CULTURA

Concurso de fotografía da Asociación Camiño a San Andrés

CONCURSO DE FOTOGRAFÍA DA ASOCIACIÓN CAMIÑÓ A SAN ANDRÉS

O día 28 vence o prazo de inscrición no certame, que repartirá oito mil euros en premios.

A Asociación Cultural e Recreativa Camiño a San Andrés de Teixido convoca o primeiro concurso de fotografía homónimo, que repartirá oito mil euros en premios (3.000 para a mellor imaxe, 2.000 para a segunda, 1.000 para a terceira e catro accésits de 500). Coas obras galardoadas e outras que seleccione o xurado editarase un catálogo, ademais de montar unha exposición itinerante por Galicia. Con este certame, dirixido a profesionais e afeccionados, o colectivo pretende «promover os camiños que levan a San Andrés de Teixido». Inscrición aberta ata o día 28 de febreiro na páxina web da asociación

Fonte: La Voz de Galicia

Pode consultar a nova na seguinte ligazón:

IR Á LIGAZÓN Concurso de fotografía da Asociación Camiño a San Andrés

A promoción do camiño de Santo André de Teixido en FITUR deixou moi bo sabor de boca

A PROMOCIÓN DO CAMIÑO DE SANTO ANDRÉ DE TEIXIDO EN FITUR DEIXOU MOI BO SABOR DE BOCA

O alcalde de Cedeira, Pablo Moreda Gil, quedou moi satisfeito da boa acollida que tivo hoxe en Fitur o acto de promoción do camiño de Santo André de Teixido como destino turístico dentro da Comunidade galega.

Moreda entende que o acto celebrado en Madrid pode representar un tempo novo de coñecemento e defusión para a máis importante ruta de peregrinos, despois de Santiago, que existe en Galicia e tal vez unha das máis antigas da Comunidade.

A presentación, que se insire no programa oficial co título “Camiños de A Coruña”, contou coa intervención do deputado Antonio Leira, que falou do Camiño Inglés, e co reparto de exemplares dunha revista publicada pola Fundación Santo André de Teixido sobre a ruta que ten como destino o territorio cedeirés. Ramón Tudela, en calidade de presidente desta entidade, reivindicou o carácter popular dunha ruta que enlaza a cidade de Betanzos co Ortegal e que recorre espazos tan fermosos como as Fragas do Eume e a Fervenza do Belelle, e monumentos tan emblemá- ticos como os castelos de Naraío e Moeche. Por este motivo, Tudela lanzou unha chamada de atención no sentido de protexer un lugar “máxico e tremendamente espiritual”, ademais de promover actividades e realizar campañas para dalo a coñecer. Durante a celebración de Fitur repartiranse 15.000 exemplares dunha revista da que foron editados un total de 30.000.

O pavillón audiovisual de Galicia acolleu un encontro no que se deron cita, ademais dos alcaldes de Cedeira e Valdoviño, Pablo Moreda e Alberto González, respectivamente, representantes da Xunta e da Deputación da Coruña. De feito, a iniciativa partiu da institución coruñesa para destacar a importancia dos tres camiños que teñen unha especial relevancia turística na provincia. Son o Camiño Inglés, o Camiño Fisterra-Muxía e o Camiño de Santo André de Teixido.

O Concello promocionará en FITUR a Ruta a San Andrés de Teixido

O CONCELLO PROMOCIONARÁ EN FITUR A RUTA A SAN ANDRÉS DE TEIXIDO COMO UNS DOS TRES PRINCIPAIS CAMIÑOS MEDIEVAIS DE GALICIA

A promoción turística de Cedeira, e máis concretamente do camiño a San Andrés de Teixido, leva ao alcalde do municipio, Pablo Moreda Gil, a visitar Fitur (Feria Internación de Turismo) que esta semana se celebra en Madrid.

Son dous os asuntos que teñen especial interese para o goberno cedeirés: reivindicar o territorio como destino ou orixe da considerada por algúns investigadores como a primixenia ruta de peregrinación que houbo en Galicia, a de San Andrés, e dar a coñecer as posibilidades que ofrece o territorio cedeirés entre os operadores turísticos que acuden á feira.

O primeiro obxectivo materializarase mañá mesmo co acto de presentación do Camiño Medieval que, promovido pola área de turismo da Deputación da Coruña, correrá a cargo do presidente da Fundación Santo André de Teixido. A cita será ás 10.30 horas.

Esta iniciativa institucional está centrada nos tres camiños que percorren o territorio da provincia. Dous deles, o Camiño Inglés e o de Fisterra-Muxía están xa instalados no mapa das peregrinacións, mais será sen dúbida a Ruta do Medievo, o camiño que vai desde Betanzos até Santo André de Teixido, o que máis sorprenderá neste acto de promoción nun dos máis importantes escaparates mundiais do turismo. Trátase dunha senda de comunicación entre os dous centros de peregrinación que son Santo Andrés de Teixido e Santiago de Compostela, contando como eixe de conexión coa capital do antigo Reino de Galicia, Betanzos.

O alcalde, Pablo Moreda Gil, equipara a relevancia que poida ter Santiago dentro da ruta Xacobea á que por historia e cultura xa ten Cedeira cando se fala de San Andrés de Teixido.

Desta cuestión Moreda Gil tamén falará cos operadores na reunión prevista para o xoves. Nela, o alcalde exporá as posibilidades turísticas que ofrece un municipio que, como xa quedou claro con motivo do paso da Vuelta Ciclista a España, dispón de moitos e moi destacados recursos naturais, paisaxísticos e culturais para formar parte da oferta turística a todos os niveis.

Campaña de esquí 2017

CAMPAÑA ESQUÍ 2017

Estación invernal de Leitariegos
A consellería de deportes do Concello de Cedeira, abre o prazo de inscripción para a campaña de esquí 2017.
Dirixido a nen@s nados nos anos 2002, 2003, 2004, 2005, 2006.

Datas: do 19 ao 24 de febreiro
Custo: 95€ por nen@ (todo incluido)

Inscripción: Realizaranse no rexistro municipal (horario de 9:00 a 13:30h).
desde o luns 16 ata o luns 23 de xaneiro (data tope).

Si o número de inscripcións supero o das prazas asignadas(4).
Sortearanse o día 24 de xaneiro ás 10:00h no Polideportivo M.

Os Reis magos recorrerán as rúas da Vila o xoves a partir das cinco da tarde

OS REIS MAGOS RECORRERÁN AS RÚAS DA VILA O XOVES A PARTIR DAS CINCO DA TARDE

Os Reis Magos non poden regresar a Oriente sen antes pasar pola vila de Cedeira para deixar agasallos aos nenos e maiores que foron bos durante o ano 2016. A chegada das súas Maxestades enche de ledicia os corazóns dos maios novos e deixa un sorriso entre os adultos.

Os Reis se deixaran ver polas rúas da vila o día 5 a partir das cinco da tarde, hora na que está prevista a saída da tradicional Cabalgata das inmediacións da estación de autobuses.

A continuación, a cita da ilusión recorrerá a avenida de Castelao e a parte vella para finalizar no Palacete municipal. Alí terá lugar a recepción oficial e a festa que o Concello organiza para que os nenos poidan disfrutar unha das xornadas máis esperadas do ano. E para que non falte de nada tamén haberá unha chocolatada -con roscón incluído- e inchables no patio do colexio Nicolás do Río. A organización estima que haberá unhas cincocentas racións, cantidade moi similar á do pasado ano.

A administración local conta coa axuda das asociacións culturais Buxainas e As Aturuxeiras, da ANPA Picapeixe, da agrupación de voluntarios de Protección Civil e da entidade das Amas de Casa para que todo se desenvolva como está previsto. Na Cabalgata toman parte unhas cen persoas, entre nenos e adultos.

Cabalgata de Reis

CABALGATA DE REIS

5 de Xaneiro de 2017
Saída ás 17:00 da estación de autobuses,percorrido polas rúas da Vila.

RECEPCIÓN DOS REIS MAGOS
No palacete Municipal
e ao rematar….Chocolate, roscón de Reis e inchables no pavillón do CEIP Nicolás del Río

Pais, mestres e alumnos do colexio Nicolás del Río recuperan en imaxes a memoria mariñeira da vila

PAIS, MESTRES E ALUMNOS DO COLEXIO NICOLÁS DEL RÍO RECUPERAN EN IMAXES A MEMORIA MARIÑEIRA DA VILA

A concellería de Cultura e Turismo de Cedeira anima á veci- ñanza e visitantes a que se achegen ao Museo Mares de Cedeira para disfrutar da exposición de fotografías que baixo o título “Salseiro de recordos” recolle toda unha mostra de imaxes aportadas polo alumnado, familiares e mestres do CEIP Nicolás del Río.

A concelleira de Cultura, a nacionalista María Xosé Rodríguez, felicita á Asociación Mares de Cedeira e ao CEIP por esta iniciativa e destaca varios obxectivos importantes cumpridos polo Museo con esta mostra. Por unha parte o propio valor das fotografías e das persoas que nelas aparecen á hora de botar unha ollada á historia mariñeira da vila, e por outra reforzar a idea e concepción desde Museo como “propiedade” de toda a veciñanza de Cedeira, sen olvidar a orixinalidade da montaxe expositiva das imaxes.

A exposición pode verse no Museo Mares de Cedeira -situado nos baixos da Confraría de Pescadores- ata o día 8 de xaneiro en horario de martes a domingo de 10.30 a 13.30 horas.

Cedeira recupera a súa memoria gráfica

CEDEIRA RECUPERA A SÚA MEMORIA GRÁFICA

Imaxe:ANGEL MANSO

Como un verdadeiro «salseiro de recordos», que golpean e conmoven. Así se percibe a instalación montada no Museo Mares de Cedeira, a modo de palangrillo, para mostrar máis de 200 fotografías, que repasan a historia do pobo a través do traballo de mariñeiros, redeiras ou carpinteiros de ribeira. Como resalta o mestre Rafael López Loureiro, Calel, «Cedeira, dende as bretemosas orixes do seu nome, é mar e é mariñeira». E esta serie de imaxes recupera «o traballo, o valor e a afouteza mariñá (…), rostros esquecidos, acenos perdidos, xeitos desusados (…), o día a día dalgún tempo latexando aínda», apunta Calel, autor do texto introdutorio da exposición Salseiro de recordos.

«Xa no verán tivemos a idea e comentamos con Arribe ‘a este museo fáltalle a memoria gráfica’. E cando comezou a escola empezamos a traballar en colaboración co museo, os alumnos e as familias, pedíndolles fotos… E apareceron un feixe», conta unha das profesoras do Ceip Nicolás do Río envorcadas con esta iniciativa. Os escolares preguntaron en casa e os seus pais, os seus avós e os seus tíos desempoaron a memoria e os álbums, e reabriron os arcones. O tempo preservaba auténticos tesouros, «a etnografía dun pobo». Con cada imaxe había que encher unha ficha, para datala e identificar aos protagonistas. «Houbo quen se implicou tanto que contou a vida do mariñeiro que aparece na foto», agradecen os docentes.

Todo un descubrimento

Unha vez solicitado o material, os colexiais transcribieron a información e reproducíronse as fotografías, para garantir o coidado e a devolución dos orixinais (compromiso contraído desde o principio). A selección final exponse no Museo Mares de Cedeira ata o día 8 de xaneiro e despois, o mural instalarase no corredor do colexio cedeirense. «Para os nenos foi todo un descubrimento, ver que existen máis fontes de investigación que Google, que busquen en seu pai, seu tío ou seu avó, que lles van contar e transmitir unha historia», recalca unha mestra.

Mimo, Carducho de Grile, José de Mono e Juliño de Rabias lávanse as mans despois de manipular as tarrafas; as empregadas da fábrica de conservas A Tripolitania pousan para a cámara, entre 1943 e 1945; Manolo de Severo salta pola pedra en busca de percebes con pantalón curto, en 1975, e noutra estampa, aparece acompañado de Kiko de Tinita, Pucho, Fragueiro e O Chacarero, orgullosos tras vencer na regata de traiñeiras do día da Patroa de 1957 que, ao parecer, ata aquel ano, sempre gañaran os mesmos.

A pescada de Manolo do Salorio

Salseiro de recordos relata a vida a bordo dos barcos -incluíndo «as farradas» ou a visita dos xogadores do Real Madrid que viaxaban a Cedeira para fortalecerse-, as capturas extraordinarias -o peixe espada que conseguiu Benito, O Xirí, en 1965; ou a pescada de 15 quilos que exhibe Manuel Iglesias , Manolo do Salorio, hoxe coñecido tamén como o avó de Irene Caruncho-, o traballo de redeiras, mecánicos, pintores ou carpinteiros de ribeira -como o halador de aparello deseñado, construído e patentado no taller de Cendán-.

A exposición cobra vida cada vez que se achega algún protagonista e narra as súas vivencias daquela xornada ou estraña en voz alta aos compañeiros que xa non están. Os alumnos do Ceip Nicolás do Río visitan a mostra coas súas familias e retrátanse coa foto do avó. Uns búscanse, outros indagan sobre a identidade de fulanito ou menganita e case todos se emocionan. Nun recuncho da sala, no baixo da confraría, proxéctanse parte das imaxes en branco e negro. «Neste salseirazo de alustres, que azouta a faciana do esquezo, está a acordanza do ser que fumos, a certidume de ser quen somos e incertia de quen seremos», resume, ao seu xeito, Calel.

ANA F. CUBA

Fonte: A Voz de Galicia
CEDEIRA

Irene Caruncho: «Aparquei os meus estudos e vou apostalo toda pola música»

IRENE CARUNCHO: “APARQUEI OS MEUS ESTUDOS E VOU APOSTALO TODA POLA MÚSICA”

A primeira muller que gaña «A voz» regresou a Cedeira para descansar e afrontar o futuro «paso a paso»

Fotografía: La Voz de Galicia

Irene Caruncho regresou onte á noite a Cedeira no medio do caloroso recibimento dos seus paisanos e cun contrato con Universal debaixo do brazo. Poucas horas despois de converterse na primeira muller gañadora do concurso de Telecinco A voz, a cantante cedeirense, de 21 anos, intentaba dixerir unha nova situación que afrontará «paso a paso». O programa despediu a súa cuarta edición cunha media de 3.061.000 espectadores e unha cota do 24 %.

-¿Como se sente unha gañadora de «A voz»?

-Vívese moi ben. Aínda con moita sorpresa e sensación de que non mo creo, pero supoño que se me irá pasando cos días.

-Entre o público había a sensación de que vostede era a favorita. ¿Vostede tamén o percibía?

-Non. Si notaba o respaldo da xente e víame con posibilidades de gañar, pero non me vin gañadora ata onte á noite [polo mércores].

-¿Como viviu a final desde dentro?

-Para min o peor foi que estaba un pouco enferma e resultoume moi difícil cantar. Sei que iso desde fóra non se nota, pero os que cantamos si o notamos. E o momento máis duro foi ver aos meus compañeiros marcharse. Foi o máis doloroso, porque se xera moito compañeirismo no programa. Fixemos unhas amizades tremendas que eu creo que van durar para sempre.

-En televisión só ven as galas de cada semana, pero ¿como é o día a día para os concursantes que resultan elixidos?

-É moi difícil, porque temos moitísimas horas de ensaio. Estes últimos días, que tivemos tamén unha gala en directo o martes, estivemos a ensaiar 16 e 17 horas diarias, levantándonos ás seis da mañá e saíndo ás tantas. Pasas frío, calor, nervios; agora cantas, agora non,… son tantas cousas que nin sequera che dá o cerebro para procesalo todo. É moi difícil o día a día, pero sopórtase porque merece a pena.

-Na final aseguraba que vostede xa non é a mesma que aquela moza tímida que entrou nas audicións a cegas do primeiro día.

-Non, non o son. Son totalmente diferente no que respecta á timidez e ao meu xeito de relacionarme con este mundo. A miña forma de ser seguirá sendo sempre a mesma, porque son a mesma persoa, pero hai cousas que teñen que cambiar, porque todas as emocións que vives afectan en ti dunha forma ou outra.

-¿Como decide presentarse a un programa como este con a súa timidez inicial?

-Polas ganas de cantar, polo afán de chegar ao maior número de xente posible e que lle guste o que fas. Desde a túa casa non podes conseguilo, debes facelo desde un lugar público e así foi como se me ocorreu a idea.

-¿En que momento deuse conta da súa gran capacidade vocal?

-É algo que esta latente desde sempre, pero desenvólvelo na adolescencia, cando empezas a escoitar máis música e a estar máis pendente desas cousas.

-¿Espera que o título de gañadora cambie a súa vida?

-Agora volvo a Galicia para descansar uns días, pasar o Nadal e supoño que máis adiante empezaremos coa gravación do novo disco. Todo o que veña será ben recibido pola miña banda. Eu estudaba turismo, pero xa non. Agora mesmo téñoo aparcado, porque o que quero facer é isto e seguirei nesta liña mentres vaia ben. Vou apostalo toda á música.

-¿A que aspira?

-A poder vivir diso, do que máis me gusta.

-O público púxolle o alcume de «a Adele española». ¿Identifícase con el?

-Encántame, paréceme perfecto. Adele é unha muller guapa, intelixente, canta marabillosamente. Non podo sentirme mal porque me comparen con ela. Todo o contrario, é un halago. Ter unha carreira como a súa sería unha vertixe extrema.

Fonte:BEATRIZ PALLAS
REDACCIÓN / A VOZ

Quince novos músicos da Asociación Acordeóns triunfan en Mondragón

QUINCE NOVOS MÚSICOS DA ASOCIACIÓN ACORDEÓNS TRIUNFAN EN MONDRAGÓN

Os alumnos da escola cedeirense coparon os catro primeiros premios nalgunha categoría do certame.

Os mozos músicos da Asociación Acordeóns de de Cedeira, da Escola de Música Vila de Cedeira, volveron a triunfar en Arrasate (Mondragón). No festival Lidia Gundín Harris levou a medalla de ouro e Lara M. Labraña Areda, a de prata (iniciación A); Julián Gundín Harris a de prata (iniciación B); Andrea Loureiro García, ouro e mención especial na categoría A; Carmen Pita Mosquera, ouro na categoría B e André Labraña Area na C, na que Nerea Arriví Campos obtivo a prata. E en Cámara 1 (ata 12 anos), Sara Novais Meireles e Carmen Pita Mosquera, ouro e mención especial; e Elías Pérez Lorenzo e Alexandre Labraña Areda, ouro.

No certame nacional de acordeón o primeiro premio en categoría júnior (ata 17 anos) foi para Beatriz Leonardo Labraña; e en infantil (ata 13), Manuel Loureiro García quedou primeiro; Iván Armada Santiago, segundo; Inés García Prieto, terceira; e Sara Novais Meireles, cuarta. Os cedeirenses coparon así os catro primeiros postos da categoría. José Antonio Leonardo, Cuxa, presidente da asociación, destaca «este éxito sen precedentes» da música cedeirense, que atribúe ao profesor e fundador da escola, Xavier Díaz Carrasco, polo seu talento e dedicación.

Fonte: A voz de Galicia