A EXPOSICIÓN “ESTILOS II”, DE DIEGO PÉREZ E VICENTE RODRÍGUEZ, ESTARÁ ABERTA ATA O DÍA 20 NO PALACETE

O Palacete de Cedeira acolle desde hoxe xoves e ata o día 20 deste mes a exposición de pintura “Estilos II”, da que son autores Diego Pérez Dopico e J. Vicente Rodríguez. A mostra estará abierta ao público de luns a venres de 9.00 a 14.30 e os sábados de 10.00 a 14. 00 horas. A exposición consta dun total de 20 obras.

Diego Pérez Dopico (James PeaK) quere transmitir a enerxía, creatividade e a idea de que todo se pode transformar en algo enxeñoso para resaltar o seu propio carácter. Presidente e fundador da asociación cultural Galioart online (Ortigueira) é autor de dous libros de lendas “Sétima Andaina” e “Muiñeira de Apolo”.

Amante da fotografía e a natureza, leva anos dedicándose ao estudo da mesma e a súa iniciativa para crear non ten límites. Ademais de gañar e participar nalgúns dos concursos de fotografía da xeografía galega é un dos impulsores do taller de fotografía que organiza a asociación Cultural Galioart durante o festival internacional do mundo celta. Pérez Dopico traballa actualmente no concello de Ortigueira como técnico de Cultura e no 2011 foi o gañador do concurso de carteis para o festival de Ortigueira.