CULTURA

Concurso-exposición de espantallos en Piñeiro el sábado

CONCURSO-EXPOSICIÓN DE ESPANTALLOS EN PIÑEIRO EL SÁBADO

La Asociación de Veciños de Piñeiro organiza un concurso-exposición deespantallos. Será el sábado, con un taller, de 16.30 a 18 horas, para elaborar los espantapájaros, con madera, paja, ropa vieja o pintura que aporta la entidad. Después se entregarán los premios de este certamen (en las categorías escolar y libre, con cheques de 50 y 30 euros para comprar en el comercio local) y del de dibujo de los alumnos de 4º de Primaria del Ceip Nicolás del Río (un MP4, un MP5 y diez ejemplares de «Espantallo amigo», de Neiras Vilas). El colectivo vecinal agradece la colaboración del centro educativo.

Noticia: La voz de Galicia

LA VOZ
CEDEIRA 20/10/2016 05:00

O Certame de Teatro amador de Cedeira esperta o interese de nove grupos de diferentes lugares de Galicia

O CERTAME DE TEATRO AMADOR DE CEDEIRA ESPERTA O INTERESE DE NOVE GRUPOS DE DIFERENTES LUGARES DE GALICIA

A primeira edición do Certame de Teatro Afeccionado de Cedeira espertou o interese de nove grupos de teatro amador de Santiago, A Coruña, Foz e Narón, entre outros lugares da xeografía galega.

O goberno municipal móstrase especialmente satisfeito pola resposta obtida nesta primeira convocatoria e recorda que, unha vez finalizado o prazo de inscrición, agora se abre un proceso de selección para elixir ás tres compañías que tomarán parte no certamen. Os concelleiros de Cultura, María Xosé Rodríguez, e de Educación, Robustiano Labraña, ademais do técnico cultural Quique Vázquez formarán parte da comisión que comezará a deliberar a próxima semana.

A cita coas artes escénicas terá lugar os días 4, 11 e 18 do próximo mes de novembro. O auditorio acollerá todas as representacións, que darán comezo ás oito da tarde. O Concello contribuirá cunha axuda económica de 400 euros á participación dos tres grupos seleccionados.

O Certame de Teatro de Afeccionado nace coa intención de permanencia e co obxectivo de dar a mellor e máis completa visión do panorama do teatro amador que se fai en Galicia, segundo explican dende o goberno.

O talento da cedeiresa Irene Caruncho despunta en “La Voz 4”

O TALENTO DA CEDEIRESA IRENE CARUNCHO DESPUNTA EN “LA VOZ 4”

A cedeiresa Irene Caruncho, de 20 anos, converteuse nunha das voces favoritas no televisivo programa “La Voz” de Telecinco que afronta a súa cuarta edición. A moza impresionou co seu talento aos catro “coaches” do programa – Malú, Alejandro Sanz, Manuel Carrasco e Melendi – que tardaron escasos segundos en virarse na terceira entrega das audicións a cegas. A moza escolleu como carta de presentación o tema “Run”, versionado pola cantante británica Leoa Lewis, e o bordó.

A súa actuación valeulle a admiración e os eloxios dos catro “coaches” do programa pero a cedeirense decantouse finalmente polo equipo liderado por Malú que recoñeceu en Irene Caruncho a unha das mellores voces de todas as tempadas do programa. “Mira, o que vou dicir pode ser ata mal… “La Voz” leva catro edicións con esta e é a miña cuarta edición aquí e mira que escoitei voces grandiosas per oes que desde o momento en que ti abriches a boca á miña puxéronseme os pelos, xa non do brazo, senón de todo o meu corpo, de punta”, indicaba Malú.

A cantante foi un dos “coaches” máis efusivos coa galega. “Dígocho coa maior sinceridade e co corazón na man: es un bicharraco, estás masterizada, tes algo na voz, no corazón cando cantas que eu che pido, non, rógoche, eles vanche a dicir de todo, poesía, pero rógocho, venche ao meu equipo que gañamos A Voz”, dixo.

E así fixo a cedeirense. Irene Caruncho empezou a cantar desde moi pequena. Estudante do IES Punta Candieira e, posteriormente, do IES Rodolfo Ucha, de Ferrol, xa daba acenos do seu potencial cando hai dous anos proclamábase gañadora do concurso “Canta Ferrol” na categoría de mellor voz de Ferrolterra. Agora cun teito máis alto, demostrará a súa valía nesta plataforma nacional onde se viu as caras co numeroso público do estudio. “É a mellor maneira de superar a miña timidez”, dixo.

Pode consultar o artigo publicado no Diario de Ferrol na seguinte ligazón:

IR Á LIGAZÓN Diario de Ferrol – El talento de la cedeiresa Irene Caruncho despunta en “La Voz 4” (7 outubro 2016)

Proxectos Subvencionados de Equipamentos térmicos de biomasa

PROXECTOS SUBVENCIONADOS DE EQUIPAMENTOS TÉRMICOS DE BIOMASA

ESTUFAS DE BIOMASA EN INSTALACIÓNS MUNICIPAIS

O Concello de Cedeira ten previsto a instalación o longo do mes de setembro de estufas de biomasa en cinco das instalacións municipais empregadas para diferentes actividades socioculturais e asociativas.

O subministro e instalación está subvencionado no marco das axudas do INEGA (Instituto Enerxético de Galicia)para Proxectos de Equipamentos térmicos de biomasa para o ano 2016, cofinanciados polo Fondo Europeo de Desenvolvemento Rexional, no marco do Programa Operativo Feder-Galicia 2014-2020, financiados, xunto ao Concello de Cedeira, pola Xunta de Galicia e o Fondo Europeo de Desenvolvemento Rexional – FEDER.

Os proxectos subvencionados son:

  • SUBMINISTRO E INSTALACIÓN DE ESTUFA DE BIOMASA : EDIFICIO PALACETE (IN421G-2016-170)
  • SUBMINISTRO E INSTALACIÓN DE ESTUFA DE BIOMASA: ESCOLAR DE SAN ROMÁN (IN421G-2016-175)
  • SUBMINISTRO E INSTALACIÓN DE ESTUFA DE BIOMASA: ESCOLAR DE FIGUEIRAS (IN421G-2016-191)
  • SUBMINISTRO E INSTALACIÓN DE ESTUFA DE BIOMASA: ESCOLAR DE ESTEIRO (IN421G-2016-182)
  • SUBMINISTRO E INSTALACIÓN DE ESTUFA DE BIOMASA ALBERGUE OS PINOS (IN421G-2016-177)

As estufas de biomasa, da tipoloxía de aire, terán unha potencia instalada de 9,05 kw e cun redemento do 92,70%. O obxectivo final da súa instalación é acadar unha axeitada climatización para o uso dos espazos un tipo enerxía económico e medioambientalmente máis sustentable.

Proxectos de Equipamentos térmicos de biomasa para o ano 2016, cofinanciados polo Fondo Europeo de Desenvolvemento Rexional, no marco do Programa Operativo Feder-Galicia 2014-2020

Denominación do Proxecto Subvencionado:

  • SUBMINISTRO E INSTALACIÓN DE ESTUFA DE BIOMASA EDIFICIO PALACETE (IN421G-2016-170)
  • SUBMINISTRO E INSTALACIÓN DE ESTUFA DE BIOMASA ESCOLAR DE SAN ROMÁN (IN421G-2016-175)
  • SUBMINISTRO E INSTALACIÓN DE ESTUFA DE BIOMASA ESCOLAR DE FIGUEIRAS (IN421G-2016-191)
  • SUBMINISTRO E INSTALACIÓN DE ESTUFA DE BIOMASA ESCOLAR DE ESTEIRO (IN421G-2016-182)
  • SUBMINISTRO E INSTALACIÓN DE ESTUFA DE BIOMASA ALBERGUE OS PINOS (IN421G-2016-177)

O cine volta o día 1 de octubro ao auditorio municipal de Cedeira

O CINE VOLTA O DÍA 1 DE OUTUBRO AO AUDITORIO MUNICIPAL DE CEDEIRA COA PROXECCIÓN DA PELÍCULA “TRUMAN”

O ciclo Cinemas de Galicia voltará ao auditorio municipal de Cedeira a partir do día 1 de outubro. A programación arrincará coa exhibición da película “Truman”, un filme español coa participación de actores tan coñecidos e premiados como Ricardo Darín e Javier Cámara. “Truman” foi a Mellor Película dos premios Goya 2016.

A seguinte cita co cine na vila de Cedeira será o día 9 de outubro coa proxección de “Meigallos”, unha película de animación infantil dirixida por Virginia Curiá. A exhibición dará comezo ás 18.30 horas.

A programación do mes de outubro finalizará o día 23 coa coprodución española-belga “Lobos sucios”, un thriller recomendado para maiores de doce anos. A sesión dará comezo ás 18.30 horas. Simón Casa de Miguel é o director unha película que conta a presenza dos nazis en Galicia durante a Segunda Guerra Mundial. El filme proxectouse no Festival Internacional de Cine de Ourense 2015.

“O noso último verán en Escocia” é unha comedia do Reino Unido, dirixida por Andy Hamilton e Guy Jenkin, que se exhibirá no auditorio municipal de Cedeira o primeiro domingo do próximo mes de novembro (día 6), a partir das 18.30 horas. O filme narra a historia dunha parella moza de Londres recentemente separada que viaxa cos seus fillos a Escocia para celebrar o aniversario do avó enfermo. Para non desgustalo, a familia decide simular que todo é harmonía. Foi premio do Público na Seminci 2014.

O Concello de Cedeira garante a continuidade das Xeorutas

O CONCELLO DE CEDEIRA GARANTE A CONTINUIDADE DAS XEORUTAS, QUE ENTRAN NA SÚA RECTA FINAL CUN NOVO PROXECTO DE TURISMO SOSTIBLE

“Unha viaxe ao interior da terra”. Así se presentaba a finais do mes de xuño o programa de Xeorutas, que concluirá despois de ter realizado 33 saídas ao longo de todo o verán. As últimas convocatorias terán lugar os días 16, 17 e 18 do presente mes.

O éxito obtido -cabe recordar que só no primeiro mes participaron 170 persoas- aconsella ao goberno municipal de Cedeira incorporar a iniciativa como unha actividade máis dentro do calendario local sempre e cando o tempo e a afluencia de visitantes así o recomenden.

Nesta liña inscríbise o acordo cos concellos de Ribadeo e Burela para o desenvolvemento do proxecto “Entre arcos e cantís”, unha iniciativa de similares contidos que, cunha vixencia de dous anos, está a espera da axuda tramitada ante dos Grupos de Acción Local do sector Pesqueiro (GALP). Este novo proxecto persegue conciliar a conservación e preservación do patrimonio natural fomentando o ecoturismo e a dinamización económica local de cara á creación dunha estratexia de turismo sostible e unha imaxe de marca do territorio da Mariña-Ortegal.

“Entre arcos e cantís” inclúe ademais toda unha serie de actividades entre as que destacan o inventario do patrimonio natural e guía xeolóxica da zona; a creación dunha plataforma web que porá en valor tanto a xeodiversidade como outros recursos, arqueoloxía e patrimonio, como alternativas de aloxamento, ocio ou restauración; a creación dunha aplicación móbil que incluirá os itinerarios xeolóxicos ou o establecemento de programas de formación e educación medioambiental dirixidos aos centros educativos. Tamén forman parte das actividades a realizar o deseño de itinerarios xeolóxicos interpretados, as xeorutas, que son a primeira actividade xa posta en marcha en Cedeira e Burela. En Ribadeo levan tempo executándose.

O Concello de Cedeira puso en mans do xeólogo Francisco Canosa unha iniciativa coa que se buscaba dar a coñecer a potencial xeológico que existe no municipio de maneira lúdica, ademais de abrir novos camiños dentro do sector turístico. E así conseguiuse xa que dende este verán as rutas dos Cantís, Praias Negras e do Cromo non sexan unhas descoñecidas e a súa riqueza estea moito máis valorada.

O museo Mares de Cedeira recibiu a visita de 2.100 persoas nos 40 primeiros días dende a súa inaguración

O MUSEO MARES DE CEDEIRA RECIBIU A VISITA DE 2.100 PERSOAS NOS 40 PRIMEIROS DÍAS DENDE A SÚA INAUGURACIÓN

Un total de 2.100 persoas coñeceron o Museo Mares de Cedeira dende a súa inauguración, que tivo lugar o día 23 de xullo. Estes resultados levan aos representantes da Asociación Mares de Cedeira -xestores da exposición- a sinalar que “o museo cumpre con moito os nosos obxetivos”. Galegos, xente de moitos lugares de España -especialmente da Comunidade de Madrid- e agora, nestes primeiros días do mes, excursionistas das Rías Baixas son só algúns dos perfís das persoas que fixeron un alto no camiño para coñecer os máis de 3.000 obxectos que dende hai uns 40 días pódense ver na planta baixa da Confraría de Pescadores de Cedeira.

Responsables da entidade recoñecen estar moi agradecidos pola boa acollida que está a ter a exposición e destacan, de maneira moi especial, a colaboración que veñen recibindo, incluso antes da súa inauguración, por parte da Sociedade Galega de Historia Natural para axudar a contextualizar algúnhas das pezas.

Ata o 15 de setembro, o museo abrirá mañá e tarde. A partir desa data só o fará polas mañás, de 10.30 a 13.30 horas.

Membros da Asociación Mares de Cedeira teñen previsto reunirse nos próximos días con responsables do colexio Nicolás del Río a fin de traballar na elaboración dunha unidade didáctica para a promoción do museo no ámbito escolar.

O Concello abre as portas ao teatro Amador coa convocatoria do primeiro certamen de teatro afeccionado de Cedeira

O CONCELLO ABRE AS PORTAS AO TEATRO AMADOR COA CONVOCATORIA DO PRIMEIRO CERTAME DE TEATRO AFECCIONADO DE CEDEIRA

Fomentar a cultura en xeral e as artes escénicas en particular é a idea que está detrás do primeiro Certame de Teatro Afeccionado de Cedeira que o Concello impulsa para que as compañías poidan achegar a creación dramática a un amplo sector de poboación e sirvan de viveiro para facer emerxer novos talentos artísticos.

A Concellería de Cultura organiza o programa para os días 4, 11 e 18 de novembro no Auditorio Municipal e dá a coñecer agora as bases de participación. Trátase dunha convocatoria aberta a todos os grupos que poidan estar interesados, dos que se seleccionarán tres que recibirán unha axuda económica de 400 euros. Cada compañía presentará a concurso o número de obras que desexe, das cales só poderá ser elixida unha. Todas as pezas terán que ser representadas en galego e os dereitos de posta en escena das obras correrán a cargo do Concello, como organizador do certamen, mentras que a autorización do autor será responsabilidade dos grupos participantes.

O prazo límite de inscrición e entrega da documentación conclúe o 5 de outubro de 2016. En canto á tramitación, terá que ser por escrito, facendo constar dende o título de espectáculo e autor ata as características técnicas como medidas da escenografía e plano de luces. No modelo de inscrición figurarán tamén nome e apelidos, teléfono, domicilio fiscal e unha declaración do responsable de que a compañía ou grupo non está incursa en ningunha das causas de exclusión previstas na Lei Xeral de Subvencións.

Será imprescindible presentar, xunto coa inscrición, un vídeo do espectáculo completo, en formato DVD. Este material utilizarase para as tarefas do comité de selección, aceptando os grupos que poida ser visualizado polos membros deste comité e por cantos asesores sexan requiridos por eles. Este formato tamén pode ser substituído por unha ligazón a web, con calidade de imaxe e son suficientes. A inscrición poderá presentarse en persoa nas oficinas do Concello 0 tamén no rexistro de calquera órgano administrativo pertencente á Administración Xeral do Estado, no de calquera Administración da Comunidade Autónoma ou nas oficinas de Correos. Nestes últimos casos, deberán ser logo enviados por correo postal, dirixidos a: I CERTAME DE TEATRO AFECCIONADO DE CEDEIRA.Concello de Cedeira. Rúa Real, 15; 15350 Cedeira, A Coruña. No caso de optar polo correo electrónico a documentación terá que ser remitida a: enrique.vazquez@cedeira.es

Xunto coa inscrición as compañías deberan presentar unha pequeña historia do grupo, críticas de prensa, certames nos que tomaron parte e cartel da obra e máis un programa de man da peza a representar.

A selección das obras será realizada por unha Comisión formada por persoas nomeadas pola Concellería de Cultura do Concello de Cedeira. Trátase de elixir os tres espectáculos que formarán o cartel da que será a primeira edición do certamen.

A selección das obras será realizada por unha Comisión formada por persoas nomeadas pola Concellería de Cultura do Concello de Cedeira. Trátase de elixir os tres espectáculos que formarán o cartel da que será a primeira edición do certamen.

I Certame de Teatro Afeccionado de Cedeira

I CERTAME DE TEATRO AFECCIONADO DE CEDEIRA

O I Certame de Teatro Afeccionado de Cedeira pretende fomentar a cultura en xeral e as artes escénicas en particular. Pretende configurarse como unha cita anual na que teñan cabida os traballos presentados por compañías de teatro amador para servir de impulso favorecedor da participación popular na cultura e promover o teatro como medio de enriquecemento cultural dos veciños e veciñas.

Con este certame inténtase achegar máis o Teatro á poboación de Cedeira, ofrecendo unha visión do panorama do teatro amador que se fai en Galicia.

DESCARGA EN PDF Bases de participación

DESCARGA EN PDF Anexo de inscrición para o I Certame de Teatro Afeccionado de Cedeira