O Castelo da Concepción poderá ser visitado durante a ponte do un de maio

O CASTELO DA CONCEPCIÓN PODERÁ SER VISTADO DURANTE A PONTE DO UN DE MAIO

Con motivo da ponte de maio, o Concello de Cedeira abrirá ao público o castelo da Concepción, unha construción defensiva situada á entrada da ría cedeirense. A fortaleza poderá ser visitada de venres a martes en horario de tarde, entre as 16.00 e 20.00 horas, agás o luns que terá horario de mañá, de 11.00 a 14.00 horas e de 17.00 a 20.00 horas. Non é necesario apuntarse e a visita ten carácter gratuíto.

O goberno asegura que xa está a traballar en alternativas para garantir a seguridade no acceso á pista de PUMPTRACK

O GOBERNO ASEGURA QUE XA ESTÁ A TRABALLAR EN ALTERNATIVAS PARA
GARANTIR A SEGURIDADE NO ACCESO Á PISTA DE PUMPTRACK

O goberno de Cedeira sae ao paso das críticas do PP pola fala de medidas de seguridade e problemas no acceso á pista de pumptrack, asegurando que se está a traballar en varias alternativas para garantir a seguridade dos usuarios da instalación, “unha actuación que para nós será de máxima prioridade na súa execución cando entren en vigor os novos orzamentos”.

Por esa razón, os responsables municipais din non estar dispostos a que “o PP de Cedeira nos veña a dar ningún tipo de lección e fale da importancia da seguridade cando, no seu último mandato (ano 2013) o goberno de Luis Rubido construíu o skate park da Madalena sen medidas de protección para casos de caídas e sen ter en conta o sinalado no anteproxecto”. Esto vén a confirmar, segundo o executivo, “a súa irresponsabilidade ao fronte da corporación municipal, ao poñer en risco a seguridade dos nenos e nenas que alí xogan”. As medidas recollidas no anteproxecto detallaban a necesidade de instalar 40 metros lineais de varanda, dun metro de altura e por importe de 4.852 euros, para evitar posibles caídas laterais nas tres rampas. Ese elemento non chegou a instalarse.

Tamén destacan desde o goberno de Cedeira “a pouca memoria que teñen os responsables do PP local cando no expediente do skate park tamén existe un informe desfavorable do interventor do Concello, todo un despropósito nunha tramitación conforme á legalidade e un reflexo máis dos tempos escuros da alcaldía de Luis Rubido”, aseguran.

Sobre esta cuestión do informe, o executivo local incide en que na factura daquela intervención non consta a adxudicación previa por parte do alcalde ou da xunta de goberno nin existen os tres orzamentos sinalados nas bases de execución. Tampouco está acreditada a dispoñibilidade dos terreos, xa que faltaba o informe favorable de Costas, e tamén existe unha diferencia económica de case 10.000 euros do importe inicialmente previsto (20.015,69 euros) ao finalmente executado, que ascendeu a 10.663 euros e foi realizado en dúas fases. Este último dato vén indicar, segundo o executivo cedeirense, que foron eliminadas as partidas dedicadas a garantir a seguridade dos usuarios, “neste caso a dos máis pequenos”.

Todos estes feitos poñen de manifesto unha vez máis como “estivo a traballar o goberno de Luis Rubido, cunha falta total de xestión e transparencia na maioría dos expedientes de contratación e, como neste, incumprindo os informes dos técnicos e sacrificando a seguridade dos nenos”

Cedeira forma aos alumnos do CEIP Nicolás del río e do IES Punta Candieira en educación viaria e mobilidade

CEDEIRA FORMA AOS ALUMNOS DO CEIP NICOLÁS DEL RÍO E DO IES PUNTA CANDIEIRA EN EDUCACIÓN VIARIA E MOBILIDADE

O Concello de Cedeira, a través da concellería de Educación, e a Policía Local volven a poñerse ao frente da Semana de Educación Viaria e Mobilidade que arrincou o luns e que ten como destinatarios aos alumnos do CEIP Nicolás del Río e do IES Punta Candieira.


A programación é tan ampla como variada, ademais de presentar importantes novidades con respecto á súa primeira edición. Este ano haberá actividades específicas dirixidas aos pais e prácticas en coches de autoescola para os alumnos do instituto, que tamén poderán experimentar diferentes graos de reacción na condución gracias a unhas lentes que simulan os efectos de intoxicacións por alcohol, drogas ou medicamentos. Esta experiencia complementarase con charlas impartidas por persoal das entidades Stop Accidentes e Aeslema (Asociación para el Estudio de la Lesión Medular Espinal).

Da man de voluntarios de Protección Civil os estudantes tamén tomarán parte nun simulacro de evacuación dun transporte escolar e grazas á colaboración da asociación Sobre Rodas percorreran en cadeiras de rodas o centro urbano para coñecer a problemática á que se enfrontan moitas persoas no seu día a día á hora de facer desprazamentos.
Tamén forman parte das actividades que estes días os nenos estean a dirixir o tráfico tanto a saída como á entrada dos centros escolares e que xa preparen, como remate destes sete días de Educación Viaria, a celebración dunha xornada dedicada á bicicleta. Será o venres. Ese día estará prohibido o uso de vehículos para acceder ao CEIP Nicolás del Río, de maneira que a vía será ocupada por bicicletas, patines e monopatíns, unha posibilidade aberta tanto a pais como a alumnos.

A organización, que tamén conta coa colaboración da autoescola Xecas, entende que estas actividades e coñecementos terían que formar parte do programa educativo co fin de evitar accidentes de tráfico e para humanizar as cidades con hábitos máis sociais por parte de condutores e peóns.

A Policía Local e a Concellería de Educación programan a II Semana da Seguridade Viaria Escolar

A POLICÍA LOCAL E A CONCELLERÍA DE EDUCACIÓN PROGRAMAN A II SEMANA DA SEGURIDADE VIARIA ESCOLAR

A Concellería de Educación e a Policía Local de Cedeira realizarán a II Semana da Seguridade Viaria Escolar do luns 23 ao venres 27 de abril, no CEIP Nicolás do Río e o IES Punta Candieira. Alumnos de ambos os colexios apoiarán á Policía Local dirixindo o tráfico nas horas de entrada e saída aos centros escolares.

Esta segunda edición contará con charlas dirixidas ás Ampas e aos pais e nais de alumnos que desexen asisitir, así como diferentes charlas temáticas para alumnos do IES Punta Candieira impartidas por entidades do nivel de Stop Accidentes ou Aesleme.

Do mesmo xeito a asociación local Sobre Rodas colaborará en charlas e talleres con alumnos de ambos os colexios, nos cales se farán percorridos en cadeira de rodas por diferentes rutas da contorna urbana e analizarase a problematica destes desprazamentos.

A Policía Local tamén ten preparadas varias prácticas coas autoescolas ITT Galicia e Xecas, na que alumnos do IES Punta Candieira poderán experimentar diferentes graos de reacción na condución grazas a unhas lentes especiais que simulan os efectos de estar sometido a intoxicación por alcol, drogas, e medicamentos.

Ademais a maiores, en colaboración coa A.V. Protección Civil, tamén se realizasen simulacros de evacuación de alumnos nos autobuses de transporte escolar, e formarase aos condutores e acompañantes na forma de realizar estas evacuacións. O último día da semana dedicarase por completo ao Día da Bicicleta, no que se prohibirá por completo o acceso de vehículos ao CEIP Nicolás do Río e durante a xornada escolar a vía estará libre para o uso da bicicleta, patíns e monopatines, por alumnos e pais.

Cedeira volve a recordar aos mortos do campo de concentración e aos veciños represaliados polo franquismo

CEDEIRA VOLVE A RECORDAR AOS MORTOS DO CAMPO DE CONCENTRACIÓN E AOS VECIÑOS REPRESALIADOS POLO FRANQUISMO

“Hai que recuperar, manter e transmitir a memoria histórica, porque se empeza polo esquecemento e remátase na indiferenza”. Con esta cita de Saramago daba comezo hoxe a lectura, por parte do alcalde de Cedeira, Pablo Moreda Gil, da declaración institucional do equipo de goberno (PSOE, BNG e Anova) e máis do Colectivo das Esquedas no acto de recordo e homenaxe ás vítimas da represión franquista celebrado no mesmo emprazamento no que ata 1938 houbo un campo de concentración franquista.

“Un lugar cargado de simbolismo”, asegurou o alcalde na súa intervención, na que tamén fixo alusión á morte de republicanos indefensos “polo único delito de seren fieis a uns principios de liberdade e democracia” e aos máis de 100 veciños represaliados fisicamente polo réxime e as familias, especialmente mulleres, que “tiveron que aprender a convivir cos verdugos dos seus pais, irmáns e fillos”.

Nin ao longo da transición nin nestes anos de democracia considera o goberno de Cedeira que se teña feito o necesario para recuperar “esta insufrible inxustiza, máis alá dunha deficiente Lei de Memoria Histórica”, unha lexislación que o goberno do PP ademais vén de incumprir e menosprezar avalando a postura de persoas que se negan a acometer exhumacións.

Todas istas consideracións, segundo o goberno de Cedeira, fan do encontro celebrado hoxe unha cita de reparación e xustiza que “deberían levarnos a cuestionar o modelo de Estado, esta monarquía herdanza do ditador ou ir poñendo os alicerces que permitan elixir ao xefe do estado por sufraxio universal”.

Nesta mesma dirección tamén foi a intervención de Enrique Barrera que, como representante da Asociación Memoria Histórica Democrática (AMHD), interveu no acto para lexitimar o goberno da segunda República, para facer unha chamada de atención sobre formacións políticas autoritarias que minte cun enorme descaro e para comezar a pensar en corrixir a historia reformando a Constitución para que “un día poidamos decidir se queremos seguir cos borbóns ou apostar por outras políticas”.

Cun recordo a Celso Emilio Ferreiro coa lectura de versos da súa obra “Tempo para chorar”, coa tradicional ofrenda floral no monumento existente a carón do paseo marítmo e coa interpretación á gaita da alborada Abrente en Cordobelas e do himno galego pechaban as celebracións dun acto para o que o Concello de Cedeira conta coa colaboración da Asociación Memoria Histórica Democrática e co apoio incondicional da veciñanza que hoxe volveu a secundar coa súa presenza un encontro de recuperación da memoria histórica, porque “sen memoria non hai historia”, rematou o alcalde.

Cedeira reuniu as seus mellores deportistas na XVII gala do deporte local

CEDEIRA REUNIU AS SEUS MELLORES DEPORTISTAS NA XVII GALA DO
DEPORTE LOCAL

Un ano máis, e xa van 17, a Gala do Deporte de Cedeira converteuse no recoñecemento público do Concello e dos veciños do municipio ao esforzo dos deportistas locais por destacar e tamén así deixar en bo lugar o nome da vila.

Joaquín Montero Gómez, actual campeón de España de Remo Olímpico, foi o invitado a unha cita que, presidida polo alcalde, Pablo Moreda Gil, e máis o concelleiro de Deportes, Nicolás Vergara, tivo lugar onte nun ateigado pavillón municipal. No transcurso do acto foron homenaxeados e premiados máis de trinta deportistas da localidade. O remeiro Raúl López foi elixido Mellor Deportista Cedeirense do ano 2027.

Na súa intervención, o alcalde de Cedeira recordou a importancia de practicar unha actividade física para apostar por unha vida máis saudable, ademais de sinalar o alto nivel do deporte local con nomes moi destacados en cada disciplina tanto a nivel autonómico como nacional. Destacou o compromiso dos clubs co deporte, así como de toda a xente que está detrás dos mesmos, desde directivos ata asiestradores e voluntarios, aos que Moreda felicitou por “formar a nosos fillos para a vida a través dos valores que o deporte imbúe nas persoas”.

Animou a todos os alí presentes a seguir o exemplo dos premiados, cada un na medida das súas posibilidades, co fin de mellorar a súa condición física e individual. Neste sentido, recordou que da man do Concello existen escolas deportivas e actividades para todas as idades e destacou o compromiso do equipo de goberno co deporte “cun importante incremento do importe das subvencions e a mellora das instalacións municipais”.

Joaquín Montero agradeceu tanto a invitación do Concello como as facilidades que lle están a dar o club de remo para poder así destacar na súa actividade deportiva. Tamén animou a nenos e nenas e aos mozos e mozas a introducir nas súas vidas a práctica regular dun deporte para enriquecelas.

Los premiados fueron:

-NATACIÓN:

*MASCULINO: MANUEL RIVEIRO LEONARDO E JUAN FRANCISCO PÉREZ PÉREZ.

*FEMININO: LUCÍA SÁNCHEZ GRANDAL.

-TRIATLÓN:

*EQUIPO BENXAMÍN DE TRIATLÓN (ALBA GRAÑA, IRENE FREIRE, INÉS SERANTES, DAMIÁN SUÁREZ, LUCAS RIOLA, SAMUEL SÁNCHEZ, IAGO ORTIZ, DAMIÁN FORMOSO E CARLOS RIVEIRO)

*FEMININO: NOELIA SERANTES BARREIRO.

-ATLETISMO

*EQUIPO ALEVIN MASCULINO (SAMUEL SÁNCHEZ, ALBERTO RODRÍGUEZ, LUCAS RIOLA, MANUEL MUIÑO E DAMIÁN SUÁREZ)

*FEMiNINO: ANDREA LÓPEZ LÓPEZ.

-DEPORTES ADAPTADOS: GERARDO LÓPEZ CARUNCHO.

-KARATE: GABRIEL MIRANDA PÉREZ.

-FÚTBOL Feminino: ZELTIA PARDO NAVAL.

-FÚTBOL masculino: EQUIPO CEDEIRA SD – 1ª AUTONÓMICA

-REMO

*MASCULINO: RAÚL LÓPEZ IGLESIAS E MARCOS PERNAS PIÑÓN

*FEMININO: CANDELA MARTÍNEZ PERNAS

GALARDÓNS ESPECIAIS

MELLOR DEPORTISTA VETERÁN DO ANO:

SANTIAGO FREIRE (BADMINTON)

MELLOR TRAXECTORIA DEPORTIVA: FRANCISCO PRIETO IGLESIAS(REMO)

TODA UNHA VIDA DEDICADA Ó DEPORTE:

ANTONIO LÓPEZ MARTÍNEZ (STILI), (FUTBOL, FUTBOL SALA…COMO XOGADOR, ADESTRADOR E DIRECTIVO)

MELLOR ADESTRADOR CEDEIRENSE DO ANO :

DAVID PÉREZ IGLESIAS (FÚTBOL)

-MENCIÓNS ESPECIAIS

IVÁN SEDES ARMADA (REMO)

MELLOR DEPORTISTA CEDEIRENSE DO ANO 2017

RAÚL LÓPEZ IGLESIAS (REMO)

Raúl foi campión galego e medalla de ouro no galego de Remoergómetro celebrado en Ferrol na categoría individual cun total de 100 participantes na súa categoría rebaixando ademais o récord galego da modalidade en máis de 1sg.

Campión e medalla de ouro por equipos nesta mesma disciplina.

Campión en dobre scull por 2ª vez nos últimos tres anos (e porque no 2016 debido ó mal tempo suspenderonse as regatas) da Regata Internacional “Queima dasFitas” en Coimbra (Portugal), onde se dan cita os mellores remeiros do noso país e mesmo do país veciño.

Medalla de prata en 4 scull, e 4º clasificado no dobre scull na Copa Primavera celebrada en Trasona (Asturias), regata que é un prólogo do Campionato de España de Remo Olímpico, onde ademais remando de forma individual quedou 5º, nunha disciplina que non é a del.

No Campionato Galego de Remo Olímpico celebrado en Castrelo do Miño (Ourense), en dobre scull , foi medalla de prata e polo tanto subcampión galego.

Xa na gran cita que foi o Campionato de España, celebrado en Banyoles (Girona), Raúl foi 2º, en dobre scull, e polo tanto medalla de prata e subcampión de España, conseguindo así ter xa catro metais nacionais (os tres existentes, ouro, bronce e prata), pois como dixeramos en anos anteriores xa conseguira un ouro e dous bronces.

Dicir tamén que Raúl fixo as probas para o acceso ó CGTD (Centro Galego de Tecnificación Deportiva) de Pontevedra, sendo un dos Becados para estudiar neste centro coa Beca Deportiva, centro no que están os mellores deportistas da nosa Comunidade dentro das Especialidades de deportes Olímpicos.

 

Presentación do libro«Teixido, San Andrés de lonxe, mitos e ritos»

Este vindeiro mércores 18 de abril, ás 19:30 h. teremos a presentación da obra «Teixido, San Andrés de lonxe, mitos e ritos», de Xohana Torres, recentemente falecida, que non chegou a ser publicada en vida da súa autora. Paradoxalmente, valeulle en 1972 para gañar o Premio de Etnografía Federico Maciñeira, da Deputación da Coruña que ven de editar esta publicación.

Contaremos coa presenza dalgún representante da editorial Engaiolarte e da vicepresidenta da Deputación da Coruña Goretti Sanmartín quen dixo da escritora que é “un referente non seu compromiso coa lingua e a literatura, en especial para moitas mulleres e escritoras” e do libro que « é unha alfaia», dotándose de fotografías de Xulio Xilpara que sexa « unha obra de arte». Torres que mantivo o seu entusiasmo creativo ate os últimos tempos da súa vida e tamén na propia edición deste volume, defendeu que Teixido era “o único mito universal galego”

O campión de España de remo olímpico Joaquín Montero é este ano o invitado da gala do deporte de Cedeira

O CAMPIÓN DE ESPAÑA DE REMO OLÍMPICO JOAQUÍN MONTERO É ESTE ANO O INVITADO DA GALA DO DEPORTE DE CEDEIRA, QUE SERÁ MAÑÁ

Joaquín Montero Gómez, actual campeón de España de Remo Olímpico e membro da Federación absoluta en dito deporte, será este ano o invitado á XVII Gala do Deporte de Cedeira que se celebrará mañá venres no pavillón polideportivo municipal.

A convocatoria dará comezo ás 21.00 horas e estará presidida polo alcalde, Pablo Moreda Gil, e polo concelleiro de Deportes, Nicolás Vergara, entre outros membros da corporación cedeirense.

No transcurso da Gala será elixido o Mellor Deportista Cedeirense do Ano, haberá mencións especiais e serán premiados máis de trinta deportistas locais nas disciplinas de natación, triatlón, atletismo, deporte adaptado, karate, fútbol e remo.

Festa do deporte

FESTA DO DEPORTE

Mañá ás 21:00 h. celebraremos a XVII Festa do Deporte Cedeirés no Polideportivo Municipal. Deste xeito, outro ano máis, homenaxearemos a todas e todos os deportistas que os Clubes elixiron como máis destacados, e farase pública a elección do millor deportista cedeirés/a do ano 2017 (elección tamén feita polos clubes).

Achegádevos!!

Deputación e concellos pon en marcha o plan do Xeoparque do Cabo Ortegal

DEPUTACIÓN E CONCELLOS PON EN MARCHA O PLAN DO XEOPARQUE DO CABO ORTEGAL

O alcalde de Cerdido presidirá o consello de dirección durante o primeiro ano

O proxecto do Xeoparque do Cabo Ortegal botou a andar onte coa constitución da comunidade intermunicipal, integrada pola Deputación e os concellos de Cariño, Cedeira, Cerdido, Moeche, Ortigueira, San Sadurniño e Valdoviño, e a designación de Benigno Galego, alcalde de Cerdido, como o primeiro presidente deste organismo. Os rexedores se turnarán no cargo, empezando polo do municipio de menor poboación dos sete implicados.

Por diante quedan a contratación do plan director (onte estudouse o prego de condicións que haberán de rexer este proceso) e a asistencia técnica, unha das primeiras medidas adoptadas no encontro mantido na Deputación. Este servizo será o responsable de coordinar o expediente e a certificación da candidatura do geoparque «por parte do Estado e dá UNESCO».

Partida de 100.000 euros

No encontro de onte, ao que asistiron o responsable provincial de Turismo, Xosé Regueira, os alcaldes dos sete concellos e varios concelleiros, tamén se acordou a creación e a inscrición da imaxe corporativa do proxecto Xeoparque Cabo Ortegal. Para iso, o consello de dirección asignou unha partida de cen mil euros -dos 500.000 consignados para este proxecto pola Deputación-, que inclúe tamén o custo do plan director e do servizo de asistencia técnica. Regueira confía en que en setembro se completaron estes trámites. Os representantes das administracións locais e provincial reuniranse cada tres meses en Cerdido para avaliar os avances.

Fonte: La Voz de Galicia

Pode consultar a nova na seguinte ligazón:

IR Á LIGAZÓN Deputación e concellos pon en marcha o plan do Xeoparque do Cabo Ortegal