A OFICINA DE TURISMO E O CASTELO DA CONCEPCIÓN AMPLÍAN OS SEUS HORARIOS DE ATENCIÓN AO PÚBLICO E DE VISITAS

Desde o día de hoxe e ata o mes de setembro, a oficina de turismo de Cedeira amplía o seu horario de atención para adaptarse á demanda dos moitos visitantes que, de maneira especial, se achegan a esta localidade costeira durante
o verán.

A oficina, situada no número 18 da avenida Castelao, pasa a abrir de luns a venres en horario de 9.00 a 14.30 e de 15.30 a 21.00, os sábados de 10.00 a 14.00 e os domingos de 11.30 a 13.30 horas.

Estes cambios tamén chegan ás visitas guiadas ao castelo da Concepción, que se intensifican pero que manteñen o seu carácter gratuíto. Así este fortín do século XVII abrirá as súas portas aos viaxeiros de martes a venres de 10.30 a 14.30, os sábados de 12.00 a 14.00 e de 18.00 a 20.00 horas e os domingos de 12.00 a 14.00 horas. Os luns permanecerá pechado.