A cuarta edición do programa “Música na Rúa” arrinca esta fin de semana co festival de Buxainas
A CUARTA EDICIÓN DO PROGRAMA “MÚSICA NA RÚA” ARRINCA ESTA FIN DE SEMANA CO FESTIVAL DE BUXAINAS
O programa “Música na Rúa”, organizado polo Concello de Cedeira, chega este ano á súa cuarta edición cunha convocatoria que arrincará esta fin de semana coa celebración do festival folclórico de Buxainas (Organiza a Asociación Cultural Buxainas e colabora o Concello de Cedeira), que será este sábado, ás sete da tarde, na praza Roxa.
Ao día seguinte, domingo día 15, a actividade trasladarase ao paseo da Mariña no que, ás 13.30, terá lugar a actuación da asociación de acordeonistas da localidade.
A programación retomarase o domingo día 22 coa actuación de As Aturuxeiras na praza do Peixe, a partir das 13.30 horas, para continuar o día 29 con motivo da celebración da Festa do Percebe. A actuación será ás 13.30 horas no porto pesqueiro e correrá a cargo da banda de música “Vila de Cedeira”.