A campaña “Separemos ben, reciclaremos mellor” chegará o domingo á Praza Roxa

A CAMPAÑA “SEPAREMOS BEN, RECICLAREMOS MELLOR” CHEGARÁ O DOMINGO Á PRAZA ROXA DE CEDEIRA

O Concello de Cedeira fomenta o reciclaxe de materiais como o papel e vidrio con xornadas como a que o próximo domingo terá lugar na praza Roxa. “Separemos ben, reciclaremos mellor” é o lema dunha iniciativa que busca concienciar á xente no bo uso dos envases unha vez rematada a súa vida útil.

Unha aula móbil, un inchable e o xogo da reciclaxe de Sogama son algúns dos atractivos dunha actividade que se desenvolverá de 12:00 a 14:00 e de 16:00 a 19:00 horas, segundo a organización.

O goberno municipal invita a todos os veciños da vila a tomar parte dunha iniciativa que está en sintonía coa política medioambiental que se vén aplicando dende o Concello de Cedeira.

O Concello de Cedeira quere facerse un oco no percorrido da vuelta ciclista para os próximos anos

O CONCELLO DE CEDEIRA QUERE FACERSE UN OCO NO PERCORRIDO DA VUELTA CICLISTA PARA OS PRÓXIMOS ANOS

O día 23 de agosto entrará a formar parte da historia moderna do municipio de Cedeira coa chegada da Vuelta Ciclista a España. A importancia da cita levou a Concello e veciñanza a implicarse directamente na celebración, o primeiro facilitando as infraestruturas necesarias e a segunda saíndo ás rúas e enchendo os lugares polos que a media tarde pasarán os corredores.

Desde primeiras horas da mañá o ambiente festivo xa estaba nas rúas cos últimos preparativos antes de recibir unha proba deportiva que trae consigo a mobilización dunhas 2.000 persoas.

O alcalde, Pablo Moreda Gil, destacou este feito así como a posibilidade que se lle abre a Cedeira para darse a coñecer a nivel internacional. Significa, explicou Moreda, “mutiplicar por moito toda a repercusión mediática, ademais de poñer en valor os lugares de interese dos que pode presumir o noso municipio”. Neste sentido, citou os bos resultados turísticos que está tendo o Concello de Dumbría desde que empezou a súa participación na Vuelta no ano 2012.

O alcalde tamén valorou a implicación do Concello neste proxecto coa intención de que “a de hoxe non sexa a ultima vez que a Vuelta tome contacto co municipio” e agarda que quede incorporado á competición nos vindeiros anos. Así, falou da repercusión case inmediata que a proba ten no territorio, non só no día a día senon tamén no que a infraestruturas se refire e agradeceu tanto á Xunta como á Deputación as melloras realizadas na estrada a San Andrés, a creación dun aparcamento nas inmediacións da garita de Herbeira e outras obras realizadas na zona de Cari- ño. O alcalde destacou os magníficos resultados da presente campaña turística, estimando nun 25% máis de ocupación a rexistrada este ano con respecto ao anterior.

O presidente dos comerciantes do casco vello da vila de Cedeira, Francisco Zaera, salientou tamén a repercusión da Vuelta Ciclista a España. Zaera dixo que nun principio a proba trae consigo un alto nivel de ocupación nos establecementos hostaleiros da zona, pero engadiu que será máis a longo prazo cando os resultados sexan máis evidentes. “A Vuelta é moi mediática tanto por imaxes como por publicidade pero o retorno chegará de cara á Semana Santa ou no verán do 2017”, segundo a súa opinión.

Carmen Pernas, propietaria do hotel Herbeira, considera que a Vuelta é moi positiva para Cedeira. O seu establecimento ten posto o cartel de completo por ter aloxada a moita xente da que viaxa xunto aos ciclistas.

No restaurante Brisas, Lois Iglesias sinala que “sempre é moi interesante que unha proba destas características pase pola túa localidade” e engade que a Vuelta é “un escaparate publicitario de primeiro orde”.

Xa está todo preparado para a chegada da “Vuelta ciclista a España 2016”

O CONCELLO DE CEDEIRA XA TEN TODO PREPARADO PARA A CHEGADA DA “VUELTA CICLISTA A ESPAÑA 2016”

O alcalde de Cedeira, Pablo Moreda Gil, confirmou hoxe que todo está preparado para recibir mañá martes a “Vuelta Ciclista a España 2016”, “que é a propaganda turística máis grande que nunca tivo o municipio”. A retransmisión da proba deportiva chega a un total de 190 países, tal e como recordou Moreda Gil.

Dende o goberno municipal anímase a veciños e visitantes a sumarse á “festa deportiva” que representa o paso da carreira polo municipio e de maneira moi especial por unha das zonas máis turísticas do territorio, San Andrés de Teixido- garita de Herbeira.

A través da concellería de Deportes, a administración cedeiresa leva semanas preparando a chegada da proba ciclista á vila, dada a gran complexidade que unha competición desta envergadura representa para unha poboación duns 7.000 habitantes.

Neste sentido, cabe recordar que tanto a avenida de España como a rúa Deportes estarán cortadas ao tráfico rodado durante todo o día de mañá e que o pavillón polideportivo convertirase durante unhas horas nun centro de prensa para alrededor duns 100 profesionais da comunicación.

Da seguridade ocuparanse, entre policias locais e voluntarios de Protección Civial, un total de 15 persoas, tres menos das inicialmente previstas.

A garita de Herbeira acollerá, a partir das 16.30 horas, o final dunha etapa de 163,5 kilómetros que terá como punto de partida a cidade de Betanzos. Uns 200 corredores tomarán a saída para percorrer un trazado de media montaña que rematará nun pequeno porto de 11,2 kilómetros cunha pendente ao 4,8% .

O Concello organiza o “Volve á Vila” para celebrar o remate das festas.

O CONCELLO ORGANIZA O “VOLVE Á VILA” PARA CELEBRAR O REMATE DAS FESTAS

Mañá, sábado 20 de agosto, a partir das 18h na Praza da Rectoral ou Praza Vella, celebrarase o remate das festas, no que se convida a todos los veciños e veciñas, e por suposto aos visitantes que se acerquen á nosa Vila, a unirse a esta celebración.

O Obxectivo desta festa é recuperar o casco vello como espazo de vida e de ocio para todos os veciños, cunha merenda e música popular.

“La vuelta 2016” Cedeira

“LA VUELTA 2016” CEDEIRA

As rúas Avenida de España á altura do polideportivo e Rúa dos Deportes, á altura do IES Pta. Candieira, permanecerán cortadas desde o domingo por causa do operativo de “La Vuelta`16”.

As rúas polas que pase “La Vuelta” o martes 23 de agosto cortaranse media hora antes do paso da carreira. Os horarios aproximados para Cedeira de paso de caravana e carreira son 16:15 e 17:15 respectivamente.

A saida do terceiro boletín “As7parroquias” coincide coa celebración das festas da patroa

A SAÍDA DO TERCEIRO BOLETÍN “AS7PARROQUIAS” COINCIDE COA CELEBRACIÓN DAS FESTAS DA PATROA

O Concello de Cedeira aproveitou a celebración das festas da patroa para poñer na rúa o terceiro número do boletín informativo “As7parroquias”. Deste xeito veciños e visitantes teñen a posibilidade de coñecer as últimas novidades relativas á actividade municipal e outros asuntos de interese. Entre eles, destaca a firma dun convenio coa Consellería de Medio Ambiente, Territorio e Infraestruturas para mellorar e optimizar o funcionamento da rede de sumidoiros; as obras previstas para acondicionar os colexios de cara ao próximo curso escolar e a convocatoria que se fai a todos os cedeireses a participar na Vuelta Ciclista a España que o día 23 terá o final de etapa a poucos metros da garita de Herbeira. O goberno local xa ten comentado que é unha magnífica oportunidade para a promoción turística do municipio a nivel internacional.

Outros temas tamén recollidos no número de agosto de “As7parroquias” son os éxitos do club de remo, o balance positivo do programa das Xeorutas e o feito de que o turismo que ten como destino Cedeira é maioritariamente nacional e familiar. A inauguración do Museo Mares Cedeira, os campamentos de verán e unha pequena estrevista ao cantante Xabier Díaz foron outros dos asuntos que tamén tiveron cabida no último número do boletín informativo do Concello de Cedeira.

O próximo número sairá en outubro.

Se quere ver o boletín online visite a seguinte ligazón:

VER BOLETÍN AS7PARROQUIAS

Os pregoeiros homenaxearon a xente do mar

OS PREGOEIROS HOMENAXEARON A XENTE DO MAR

Aínda que o ambiente festivo xa leva días na rúa, o comezo oficial das festas de Cedeira foi hoxe, ás oito da tarde, coa lectura do pregón dende o balcón do Concello. Ollando de cara ao coñecido patio do laranxo, o alcalde, Pablo Moreda Gil, en compa- ñía doutros membros da corporación municipal, invitou a veciños e visitantes a gozar dun programa cheo de tradicións, actuacións musicais e citas populares. Como cada ano, o pregón foi seguido por unha morea de xente.

O alcalde sinalou que “este ano queremos homenaxear á Cedeira mariñeira, temos a necesidade de recordar a nosa orixe, aquela que desperta a lembranza, o esforzo, a templanza, o risco, a satisfación, o desánimo pero tamén a ilusión, a ledicia” e desexou que “o día de hoxe sirva de recordo para as peixeiras, as redeiras, mariñeiros, mariscadoras, nais e avoas que sacaron as familias cara adiante nunha sociedade tan difícil”. Tamén dixo que o mar está moi presente na vila a través da nosa patroa, a Nosa Señora do Mar,“unha virxe preocupada polo traballo das xentes do mar”, un labor que tamén fan, segundo o alcalde, Manuel García Iglesias -tripulante do Helimer 401- e Daniel Rey Piñón -este último no Pesca 2- ambos os dous veciños da vila e con vocación de servir aos demais rescatando aqueles que están en risco de perder a vida por accidentes ou outras circunstancias no mar. Son persoas preparadas, segundo Moreda, que “poñen a súa vida propia a disposición das xentes do mar para manter a salvo o que eles consideran o auténtico valor, o traballo no Mar. Ese é sen dúbida o noso grial, e para defendelo son cabaleiros, guerreiros ou o que faga falla, incluso pregoeiros!!!”.

Na súa intervención, que deu lugar a unha especie de diálogo entre Manuel e Daniel, os pregoeiros fixeron mención ao sacrificio que conleva a vida dos mariñeiros, “vinte días no mar e dous na casa”, así como ás moitas nostalxias coas que teñen que convivir familias cos homes, fillos, irmás ou parentes gañándose a vida sempre lonxe da casa e nas máns das inclemencias metereolóxicas.

No discurso tamén falaron do que para eles significan as festas da patroa. “É un sentimento”, tal e como recoñeceu Manuel García Iglesias dende o balcón do Concello. Ilusión, afán e gozo foron outras das verbas que ambos pronunciaron para explicar o momento tan especial do ano que representan as celebracións da patroa. “É o tempo no que as familias e amigos reúnense, falan e divírtense”, apuntaron, “unha cita que ningún cedeirés quere perderse, unha chamada da terra que se leva no corazón”, segundo apuntaron os pregoeiros.

O programa de mañá sábado inclúe xogos tradicionais na praia da Madalena (16.30 horas), o espectáculo familiar de rúa Fumán Músicoloco na praza Floreal (20.00 horas) e os concertos de Xabier Díaz e Adufeiras de Salitre (22.30 horas) e Barefoots (24.00 horas) na praza Roxa.