Cedeira executa obras de asfaltado nos camiños Sartego-Birizo, Sisalde, Ventosa e Faro Candieira

CEDEIRA EXECUTA OBRAS DE ASFALTADO NOS CAMIÑOS SARTEGO-BIRIZO, SISALDE, VENTOSA E FARO CANDIEIRA

Xa foron executados catro novos proxectos de asfaltado incluídos no plan de mellora de camiños que o goberno de Cedeira executa con cargo aos fondos Agader 2018 e con aportacion municipal. Estas novas obras son Sartego-Birizo, Sisalde, Ventosa e Faro Candieira.

En total foron arredor de 3.500 metros de novos asfaltados que, divididos en diferentes tramos, teñen unha media de 882 metros cada un deles. En todos os casos, as obras consistirán na limpeza de cunetas por ámbalas dúas marxes, en ampliar en 15 centímetros a altura da capa de rodaxe e no rego asfáltico semiprofundo e superficial no conxunto das superficies intervidas.

Este último investimento supera os 45.000 euros e os traballos foron executados pola empresa SYR-AMG. O goberno municipal, a través do alcalde, Pablo Moreda Gil, considera necesario seguir investindo en infraestruturas para garantir a seguridade de condutores e peóns, así como para facilitar a comunicación en todo o termo municipal.

Nos últimos tres meses, o Concello leva gastado case 100.000 euros na reparación de camiños. Cabe recordar que no mes de novembro invistiu outros 54.762,95 euros na reparación doutros camiños rurais de titularidade municipal: Vilarcay, Meizoso, As Bieiteiras e Igrexa de Cervo.

Cedeira demanda da Xunta un centro de día cunha campaña de recollida de firmas

CEDEIRA DEMANDA DA XUNTA UN CENTRO DE DÍA CUNHA CAMPAÑA DE RECOLLIDA DE FIRMAS

O Concello de Cedeira vén de poñer en marcha unha campaña de recollida de sinaturas demandando á Xunta a creación dun centro de día no municipio, “por carecer a día de hoxe dun centro público que dea apoio nin aos 125 veciños declarados dependentes nin ás persoas que teñen que exercer o papel de coidadoras”.

O goberno municipal conta co apoio e a colaboración do movemento asociativo para levar a cabo o devandito propósito. De feito, a veciñanza que desexe secundar esta iniciativa pode facelo nas sedes sociais de Eixil, Sobre rodas, Rondalla de Cedeira, Virxe do Mar, Veciñanza de Piñeiro, Discalz@s polo Festival, Amas de Casa, Vila de Cedeira, Robaleira, Museo Mares de Cedeira, Patchwork de Cedeira, Asociación de Maiores, Cultural Garola, Acordeóns de Cedeira, Tarroiba, Coral Herbeira e Aturuxeiras, así como no propio Concello, no Palacete, na oficina dos Servizos Sociais e máis no polideportivo.

A través do escrito que xa se está a repartir, o executivo local tamén pon de manifesto o seu compromiso de colaborar coa Xunta na realización do proxecto poñendo á súa disposición os terreos necesarios para a realización dunha obra que “axudaría a solucionar os problemas de atención e coidado que requiren as persoas dependentes e as consecuencias que acaban sufrindo as coidadoras”.

Uns 160 fogares de Cedeira, a maioría da zona rural, xa reciclan en orixe

UNS 160 FOGARES DE CEDEIRA, A MAIORÍA DA ZONA RURAL, XA RECICLAN EN ORIXE

Un total de 160 fogares de Cedeira, na súa maioría na zona rural, xa reciclan en orixe, segundo informa o goberno municipal, tras a adquisición das últimas vinte unidades de composteiros de 350 litros de capacidade, fabricados en materiais reciclados e con manuais didácticos de apoio. A devandita cantidade súmase aos 60 que xa estaban en funcionamento e aos 80 que, por iniciativa municipal, se levan adquiridos nos últimos tres anos.

Desde o executivo cedeirense vénse apostando por unha política respectuosa co medio ambiente, xa sexa coa substitución das lámpadas de vapor de sodio por outras de tecnoloxía led como polo tratamento en orixe do 42% da materia orgánica que vai das bolsas ao contedor.

Desta maneira tanto se están a evitar as emisións de CO2 á atmósfera como se reduce a frecuencia do servizo de recollida e o de transporte ata a planta de tratamento e diminúe a factura que o Concello ten que pagar a Sogama polo tratamento dos residuos. Ademais tamén se está a xerar compost e mesmo alimento para o gando.

Archeology will be the topic of the lecture that the County program for Friday, December 14

A ARQUEOLOXÍA SERÁ O TEMA DA CHARLA QUE O CONCELLO PROGRAMA PARA O VENRES 14 DE DECEMBRO

O Concello de Cedeira promove para o próximo venres, día14, unha charla de arqueoloxía para afondar no coñecemento das pedras formosas, antigas saunas castrexas das que en Galicia existen un total de cinco, a última en Cedeira.

O auditorio municipal acollerá un acto que dará comezo ás 20.00 horas e no que intervirán Emilio Ramil González, arqueólogo e socio da empresa AXA, e máis Ángel Villa Valdés, do Real Instituto de Estudios asturianos.

Cuestións como a datación destas construcións a través da proba do carbono 14, que recentemente situou a atopada en Cedeira no século III a.C., e o descubrimento e interpretación das pedras formosas son algunhas das que serán abordadas polos expertos.

O interese da convocatoria leva ao Concello a invitar á veciñanza a acudir á charla para coñecer e valor o patrimonio local.

The Festival of Carols of coral starfish tomorrow will be in the Auditorium of Cedeira

O FESTIVAL DE PANXOLIÑAS DA CORAL ESTRELAS DO MAR SERÁ MAÑÁ NO AUDITORIO DE CEDEIRA

O auditorio municipal de Cedeira acollerá mañá, día 8, o Festival de Panxoliñas organizado pola coral da 3ª Idade Estrelas do Mar e no que intervirán tres formacións de música coral. Así, e ademais da promotora do evento, pasarán polo escenario do centro cutural a Rondalla de Cedeira e a coral Virxe do Monte, de Cospeito (Lugo).

O programa, que chega este ano a súa edición número oito, dará comezo ás oito da tarde e conta coa colaboración do Concello, a Xunta de Galicia, a Deputación da Coruña, a Confraría de Pescadores de Cedeira e máis da Federación Coral Galega.

Cedeira is in the 7th the exhibition catalog "Cedeira in the twentieth century," the Association for the Elderly

CEDEIRA PRESENTA O DÍA 7 O CATÁLOGO DA EXPOSICIÓN “CEDEIRA NO SÉCULO XX” DA ASOCIACIÓN DE MAIORES

O auditorio municipal acollerá este venres, día 7, a presentación da revista-catálogo da exposición fotográfica “Cedeira no século XX” reunida pola Asociación de Maiores de Cedeira e que se vén sumar a outras dúas anteriores sobre a mesma temática. A intención é contribuír á recuperación da memoria colectiva con imaxes de xente, do traballo e dos lugares máis representativos da localidade.

No acto, que dará comezo ás 20.00 horas, intervirán María Xosé Rodríguez Pérez, concelleira de Cultura, e máis Antóm Labranha, coordinador dunha mostra que se poderá visitar no Palatece municipal. O acompañamento musical correrá a cargo de Iria, Quique e Dopazo.

The Office of Tourism and the Castle of the Conception will open during the bridge of Conception

A OFICINA DE TURISMO E O CASTELO DA CONCEPCIÓN ABRIRÁN DURANTE A PONTE DA CONCEPCIÓN

O Concello de Cedeira abrirá tanto a oficina de turismo como o castelo da Concepción durante a ponte de decembro. Así, o punto de información ao visitante estará operativo os días festivos (6 e 8) en horario de 10.30 a 13.30 horas, mentres que o restos dos días recuperará o seu horario habitual, de 9.00 a 14.30 horas.

En canto ao castelo, abrirá ao público de xoves a domingo de 11.00 a 16.30 horas, de forma ininterrompida.

O goberno municipal considera que se trata duns días que moita xente aproveita para viaxar, polo que entende que a administración tamén ten que facer un esforzo para darlle as máximas facilidades, ademais de mostrarlle todos os recursos paisaxísticos e monumentais que atesoura a vila.

Council extends the deadline for the justification of subsidies for commissions parish festivals 2018

O CONCELLO AMPLÍA O PRAZO PARA A XUSTIFICACIÓN DE SUBVENCIÓNS PARA COMISIÓNS DE FESTAS PARROQUIAIS
2018

O Concello de Cedeira aprobou a ampliación do prazo de xustificación das subvencións para as comisións de festas parroquiais 2018, cuxas bases foron publicadas no BOP núm. 205 de 26 de outubro, de xeito que a data límite se prorroga ata o 17 de decembro de 2018.

O prazo de execución das actividades susceptibles de subvención se mantén no día 30 de novembro de 2018.

Na seguinte ligazón pode consultar a resolución aprobada para a apliación do prazo:

IR Á LIGAZÓN Resolución de avocación de competencias e aprobación da ampliación de plazos para a xustificación das subvencións para comisións de festas parroquiais 2018

The Coasts takes public exposure draft recovery of the cetaria Sarridal

A DEMARCACIÓN DE COSTAS SACA A EXPOSICIÓN PÚBLICA O PROXECTO DE RECUPERACIÓN DA CETARIA DO SARRIDAL

A Demarcación de Costas de Galicia saca a exposición pública o proxecto de acceso e acondicionamento da cetaria do Sarridal, unha intervención paralizada desde o ano 2010 por unha decisión técnica e agora recuperada polo goberno municipal “porque pon de manifesto as nosas raíces e porque se atopa nunha zona de gran valor patrimonial”, segundo apuntou o rexedor municipal, Pablo Moreda Gil.

Desde hoxe e dentro dun prazo de 20 días, a documentación pode ser consultada nas dependencias que a Demarcación de Costas ten na cidade da Coruña (c/ San Pedro de Mezonzo, n.º 2, bajo -Esquina avenida de Finisterre-), e mesmo no Concello de Cedeira. Este periodo de tempo tamén é válido para a presentación de alegacións.

O alcalde considera que é unha magnífica noticia para o conxunto da poboación local, ao tempo que reitera o compromiso da administración local en colaborar economicamente na execución dunhas obras, cuxo importe actualizado ascende a 312.589,89 euros.

O proxecto consistirá na recuperación das estruturas existentes, en darlle accesibilidade ao lugar e en intervir sen alterar unha construción que, ademais de formar parte del patrimonio local, se atopa nunha zona na que xa existen outras riquezas patrimoniais, como poden ser o castelo da Concepción e o xacemento arqueolóxico no que foi localizada a quinta pedra formosa de Galicia.

Esta actuación, xunto ao asunto da rexeneración da praia, levou recentemente ao alcalde a manter reunións de traballo, tanto en Madrid como na Coruña, co responsable da Subdirección General para la Protección de la Costa, Ángel Muñoz Cubillo e co Xefe da Demarcación de Costas en Galicia, Rafael Eimil Apenela.

Council extends the deadline for the justification of sports and cultural grants

O CONCELLO AMPLÍA O PRAZO PARA A XUSTIFICACIÓN DE SUBVENCIÓNS DEPORTIVAS E CULTURAIS

O Concello de Cedeira aprobou a ampliación do prazo de xustificación das subvencións obxecto das convocatorias para investimentos e actividades das áreas socio-cultural e de deportes publicadas no BOP 168 de 4 de setembro, de xeito que a data límite se prorroga ata o 17 de decembro de 2018.

O prazo de execución das actividades susceptibles de subvención se mantén no día 30 de novembro de 2018.

Na seguinte ligazón pode consultar a resolución aprobada para a apliación do prazo:

IR Á LIGAZÓN Resolución de avocación de competencia e aprobación ampliación plazos para xustificación subvencións da área sociocultural para investimentos e actividades 2018 a entidades e asociacións de ámbito municipal e para actividades e inversións de clubs e entidades deportivas 2018