Unha Orde publicada onte no Boletín Oficial do Estado (BOE) establece a documentación coa que poderán acreditar a súa condición os tripulantes dos buques para facilitar a súa circulación, a fin de asegurar a prestación dos servizos de transporte marítimo, con motivo da crise sanitaria ocasionada polo COVID-19.
Pode descargar o documento na seguinte ligazón:
Desde o Concello queremos mandar unha mensaxe de ánimo a todas aquelas persoas da nosa vila que vaian retomar a súa actividade próximamente, e queremos tamén colaborar con eles na súa protección individual e na dos seus clientes, polo que poñemos un correo e teléfono a súa disposición para que contacten con nós e poidamos proporcionarlles material.
Debemos incidir no feito de que mercar nos negocios locais é unha inversión no benestar do noso pobo e animámos a toda a veciñanza a que, sempre que sexa posible, merque no comercio da nosa vila.
Paso a paso iremos saíndo desta situación e chegaremos a bo porto.
Desde o 26 de abril, nenas, nenos e adolescente de ata 14 anos xa poden saír a rúa a pasear e xogar, unha vez ao día, durante unha hora, nun entorno de máximo un kilómetro arredor da súa casa.
O concello adquiriu mascarillas hixiénicas reutilizables infantís que, coa inestimable colaboración de Protección Civil de Cedeira, iranse distribuíndo polas casas das nenas e nenos de 3 a 12 anos como medida auxiliar á prevención do contaxio da Covid19.
Estas mascarillas están elaboradas con material segundo a especificación UNE.
Coas mascarillas acompáñase un manual de uso.
