Skip to content Skip to left sidebar Skip to footer

CULTURA

Xornadas Formativas en Cedeira do GALP A MARIÑA ORTEGAL e o GALP GOLFO ÁRTABRO NORTE

XORNADAS FORMATIVAS EN CEDEIRA DO GALP A MARIÑA ORTEGAL E O GALP GOLFO ÁRTABRO NORTE

Desde o GALP A MARIÑA ORTEGAL e o GALP GOLFO ÁRTABRO NORTE estase a desenvolver o proxecto “GALICIA NORTE. MARES DE EXPERIENCIAS” co o obxectivo de promover e dinamizar os territorios desde o sector turístico e pesqueiro.

Galicia Norte. Mares de Experiencias é un proxecto no que ademais de deseñar itinerarios turísticos, estase a promover a xeración de empresas e a creación de emprego dentro do sector turístico e pesqueiro.

Ás xornadas formativas que terán lugar en Cedeira entre o mes de setembro e outubro desenvolveránse no Auditorio (rúa do Convento s/n – baixo) cos seguintes contidos, datas e hora:

– Plan de Negocio (2 sesións): 27 de setembro de 16:00 a 19:00 h (1ª sesión), e 9 de outubro de 10:00 a 13:00 h (2ª sesión).

– Plan de Marketing (2 sesións): 16 de outubro de 10:00 a 13:00 h (1ª sesión) e de 16:00 a 19:00 h (2ª sesión).

– Lexislación: 18 de outubro de 9:30 a 13:30 h.

– Creación de Redes: 25 de outubro de 9:30 a 13:30 h.

Para asistir é necesario inscribirse chamando teléfono 673 472 735.

O programa “Cantos e Contos ao Solpor” traerá a Cedeira á compañía Aldaolado, ao grupo Falúa e historias populares

O PROGRAMA “CANTOS E CONTOS AO SOLPOR” TRAERÁ A CEDEIRA Á COMPAÑÍA ALDAOLADO, AO GRUPO FALÚA E HISTORIAS POPULARES

Este sábado arrinca na vila unha nova edición do programa “Cantos e Contos ao Solpor”, unha iniciativa do Concello de Cedeira para transitar do verán ao outono da man do teatro, a música e historias populares. A laranxeira que está ao pé do Concello volve ser un ano máis a referencia para as persoas que gusten de asistir a unhas citas culturais que son gratuítas e que comezan ás oito da tarde.

A primeira delas correrá a cargo do grupo Aldaolado, que porá en escena a obra “Cría fama e bótate a correr”, un espectáculo no que compañía foi quen de mesturar os seus mellores números con novos enredos, poemas, cancións e mesmo tamén algúns xogos.

As músicas galega, portuguesa e brasileira chegarán a Cedeira o día 23 coa actuación do grupo Falúa, que ofrecerá o concerto que leva por nome “Músicas da lusofonía”.

O programa “Cantos e Contos ao Solpor” pechará o día 29 coa participación da veciñanza con relatos populares. Tamén será ás oito da tarde.

O Concello recupera así mesmo, a partir do día 17 do presente mes, a programación de cine no auditorio. Esta primeira proxección arrincará ás 20.00 horas co filme “100 anos de perdón”. Nada mellor cunha película de suspense para recobrar vellos costumes. O prezo da entrada é de 3 euros. A sesión está aconsellada para maiores de 12 anos.

“Sobre Rodas” confía na voz de Irene Caruncho para recadar fondos cara á compra do vehículo adaptado que precisa a entidade

“SOBRE RODAS” CONFÍA NA VOZ DE IRENE CARUNCHO PARA RECADAR FONDOS CARA Á COMPRA DO VEHÍCULO ADAPTADO QUE PRECISA A ENTIDADE

O Concello de Cedeira colabora coa Asociación Sobre Rodas na organización do concerto benéfico que a gañadora do concurso televisivo La Voz, Irene Caruncho, dará o venres antes os seus paisanos para recadar fondos destinados á compra dun vehículo adaptado. O concerto será no auditorio e dará comezo ás 20.00 horas.

O prezo da entrada é de 5 euros. As persoas que o desexen tamén poden colaborar con aportacións económicas a través da conta bancaria que a entidade social ten na Caixa Catalana. Uns 30.000 euros é o orzamento estimado para poder xubilar a furgoneta que desde hai anos veñen utilizando a diario persoas con distintos problemas de mobilidade para realizar compras, ir ao médico o mesmo tamén facer recados e xestións.

A presidenta da entidade Sobre Rodas, Malena Pérez Villar, destaca a antigüidade do actual transporte, que xa é unha adaptación feita nunha furgoneta de segunda man, así como a necesidade do servizo que serve de importante axuda para case medio cento de persoas. Valora a xenerosidade que a xente de Cedeira vén demostrando con respecto as actividades e o labor que se fai desde a asociación, ao igual que o Concello, e espera que o concerto sirva para dar un empurrón cara á compra dese novo vehículo que se está a necesitar. A entidade tamén precisa renovar algún material ortopédico que se deixa aos asociados.