparque

OS CONCELLOS DE ORTEGAL ESTUDAN AS MEDIDAS CONCRETAS QUE SIRVAN PARA IMPULSAR O XEOPARQUE

Os alcaldes de Cariño, Cedeira, Cerdido, Moeche, Valdoviño e San Sadurniño reuníronse o pasado xoves na Casa do Concello deste último concello para abordar o proxecto do Xeoparque de Cabo Ortegal e, máis concretamente, a fórmula colaborativa que se encargará de poñer en marcha o plan director e iniciar a tramitación da candidatura.

A Deputación da Coruña mostrou o seu interese en implicarse economicamente no proxecto e, neste sentido, dentro duns días celebrarase un novo encontro entre cargos políticos dos sete Concellos promotores (tamén está Ortigueira) e do ente provincial coa asistencia de persoal técnico. A finalidade desta reunión será darlle o impulso definitivo ao proxecto co obxectivo de iniciar en xaneiro o proceso de recoñecemento ante o Comité Español de Xeoparques como paso previo á verificación por parte da Unesco.

Segundo comentaron os rexedores municipais á saída da reunión, case con total seguridade optarase a construír unha entidade integrada polos municipios e fiscalizada pola Deputación. Por outra banda, tamén se prevé sinalizar as zonas e rutas de maior interese, ademais de levar adiante intervencións que axuden a facer do proxecto o que é noutros lugares: un atractivo turístico para o público xeral e especializado, así como conformar un factor de dinamización socioeconómica das comunidades onde se asenta.

Por estes motivos, o que máis urxe nestes momentos é a disposición dun plan rector para iniciar a tramitación efectiva da candidatura en xaneiro do próximo ano. A parte de identificación técnica do valor xeolóxico xa está lista, tal e como indican, co traballo levado a cabo polo experto Francisco Canosa e a Asociación de Amigos do Parque Xeolóxico do Cabo Ortegal.

Fonte: Diario de Ferrol
Pode consultar a nova na seguinte ligazón:
IR Á LIGAZÓN Os concellos de Ortegal estudan as medidas concretas que sirvan para impulsar o xeoparque

 

As Amas de Casa de Cedeira mostran estes días os seus traballos de patchwork no Palacete municipal

AS AMAS DE CASA DE CEDEIRA MOSTRAN ESTES DÍAS OS SEUS TRABALLOS DE PATCHWORK NO PALACETE MUNICIPAL

O Palacete municipal de Cedeira acolle estes días a exposición de patchwork que, organizada pola Asociación de Amas de Casa da vila, serve para mostrar os traballos feitos por un grupiño de doce mulleres ao longo do último ano. A iniciativa pódese visitar pola mañá, entre as 10.30 e as 14.00 horas, e pola tarde, a partir das 17.30 e ata as 21.00 horas. Colchas, edredóns, bolsas, bolsos, adornos e roupa de bebé son algunha das labores, todas feitas a man, que poderán verse ata o día 31 de agosto nas citadas instalacións municipais.

A Asociación de Amas de Casa de Cedeira conta con máis de 200 socias e, ademais de clases de patchwork, ensina bolillos, pintura, manualidades, costura, calceta e bordado.

Tramitan a licenza para o primeiro fogar residencial para maiores de Cedeira

TRAMITAN A LICENZA PARA O PRIMEIRO FOGAR RESIDENCIAL PARA MAIORES DE CEDEIRA

O Concello de Cedeira está a tramitar a licenza de obra solicitada pola empresa Residencial Cedeira SL para a creación dun fogar residencial para maiores no edificio número 3 da rúa A Capela da localidade. O goberno municipal respalda este tipo de iniciativas de capital privado por considerar que veñen cubrir unha demanda social. O executivo tamén valora a creación de postos de traballos que se xenerarán a corto e longo prazo.

O proxecto consiste na adaptación das dúas plantas do inmoble, que ten cinco, en tres vivendas comunitarias cun total de 32 prazas, das que doce estarán situadas no primeiro andar e as 20 restantes no superior. Son un total de 800 metros cadrados xa construídos os que xa están a piques de se reformar para axustarse ás necesidades dos usuarios. O inmoble, construído no ano 2007, nunca estivo habitado. Haberá habitacións dobres e individuais, espazos comúns en cada planta e servizos xerais de lavandería, cociña e vixilancia para que os residentes poidan vivir descansados das tareas domésticas e mesmo tamén da seguridade. Os residentes disporán de conexión a internet e dun fogar club que estará no baixo.

O proxecto xa conta coas autorizacións da Xunta de Galicia e segundo Juan Brage -un dos socios de Residencial Cedeira SL- podería estar operativo en xaneiro do 2018. Braje explicou que a empresa leva máis de dous anos facendo trámites e xestións para sacar adiante unha iniciativa que el considera necesaria, non só para Cedeira senon tamén para a comarca en xeral, polo baleiro que agora existe con respecto a este tipo de servizos en toda a area de influencia de Ferrol. O empresario tampoco descarta incrementar a oferta para maiores en Cedeira coa posta en funcionamento dun xeriátrico para persoas non válidas. Esta iniciativa xa non sería a tan corto prazo.