Author: Ana

ARRANCA O TROFEO DE PÁDEL “VILA DE CEDEIRA” COA PARTICIPACIÓN DE 80 PARELLAS

Un total de 80 parellas de pádel enfrontaranse esta fin de semana en Cedeira con motivo da celebración do torneo “Vila de Cedeira” que, organizado polo Club de Tenis e Pádel da localidade.

A competición dará lugar a partidos nos que se enfrontarán parellas das categorías 2ª, 3ª e 4ª masculinas, así como outros da feminina (cascada 1ª e 2ª) e tamen da mixta (cascada 1ª e 2ª).

Haberá trofeos para os mellores clasificados e agasallos para os participantes, segundo se pon de manifesto desde a organización coa que está a colaborar o Concello de Cedeira para que todo saia como está previsto, dada a popularidade desta modalidade deportiva.

O goberno local invita á veciñanza e mesmo aos visitantes a secundar coa súa presenza a celebración dunha actividade de carácter gratuíto e de acceso libre.

A LIGA DE FÚTBOL SALA “VILA DE CEDEIRA” REÚNE A 35 EQUIPOS,DOS QUE 27 SON INFANTÍS E 8 SÉNIORS

O Concello de Cedeira puxo en marcha un ano máis, e xa van trinta e seis, a Liga de Fútbol Sala “Vila de Cedeira”, unha competición con moito arraigamento na contorna e mesmo na provincia e que reúne desta volta a un total de 35 equipos, dos que 27 son infantís e 8 séniors.

Trátase da participación máis elevada acadada ata o de agora, xa que o número de xogadores triplica o anterior, tal e como se pon de manifesto desde o equipo de goberno. O executivo local valora esta resposta e invita á veciñanza e visitantes a presenciar os partidos que se celebran os luns, mércores e venres no pavillón polideportivo, a partir das seis da tarde. A entrada é libre e gratuíta.

A competición, que remará o día 7 de agosto, está a enfrontar a formacións de Cedeira, Ortigueira, Caranza e As Pontes, así como outras con xogadores da Coruña e Santiago de Compostela. Na liga sénior, participada exclusivamente por equipos locais, competirán os integrantes de A Traíña, Newti, Noroeste Galaico, A Tenda de Rosario, Café Bar O´Horreo, Pezones Negros, La Bodeguilla e Habichuelas.

A celebración deste ano trouxo como principal novidade a incorporación dunha categoría feminina, ás xa habituais masculina e mixta, pola presenza cada vez máis numerosa das mulleres tamén nesta modalidade deportiva de fútbol sala.