Skip to content Skip to left sidebar Skip to footer

DEPORTES

VISITA DA DEPUTADA PROVINCIAL DE VÍAS E OBRAS Á ZONA DE REGO DE TIDE NA QUE SE VAN INICIAR EN BREVE AS OBRAS

O alcalde de Cedeira, Pablo Diego Moreda Gil, e o concelleiro de Cultura, Patrimonio e Deportes, José Antonio Rodríguez, acompañaron onte á deputada de Vías e Obras, Mónica Rodríguez Ordóñez, na súa visita á estrada DP 2206 en Rego de Tide, na que o organismo provincial vai executar unha actuación de mellora. As obras están xa adxudicadas, pero a empresa adxudicataria está á espera do envío dos prefabricados necesarios para a súa execución.

A deputada de Vías e Obras destacou que “a Deputación da Coruña e o Concello de Cedeira están traballando conxuntamente para mellorar os accesos a San Andrés de Teixido. Unha vez concluída a variante de Pontigas na DP 2204, na que os estreitamentos no núcleo de poboación dificultaban a circulación, especialmente para os numerosos autobuses que visitan este lugar de peregrinación, as melloras continuarán agora con esta obra na que se eliminará a curva perigosa da valgada do regato de Tide, no punto quilométrico un da estrada DP 2206, que xera tamén problemas de seguridade para a circulación, especialmente no caso dos autobuses e dos vehículos pesados”.

A actuación, que se levará a cabo entre os PQ 0+920 e 1+220 eliminará a curva existente, cun radio moi reducido, e executarase un novo trazado ao sur do actual que permitirá ampliar a sección e mellorar a visibilidade. O novo trazado implica tamén a construción dun terraplén e dunha obra de drenaxe transversal en marco de formigón armado para dar continuidade ao regato. O investimento nesta actuación é de máis de 406.000€.

PUBLICADAS AS BASES DOS XOGOS POPULARES 2023

Os Xogos Terán lugar o día 13 de agosto no Paseo da Mariña a partir das 16:00 horas.
Poderán participar tódolos maiores de 14 anos que se atopen inscritos correctamente.

A inscrición realizarase de balde, dende una hora antes do comezo dos xogos, será necesario mostrar o DNI ou documento que o substitúa de cada participante. No caso dos menores de idade, terao que presentar o seu titor legal, cumprimentando o modelo de autorización paterna (ANEXO II).

Pódese descargar as bases na seguinte ligazón:

Descarga PDF Bases dos xogos populares 2023

O CONCELLO DESENVOLVE ATA O VENRES A “SEMANA INFANTIL” CON MAÑÁS DE XOGOS PARA NENOS E NENAS

O Concello de Cedeira inaugura hoxe a súa Semana Infantil, unha proposta xa clásica para as familias no verán da vila, coa que se quere promover o xogo ao aire libre, a convivencia de nenos e nenas e mesmo a aprendizaxe daqueles xogos de sempre que hoxe están un pouco esquecidos. A praza Roxa será o lugar de encontro, desde hoxe ata o venres, sempre ás 11.00h, e as propostas moi variadas, para rapaces e rapazas de ata 14 anos. Haberá monitores organizando as actividades.

A xornada de hoxe estará adicada aos “xogos atléticos”, entre os que estarán as carreiras de velocidade, de resistencia e de relevos.

Para mañá martes están programados os “xogos dos avós”, como o pano, as cadeiras…

O mércores chegan as “carreiras do humor”, como son a do ovo e a culler, a de sacos e o tiro de corda.

Na mañá do xoves as actividades trasládanse á praia da Madalena, onde terá lugar o concurso de castelos de área.

O venres, por último, haberá unha carreira popular.