Skip to content Skip to left sidebar Skip to footer

A XXII edición da travesía a nado “Ría de Cedeira” será o sábado 11 de agosto

A XXII EDICIÓN DA TRAVESÍA A NADO “RÍA DE CEDEIRA” SERÁ O SÁBADO 11 DE AGOSTO

Coincidindo coas Festas da Patroa, o día 11 de agosto a vila acollerá a vixésimo segunda edición da travesía a nado “Ría de Cedeira”. Un ano máis, o Club Natación Cedeira Muebles García e o Concello ponse ao fronte da convocatoria, que tamén conta coa axuda da Taberna Jojó e da tenda Decobaño.

Estes días xa está aberto o prazo de inscrición, trámite que se debe levar a cabo na páxina www. ranckr.com, así como calquera tipo de consulta relacionada coa proba que dará comezo ás 16.30 horas do sábado día 11 do mes de agosto. A saída terá lugar na praza de Marieta.

A recollida dos gorros será ata as catro da tarde. Os prezos por participar oscilan entre os 4 e 6 euros, en función do día no se que faga a reserva. Catro son as categorías previstas para unha competición que ten moitos seguidores.

Son: 100 metros (2009 e posteriores), 400 (2007 e 2008), 800 (2006 e anteriores) e 1.500 (2003 e anteriores). Ademais, e desde o ano 2017,a convocatoria inclúe unha travesía non competitiva de colchós inchables cunha distancia de 100 metros.

Non é necesario inscrición previa pero é imprescindible que cada participante leve o seu propio colchón. O organización conseste o uso de neopreno.