O Concello de Cedeira informa da orde do día da comisión informativa de Pleno

O CONCELLO DE CEDEIRA INFORMA DA ORDE DO DÍA DA COMISIÓN INFORMATIVA DE PLENO

O próximo día 25 de novembro ás 9.30h celebrarase na Casa do Concello a comisión informativa previa á celebración do pleno ordinario do mes de novembro.

En dita comisión, ditaminaranse por parte dos grupos municipais asuntos como a ordenanza municipal reguladora da taxa por cemiterios ou a do servizo de recollida de residuos, así como unha moción contra a violencia de xénero, ente outros.

Na seguinte ligazón pode consultar a orde do día de dita comisión:

IR Á LIGAZÓN Convocatoria Comisión informativa de Plenos 25 de novembro de 2016

O Concello de Cedeira colabora na investigación do accidente no que morreu unha moza

O CONCELLO DE CEDEIRA COLABORA NA INVESTIGACIÓN DO ACCIDENTE NO QUE MORREU UNHA MOZA DE VILAGARCÍA POLA CAÍDA DUN BALCÓN

O goberno de Cedeira lamenta profundamente o pasamento dunha moza, cuxa iniciais son M.I.L., que visitaba o municipio e morría este domingo polo desprendemento da varanda do balcón no que se atopaba na compañía dunha amiga. A rapaza, de 33 anos, viña case todas as fin de semana a visitar ao seu noivo que vivía no piso no que se produciu o suceso. M.I.L. era veciña de Vilagarcía.

O executivo local califica de “terrible accidente” uns feitos que están sendo investigados pola Policía Xudicial, coa que tamén está a colaborar o Concello. Hoxe mesmo a Policía Local e persoal técnico do departamento de Urbanismo están a comprobar as licenzas e os permisos do edificio, que é relativamente novo.

O alcalde, Pablo Moreda Gil, quere mandar, no nome da veciñanza, un sentido pésame á familia da finada que, durante algún tempo, formou parte do cadro de persoal do Banco Pastor de Cedeira. “É un día moi triste”, recoñeceu Moreda Gil.

Pola súa banda, a concelleira de Urbanismo, María Xosé Rodríguez, recordou que a obriga administración local, como se fixo neste caso, é certificar o fin dunha obra, unha vez que os técnicos municipais comproban que o executado se axusta ao proxecto aprobado polo Concello. Calificou de desgraza o sucedido e explicou que o goberno colaborará en todo o que faga falta para aclarar o accidente. O suceso tiña lugar na tardiña do pasado domingo, sobre as sete da tarde, no número 12 da rúa Estrada, situada no casco urbano da vila.

O Concello de Cedeira organiza actividades lúdico educativas para educar na igualdade de xénero

O CONCELLO DE CEDEIRA ORGANIZA ACTIVIDADES LÚDICO EDUCATIVAS PARA EDUCAR NA IGUALDADE DE XÉNERO

O Concello de Cedeira, coa colaboración da Anpa Picapeixe, organiza actividades lúdico educativas para unha educación igualitaria.

A conmemoración o venres do Día Internacional da Eliminacion da Violencia contra a Muller, está detrás dunha iniciativa que se materializará os días 22, 23, 24 e 25 na sala Áncora.

A convocatoria, que está pensada para os máis pequenos, arrincará o martes coa celebración de xogos da igualdade, cooperación e valores, entre as seis e as oito da tarde.

O mércores e repetindo horario, haberá un obradoiro de xoguetes reciclados non sexistas e o visionado do corto “Rosa Caramelo” para os nenos máis novos con actividades e manualidades. A organización recorda aos participantes que terán que acudir cun bote con tapa e un boneco de plástico que colla dentro.

O xoves, día 24, a elaboración dun mural suscitará a participación de todos os rapaces, mentras que a programación se despedirá o venres co visionado da película “Brave” e a exposición dos murais realizados. Só neste último caso, o horario será de cinco a siete da tarde.

Para o alumnado do IES o Concello, e sempre dentro do horario lectivo, o Concello programa a peza de Lisístrata. “A Historia en Feminino”. Nin unha menos!

Obradoiros polo día internacional da eliminación da violencia contra a muller

OBRADOIROS POLO DÍA INTERNACIONAL DA ELIMINACIÓN DA VIOLENCIA CONTRA A MULLER

O 25 de novembro é o día internacional da eliminación da violenza contra a muller. Desde o concello, entendendo que temos que traballar coa xuventude e infancia para visibilizar esta lacra e poñerlle fin, organizamos uns obradoiros para os/as mais pequenos/as en colaboración coa ANPA Picapeixe, e programamos en horario lectivo para o alumnado do IES a peza de Lisístrata. “A Historia en Feminino”. Nin unha menos!

Horarios partidos. Club de fútbol Cedeira SD (fin de semana)

HORARIOS PARTIDOS. CLUB DE FÚTBOL CEDEIRA SD (FIN DE SEMANA)

Aficionados
Cedeira-Marino Domingo 16:15 h

Xuvenís
Cedeira-Amistade Meirás Venres 19:00 h

Cadetes
Cedeira -Amistade Meirás B sábado 16:30 h

Infantís
Cedeira-CD Narón Sabado 11:00 h

Alevín A
CD Narón-Cedeira Venres 18:10:00 h

Alevín B
Cedeira-R . Ferrol B Sábado 10:00 h

Benxamín
Animas -Cedeira Venres 18:05 h

Prebenxamín
Cedeira -Narón Freixo Venres 17:00h

Feminino
R. Ferrol-Cedeira Domingo 11:00h

Veteráns
Cedeira-Relámpago Domingo 11:00h

A fin de semana en Cedeira arranca o venres coa representación da obra “O consultorio”

A FIN DE SEMANA EN CEDEIRA ARRANCA O VERNES COA REPRESENTACION DA OBRA “O CONSULTORIO” A CARGO DA ASOCIACIÓN PICO DO CASTRO

Acudir ao teatro sempre é unha boa idea para comezar a fin de semana. Ademais, no caso de Cedeira, xa non existen excusas e si posibilidades dende que o pasado día 11 fose inaugurado o Certamen de Teatro Afeccionado, que é unha iniciativa do Concello para achegar a cultura escénica a poboación local.

A función deste venres, que será no auditorio e comezará ás 20.00 horas, correrá a cargo dos membros do grupo amador de teatro da Asociación Pico do Castro, que porán en escena a obra “O Consultorio”.

O certame aínda terá continuidade un venres máis, o día 25, coa representación da obra “Misterios” a cargo da compañía O Aturuxo de Melpómene. É unha peza da que é autora a escritora Paula Carballeira e pensada para todos os públicos.

Goretti Sanmartín visitou o museo mares de Cedeira

GORETTI SANMARTÍN VISITOU O MUSEO MARES DE CEDEIRA E O GOBERNO DEMANDOULLE O APOIO DA DEPUTACIÓN PARA NOVOS PROXECTOS MUNICIPAIS

A vicepresidenta da Deputación da Coruña, Goretti Sanmartín, visitou hoxe o museo Mares de Cedeira, poñendo unha vez máis de manifesto o compromiso da institución provincial co proxecto cedeirés. Así, Sanmartín explicou aos membros da Asociación Mares -promotora do museo- as liñas de financiamento coas que conta a Deputación para garantir o funcionamento deste tipo de iniciativas “que axudan a divulgar o patrimonio cultural, histórico e mesmo social dos pobos”, segundo apuntou.

Á súa chegada a Cedeira, a vicepresenta da Deputación foi recibida polo alcalde, Pablo Moreda Gil, e a concelleira de Cultura, María Xosé Rodríguez. Goretti Sanmartín viaxou ata a vila mariñeira na compaña do deputado Suso Soto.

Pablo Moreda agradeceu o interese da responsable provincial por coñecer o museo cedeirés. Reiterou a importancia do mesmo por canto pon en valor a cultura mariñeira, “da que moitos saímos” e valorou a implicación que ten a xente da vila co proxecto, xa que “o éxito do museo Mares de Cedeira é o éxito de todo un pobo”.

O alcalde considerou importante que entidades como a Asociación Mares de Cedeira poidan contar co apoio económico da Deputación para levar a cabo iniciativas de contido cultural, deportivo ou social.

O goberno aproveitou a presenza da representante provincial para lle presentar dous dos proxectos sobre os que xa está a traballar o goberno municipal. Un deles é a creación dun obradoiro de emprego para garantir a formación e o acceso dos mozos ao mundo laboral; o segundo é a recuperación da propiedade municipal coñecida como a casa de Avelino para darlle novos usos. Sanmartín comprometeuse a colaborar para darlle o mellor enfoque a ambas as dúas iniciativas, sobre todo no plano económico, e recordou que a inversión provincial no municipio no último ano chegou ao millón de euros.

O Museo Mares de Cedeira abriu as súas portas no pasado mes de xullo. Nel expóñense máis de 2.000 obxectos e na actualidade xa son 2.800 persoas as que pasaron por unhas instalacións situadas na planta baixa do pósito cedeirés. O prezo da entrada é dun euro e os cartos recaudados destínanse ao mantemento da sede. Un libro de visitas e tres peceiras son algunhas das últimas incorporacións do museo.

Costas leva a cabo a reposición da tarima de madeira do paseo marítimo

COSTAS LEVA A CABO A REPOSICIÓN DA TARIMA DE MADEIRA DO PASEO MARÍTIMO, NO TRAMO DO COLEXIO NICOLÁS DEL RÍO

Operarios da empresa Tragsa traballan estes días na reposición duns 20 metros de tarima de madeira do paseo marítimo de Cedeira, no tramo do colexio Nicolás del Río. Esta tarefa, que impide o paso pola zona, está incluída dentro das intervencións que a Demarcación de Costas en Galicia leva a cabo no municipio despois de ter consensuados algúns contidos do proxecto coa Plataforma en Defensa da Ría de Cedeira.

A actuación que agora se fai consiste na reposición do taboado que se atopa en mal estado e se acomete despois da levada a cabo na zona dunar, que foi a que se convertiu no cabalo de batalla entre os membros da plataforma e os responsables do Ministerio de Medio Ambiente (Demarcación de Costas é un organismo estatal). Despois de comprometerse a xestionar un estudio de impacto ambiental da ría e de moderar algunhas das intervencións inicialmente previstas -a estabilización do perfil da duna quedou en 20 graos e a cima de coroación é de +10-, Costas puxo en mans da empresa Tragsa a realización do proxecto, que tamén incluíu a retirada de plantas invasoras, a plantación doutras autóctonas e a apertura dos regatos de San Isidro e A Revolta.

As obras do paseo marítimo provocan unha avería na iluminación pública

AS OBRAS DO PASEO MARÍTIMO PROVOCAN UNHA AVERÍA NA ILUMINACIÓN PÚBLICA

As obras de reposición dun tramo de tarima do paseo marí- timo de Cedeira na zona do colexio Nicolas del Río ocasionaron unha avaría na sumbinistración eléctrica da iluminación pública que non quedará resolta ata o vindeiro luns. O problema afecta á zona comprendida ata a Ponte Nova, a carón do muro.

A maquinaria que se ocupa das obras rompeu a liña entre farolas e aplastou uns 60 metros de canalización. Para non provocar outros problemas como a rotura de caixas de empalmes que podería derivarse do estiramento dos cables optouse por apagar as luces e comprobar o alcance da incidencia antes de repoñer o servizo coas debidas garantías.

O Concello convoca este ano por primeira vez as axudas municipais á creación de empresas do programa “CEDEIRA EMPRENDE”

O CONCELLO CONVOCA ESTE ANO POR PRIMEIRA VEZ AS AXUDAS MUNICIPAIS Á CREACIÓN DE EMPRESAS DO PROGRAMA “CEDEIRA EMPRENDE”

Incentivar a creación de novos proxectos, fomentar a actividade empresarial e contribuír a xeración de emprego son os tres piares das axudas municipais que o Concello de Cedeira convoca este ano por primeira vez baixo o programa denominado “Cedeira emprende”.

Poden tomar parte na convocatoria os novos proxectos empresariais emprendidos no ámbito deste concello por empresarios individuais ou a través de pequenas e medianas empresas, independentemente da súa forma xurídica, que tivesen iniciado a súa actividade dende o 1 de xaneiro do ano 2016.

O prazo para tramitalas finaliza o día 20 do presente mes. A partida reservada ascende a 20.000 euros e a cuantía máxima por axuda será de 2.000 euros. Poderá ser beneficiario calquera persoa física ou xurídica cun novo proxecto empresarial, sexa autónoma individual ou autónoma integrada nunha sociedade civil, mercantil, sociedade laboral ou comunidade de bens.

Entre outros requisitos -as bases xa se poden consultar nas oficinas municipais- precísase estar empadroado na localidade no momento do inicio da actividade, estar en situación de desemprego, ter o negocio ou proxecto empresarial dentro do municipio cedeirés, presentar unha iniciativa viable técnica, económica e financeiramente, estar ao día das obrigas fiscais co Concello e ter concedidas todas as licenzas pertinentes para o desenvolvemento da actividade.

As axudas son a fondo perdido e están pensadas para facer frente a gastos de aluguer, luz, auga, lixo, saneamento e telefonía feitos no ano 2016.

A instrución do procedemento a realizará unha comisión avaliadora presidida polo alcalde, Pablo Moreda Gil, e na que tamén tomarán parte como vogais a concelleira de Cultura, Turismo e Urbanismo, María Xosé Rodríguez, un técnico municipal e o axente de emprego e desenvolvemento local do Concello. A proposta de resolución darase a conocer nun prazo máximo dun mes dende a finalización do periodo de presentación de solicitudes. O aboamento da subvención efectuarase mediante un pagamento único.

O alcalde salientou que se trata dunha iniciativa que fomenta o emprendemento e favorece a creación de emprego. Explicou que o feito de publicar as bases no mes de novembro só obedece ao interese do goberno en aumentar o poder de convocatoria das axudas, xa que de abrirse o prazo no mes de agosto quedarían fora todos aqueles proxectos postos en marcha durante a segunda metade do ano.

DESCARGAR EN PDF as bases do programa CEDEIRA EMPRENDE