NOVAS

A Deputación eloxia o traballo dos Concellos do xeoparque do Cabo Ortegal

A DEPUTACIÓN ELOXIA O TRABALLO DOS CONCELLOS DO XEOPARQUE DO CABO ORTEGAL

Tras a reunión cos alcaldes de San Sadurniño, Moeche, Cedeira, Cariño, Cerdido, Ortigueira e Valdoviño, os deputados provinciais Xosé Regueira e Xesús Soto eloxian o traballo destes concellos no proxecto do Xeoparque do Cabo Ortegal.

Resaltan que o plan de patrimonio que prepara a Deputación e ao que optarán estes concellos, dará prioridade «ás iniciativas que somen esforzos para un maior aproveitamento dás sinerxias na conservación e na posta en valor do patrimonio».

Fonte: La Voz de Galicia

Pode consultar a nova na seguinte ligazón:

IR Á LIGAZÓN La Diputación elogia el trabajo de los concellos del Xeoparque do Cabo Ortegal

 

O xeoparque podería optar a un novo plan de patrimonio da Deputación

O XEOPARQUE PODERÍA OPTAR A UN NOVO PLAN DE PATRIMONIO DA DEPUTACIÓN

Os alcaldes dos sete concellos implicados na creación do Xeoparque de Ortegal, San Sadurniño, Moeche, Cerdido, Ortigueira, Cedeira, Cariño e Valdoviño, mantiveron onte un encontro en Moeche co deputado provincial Xosé Regueira, responsable da área de Turismo da Deputación, co fin de coñecer os pormenores dun novo Plan de Patrimonio que sacará leste mesmo ano a institución provincial e dentro do que poderían enmarcarse as actuacións para poñer en valor esta iniciativa supramunicipal.

Segundo puntualizou onte o alcalde de San Sadurniño, Secundino García, “a de hoxe [por onte] foi a primeira xuntanza de fronte á materialización do que ata ou momento era unha idea. Reu-nímonos en varias ocasións pero sen chegar a concretar nada. Agora coa posibilidade de acceder a unha financiamento que subvencionaría ou 100% dás actuacións a cousa vaise concretando”, dixo.

Os rexedores quedaron en volver reunirse en 15 días para determinar as actuacións que poderían presentarse á convocatoria e, a partir de aí, elaborar as correspondentes memorias e decidir que concello solicitará a subvención en nome do resto. “Polo de agora descoñecemos que actuacións levar a cabo. Eu so sei que temos uns croios aí debaixo que teñen a súa importancia, pero terán que ser especialistas en xeoloxía vos que determinen como poñelos en valor”, indicou.

Pendente

As Somozas é o único concello de Ortegal que polo momento non se implicou no proxecto do Xeoparque -onte o seu rexedor tampouco acudiu á convocatoria-. Aínda que Secundino García remarcou que a intención dos sete é que na iniciativa inclúase a totalidade de municipios da zona con patrimonio xeolóxico, tendendo así a man á entrada das Somozas.

Fonte: Diario de Ferrol

Pode consultar a nova na seguinte ligazón:

IR Á LIGAZÓN El Xeoparque podría optar a un nuevo plan de Patrimonio de la Diputación

Posturas de alcaldes das comarcas de Ferrol, Ortegal e a Mariña ante os incumprimentos da Xunta con respecto a VAC

POSTURA DE ALCALDES DAS COMARCAS DE FERROL, ORTEGAL E A MARIÑA ANTE OS INCUMPRIMENTOS DA XUNTA CON RESPECTO A VAC

No mesmo día no que o presidente da Xunta de Galicia, Alberto Núñez Feijóo, inaugura o tramo de 7,9 quilómetros entre Area e Baltrán, de San Cibrao a Celeiro, alcaldes das comarcas de Ferrol, Ortegal e A Mariña, en representación dos nosos veciños e veciñas afectados pola inexecución e o continuo incumprimento de promesas adiadas na construción da chamada Vía de Altas Prestacións da Costa (VAC), para a tan necesaria vertebración dos territorios historicamente illados do norte das provincias da Coruña e Lugo, queremos manifestar o seguinte:

-Os alcaldes das comarcas de Ferrol e Ortegal, que non fomos convidados a esta inauguración oficial, consideramos que pouco hai que publicitar e promocionar xa que o tramo que hoxe se abre acumula un atraso de tres anos e medio e foi licitado no mandato 2005-2009.

-A construción deste vial, polo que levamos unha década agardando, non avanza pola falla de compromiso do Goberno galego, que deixa os anuncios en palabras baleiras de contido xa que non expropiou nin un só metro cadrado dos comprometidos para avanzar na execución do seguinte tramo. A inacción do equipo de Núñez Feijóo ten o seu claro reflexo nos orzamentos autonómicos que, un ano máis, non inclúen mais que partidas pouco mais que testimoniais para este viario ao marxe dos 2,7 millóns consignados para a circunvalación de Viveiro.

-Consideramos que é unha falla obsoluta de respecto e un agracio para os veciños aos que representamos, que se nos exclúa- non da inauguración- pero si da convocatoria da Mesa de Seguimento da VAC que fora comprometida pola conselleira de Infraestruturas, Ethel Vázquez, unha xuntanda mantida no Concello de Cariño no mes de abril nun intento que nós mesmo fixemos a fin de impulsar a construción da VAC.

-Ningún dos compromisos adquiridos nesa xuntanza, o día de hoxe, foi materializado, no que entendemos que é un desprezo institucional á palabra dada e os veciños e veciñas aos que representamos e que demandan esta vía de comunicación necesaria para vertebrar o norte das dúas provincias favorecendo o seu desenvolvemento soioeconómico.

Os alcaldes asinantes reclamamos do presidente galego que fixe con urxencia unha xuntanza coa comisión que designemos a fin de desbloquear a construción desta vía no prazo máis breve posible.

O número de Decembro do boletín”As7Parroquias”chega hoxe aos fogares de Cedeira

O NÚMERO DE DECEMBRO DO BOLETÍN “AS7PARROQUIAS” CHEGA HOXE AOS FOGARES DE CEDEIRA

Hoxe chega ás familias de Cedeira, a modo de pedrea, un novo número do boletín informativo “As7parroquias”, no que teñen cabida moi diferentes asuntos de interese dos veciños. Seguro que a moitos lles chamará a atención o traballo escolar realizado polos alumnos do Nicolás do Río sobre a recuperación da ubicación e dos nomes das portas que daban acceso á vila medieval de Cedeira. O goberno completou esta iniciativa cun código QR para democratizar os contidos da investigación.

Outros saberán, a partir de agora, que o faro da Candieira é, xunto aos de Estaca de Bares e Prioriño, un dos poucos habitados que existen na provincia da Coruña e, en xeral, en toda a costa galega.

O problema que afecta aos gandeiros da Capelada por un brote de tuberculose bovina está recollido nunhas páxinas nas que tamén se fai un balance do plan de investimentos municipais na recta final do ano e no que se informa das xestiones que o goberno local realiza ante a Xunta para mellorar o trazado e estado actual da estrada AC-566.

A contraportada nesta ocasión está adicada á Asociación Cultural Buxaina, sempre presente na vida social e cultural do municipio a golpe de música e brincos, e que leva no seu ADN o firme compromiso de conservar o tradición vinculada ao folclore, incluídos os traxes.

Pero como non podía ser de outro modo, dadas as datas nas que sae o boletín, a portada da publicación adícase as festas que están por vir dando a coñecer as actividades que ata a segunda semana de xaneiro terán como obxectivo que poidan disfrutar pequenos e maiores sen ter que saír fóra do concello.

DESCARGAR O BOLETÍN

Xornada de Consumo responsable, sustentabilidade e agroecoloxía

XORNADA DE CONSUMO RESPONSABLE,SUSTENTABILIDADE E AGROECOLOXÍA

Oportunidades de negocio relacionadas coa sustentabilidade e a ecoloxía no consumo e na agricultura.

Xornada aberta e de balde, que a Mancomunidade de Concellos da Comarca de Ferrol vai organizar o vindeiro 20 de decembro, no Auditorio Municipal de Cedeira e co financiamento da Deputación da Coruña.

Os seguidores de Irene Caruncho solicitan apoios para superar a semifinal

OS SEGUIDORES DE IRENE CARUNCHO SOLICITAN APOIOS PARA SUPERAR A SEMIFINAL

Amigos, familiares e outros seguidores da nova artista cedeirense Irene Caruncho volverán xuntarse no auditorio municipal para ver as semifinais en pantalla xigante. Será o mércores, ás 22 horas. «Cada voto conta. Axuda a unha cedeirense a cumprir o seu soño», é o lema do cartel distribuído pola vila para buscar o respaldo á concursante do programa «La Voz» de Telecinco, a piques de chegar á final.

Fonte: A Voz de Galicia

O Concello pecha o 2016 cun superávit orzamentario superior aos 700.000 euros

O CONCELLO PECHA O 2016 CUN SUPERÁVIT ORZAMENTARIO SUPERIOR AOS 700.000 EUROS E SEN SOBREPASAR A REGRA DE GASTO

A corporación municipal de Cedeira celebrou esta semana o último pleno ordinario do presente ano. Tres foron as cuestións que centraron a sesión, e das tres –para o equipo de goberno– está moi por riba do resto a que se refire aos bos resultados económicos que se desprenden do informe da execución do primeiro semestre e do avance da liquidación do exercicio de 2016. En ambos os dous documentos ponse de manifesto que a administración cedeiresa cumprirá tanto o criterio de estabilidade orzamentaria cun superávit orzamentario de 709.030,18 euros como a regra de gasto na liquidación de 2016 cun marxe de 217.019,15 euros. Os tres asuntos saíron adiante cos votos do equipo de goberno (PSOE, BNG e Anova).

Neste sentido, o alcalde, Pablo Moreda, recoñeceu estar moi satisfeito por ter completado o primeiro exercicio económico ao frente do Concello cun balance tan favorable, se ben tampouco esqueceu que aínda existen necesidades e carencias pendentes.

A modificación da ordenanza reguladora da taxa da basura e do cemiterio municipal foron os outros dous asuntos que suscitaron maior debate no seno da corporación municipal. Con respecto ao primeiro, dende o equipo de goberno se xustifica a decisión de subir en dous euros o recibo da recollida na zona urbana para no discriminar aos veciños do rural, onde o camión só pasa dous días fronte aos sete que o fai na urbana. O recibo pasará de 63 a 65 euros.

Esta regra trasládase tamén aos negocios de máis de 100 metros cadrados situados na zona rural -un euro o m2 ata un tope de 150- para diferencialos dos que están nas urbanas e industriais, nas que se abonarán 1,30 euros, cun mínimo de 140 e un máximo de 450.

Pablo Moreda destacou que o goberno é manifestamente partidario dos establecementos da zona rural por considerar que dan servizo aos veciños que viven nela e xeran actividade nas parroquias.

O Concello contempla bonificacións que van dun 20% para as familias numerosas ata un 50% para beneficiarios do Risga (Renta de Inserción Social de Galicia) e veciños cuxos ingresos non excedan o Indicador de Renta de Efectos Múltiples.

Coa entrada en vigor da ordenanza reguladora do cemiterio municipal a administración regulará o funcionamento dos espazos de enterramento, o rexistro e tramitación de nichos e as comunicacións de inhumacións e exhumacións para así repercutir o custo da última ampliación executada (112 nichos). Por poñer exemplos, polo arrendamento de nichos por 75 anos haberá que pagar 430 euros, mentres que polo rexistro de permisos serán 10. O Concello tamén prevé situacións excepcionais, entre as que se atopan persoas no umbral de pobreza e a apertura de fosas comúns. En ningún dos dous caso haberá que pagar. O equipo de goberno xa está a traballar na elaboración da ordenanza administrativa correspondente.

O Concello de Cedeira colabora na investigación do accidente no que morreu unha moza

O CONCELLO DE CEDEIRA COLABORA NA INVESTIGACIÓN DO ACCIDENTE NO QUE MORREU UNHA MOZA DE VILAGARCÍA POLA CAÍDA DUN BALCÓN

O goberno de Cedeira lamenta profundamente o pasamento dunha moza, cuxa iniciais son M.I.L., que visitaba o municipio e morría este domingo polo desprendemento da varanda do balcón no que se atopaba na compañía dunha amiga. A rapaza, de 33 anos, viña case todas as fin de semana a visitar ao seu noivo que vivía no piso no que se produciu o suceso. M.I.L. era veciña de Vilagarcía.

O executivo local califica de “terrible accidente” uns feitos que están sendo investigados pola Policía Xudicial, coa que tamén está a colaborar o Concello. Hoxe mesmo a Policía Local e persoal técnico do departamento de Urbanismo están a comprobar as licenzas e os permisos do edificio, que é relativamente novo.

O alcalde, Pablo Moreda Gil, quere mandar, no nome da veciñanza, un sentido pésame á familia da finada que, durante algún tempo, formou parte do cadro de persoal do Banco Pastor de Cedeira. “É un día moi triste”, recoñeceu Moreda Gil.

Pola súa banda, a concelleira de Urbanismo, María Xosé Rodríguez, recordou que a obriga administración local, como se fixo neste caso, é certificar o fin dunha obra, unha vez que os técnicos municipais comproban que o executado se axusta ao proxecto aprobado polo Concello. Calificou de desgraza o sucedido e explicou que o goberno colaborará en todo o que faga falta para aclarar o accidente. O suceso tiña lugar na tardiña do pasado domingo, sobre as sete da tarde, no número 12 da rúa Estrada, situada no casco urbano da vila.