A XIV Xuntanza de Palilleiras de Cedeira reunirá o sábado a máis de cincocentos participantes no pavillón municipal
A XIV XUNTANZA DE PALILLEIRAS DE CEDEIRA REUNIRÁ O SÁBADO A MÁIS DE CINCOCENTOS PARTICIPANTES NO PAVILLÓN MUNICIPAL
Máis de cincocentas persoas tomarán parte este sábado (día 14) na XIV Xuntanza de Palilleiras, Patchwork e Bordado que, organizada pola Asociación de Amas de Casa de Cedeira, terá lugar no polideportivo municipal ao longo de toda a xornada.
O Concello colabora na celebración dunha convocatoria na que haberá unha amplía representación galega pero na que tamén participantes do Principado de Asturias e da provincia de León.
O programa arrincará ás dez da mañá coa apertura das instalacións, que permanecerán abertas ao público ata as 18.30 horas, agás entre as dúas e catro da tarde.
A posibilidade de coñecer en vivo a difícil arte de palillar, de admirar o traballo de recuperación que fan asociacións como a de Amas de Casa de Cedeira a prol da cultura popular e de conquerir algún dos moitos agasallos que se sortearán durante o encontro son só algúns dos atractivos dunha cita na que se implican dunha forma moi activa as 100 mulleres da entidade convocante. A organización entregará un recordo a todos os participantes, así como agasallos ao grupo máis numeroso, ao que vén desde máis lonxe, á persoa máis nova e tamén á de maior idade.
Todas estas actividades complétanse cunha exposición de traballos artesanais de bordado, encaixe e patchwork que estará aberta ao público, de 11.00 a 14.00 e de 16.30 a 19.00 horas, nas instalacións do Palacete (avenida Castelao, 18).